'ସମସ୍ତ ବିକଳ୍ପ ଅନୁସନ୍ଧାନ କର, ଦୃଢ ପଦକ୍ଷେପ ନିଅ': IOA ସଭାପତିଙ୍କ ସହ କଥା ହେଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ ୦୭/୦୮: ଭାରତୀୟ ରେସଲର ଭିନେଶ ଫୋଗାଟ ଅଯୋଗ୍ୟ ଘୋଷିତ ହେବା ପରେ ସବୁଠି ହଇଚଇ । ଅଲିମ୍ପିକ ଗେମ୍ସରେ ନିଜର ସ୍ୱପ୍ନ ହରାଇ ନାହାଁନ୍ତି, ବରଂ ଏକ ବଡ଼ ପଦକ ମଧ୍ୟ ହରାଇଛନ୍ତି । ଅଧିକ ଓଜନ ହେତୁ ତାଙ୍କୁ ଫାଇନାଲ ପୂର୍ବରୁ ଅଯୋଗ୍ୟ କରାଯାଇଛି । ଏହି ଖବର ବାହାରିବା ମାତ୍ରେ କେବଳ ଭିନେଶ ଫୋଗାଟଙ୍କ ପ୍ରଶଂସକ ଏବଂ କ୍ରୀଡାପ୍ରେମୀ ନୁହଁନ୍ତି ଦେଶର ପ୍ରସିଦ୍ଧ ବ୍ୟକ୍ତିତ୍ୱମାନେ ମଧ୍ୟ ହୃଦୟ ଭାଙ୍ଗିଥିଲେ । 

ଲାଗୁଥିଲା ଯେପରି ଗୋଟିଏ ଶକ୍ତ ଧକ୍କା ଲାଗିଛି । ସେ ପ୍ରତିଯୋଗୀ ହେଉ ବା କୋଚ୍ । ଭାଙ୍ଗିଯାଇଛି ମନ । ସେପଟେ ଘଟଣା ଜଣାପଡିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିନେଶ ଫୋଗାଟଙ୍କୁ ଉତ୍ସାହିତ କରି ସେବାକୁ ଟ୍ୱିଟ କରି ବଢାିଛନ୍ତି ମନୋବଳ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋସିଆଲ ମିଡିଆ ପ୍ଲାଟଫର୍ମରେ ଏକ ପୋଷ୍ଟ ମାଧ୍ୟମରେ କହିଛନ୍ତି ମୁଁ ଜାଣେ ତୁମେ ଚାମ୍ପିଅନ । ଡରିବାର କିଛି ନାହିଁ । ଆମେ ସମସ୍ତେ ଆପଣଙ୍କ ସହ ଅଛୁ । 

On Indian wrestler Vinesh Phogat's disqualification from #ParisOlympics2024, PM Narendra Modi tweets, "Vinesh, you are a champion among champions! You are India's pride and an inspiration for each and every Indian. Today's setback hurts. I wish words could express the sense of… pic.twitter.com/6Qx4rmdD2a— ANI (@ANI) August 7, 2024

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରତିକ୍ରିୟା ପୂର୍ବରୁ ଭାରତୀୟ ଅଲିମ୍ପିକ୍ ଆସୋସିଏସନ୍ ଦ୍ୱାରା ଭିନେଶ ଫୋଗାଟ୍ ସମ୍ବନ୍ଧରେ ଦିଆଯାଇଥିବା ତଥ୍ୟରେ କୁହାଯାଇଛି ଯେ ରାତିସାରା ଦଳର ସର୍ବଶ୍ରେଷ୍ଠ ଉଦ୍ୟମ ସତ୍ତ୍ୱେ ଆଜି ସକାଳେ ଭିନେଶ ଫୋଗାଟଙ୍କ ଓଜନ ୫୦ ଗ୍ରାମରୁ ଅଧିକ ଥିଲା । ତେବେ ଏହା ଉପରେ ପିଏମ ମୋଦୀ ଆଇଓଏକୁ ଏହି ପ୍ରସଙ୍ଗରେ କଠୋର ଆପତ୍ତି ଉଠାଇବାକୁ କହିଛନ୍ତି। ପ୍ରଧାନମନ୍ତ୍ରୀ ମୋଦୀ ଭାରତୀୟ ଅଲିମ୍ପିକ୍ ଆସୋସିଏସନ୍ (ଆଇଓଏ) ସଭାପତି ପି.ଟି ଉଷାଙ୍କ ସହ କଥା ହୋଇଛନ୍ତି । 

ଏହି ପରିସ୍ଥିତିରେ ସମସ୍ତ ବିକଳ୍ପ ଉପରେ ବିଚାର କରିବାକୁ ପିଏମ ମୋଦି କହିଛନ୍ତି । ଏଥିସହ ପ୍ରଧାନମନ୍ତ୍ରୀ ମୋଦି ଫୋଗାଟଙ୍କ ଅଯୋଗ୍ୟତା ନେଇ ପ୍ୟାରିସ ଅଲିମ୍ପିକ କମିଟି ସହିତ ଏକ ବିକ୍ଷୋଭ ପ୍ରଦର୍ଶନ କରିବାକୁ କହିଛନ୍ତି । ଏହାପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭିନେଶଙ୍କ ଅଯୋଗ୍ୟତା ପରେ ଏକ ପୋଷ୍ଟ ସେୟାର କରିଥିଲେ । ଏହି ପୋଷ୍ଟରେ ଭିନେଶଙ୍କ ଖେଳକୁ ପ୍ରଶଂସା କରୁଥିବାବେଳେ ସେ ପଦକରୁ ବଞ୍ଚିତ ହୋଇଥିବାରୁ ଦୁଃଖ ପ୍ରକାଶ କରିଛନ୍ତି।