ସମିତି ସଭ୍ୟରୁ ବିଧାୟକ, ୨୦୧୯ ପରେ ୨୦୨୪ରେ ଜଗନ୍ନାଥଙ୍କୁ ରିପିଟ୍ କଲା ବିଜେଡି

ପାଟଣା୨୭/୦୩:୨୦୨୪ ନିର୍ବାଚନରେ ପାଇଁ ଘୋଷଣା ହୋଇଛି ବିଜେଡିର ପ୍ରାର୍ଥୀ । ପାଟଣା ବିଧାନସଭା କ୍ଷେତ୍ର ପାଇଁ ବିଜୁ ଜନତା ଦଳ ପକ୍ଷରୁ ଜଗନ୍ନାଥ ନାଏକ ପ୍ରାର୍ଥୀ ହୋଇଛନ୍ତି । ଦଳ ସୁପ୍ରିମୋ ନବୀନ ପଟ୍ଟନାୟକ ଜଗନ୍ନାଥ ନାଏକଙ୍କ ନାମ ଘୋଷଣା କରିବା ପରେ ପାଟଣା ବିଜେଡି ଶିବିରରେ ଖୁସି ଲହରୀ ଖେଳିଯାଇଛି । 

ଜଗନ୍ନାଥ ନାଏକ ତାଙ୍କ ରାଜନୀତି କ୍ୟାରିୟର ସମିତି ସଭ୍ୟରୁ ଆରମ୍ଭ କରିଥିବା ବେଳେ ପାଟଣା ବ୍ଲକ ଅଧ୍ୟକ୍ଷ ଥିବା ସମୟରେ ଗତ ୨୦୧୯ ନିର୍ବାଚନରେ ବିଜେଡିରୁ ପ୍ରାର୍ଥୀ ହୋଇ ନିର୍ବାଚନ ଜିତି ବିଧାୟକ ହୋଇଥିଲେ । ପାଟଣା ବ୍ଲକ କଣ୍ଟିଆପଡା ପଞ୍ଚାୟତ ଭୋଗପଶି ଗ୍ରାମର ଜଗନ୍ନାଥ ନାଏକ । ପୂର୍ବତନ ପାଟଣା ବିଧାୟକ କାହ୍ନୁ ଚରଣ ନାଏକ ଏବଂ ପୂର୍ବତନ ପାଟଣା ବ୍ଲକ ଅଧ୍ୟକ୍ଷା ଲକ୍ଷ୍ମୀପ୍ରିୟା ନାଏକ ଙ୍କ ସାନ ପୁଅ ଜଗନ୍ନାଥ । 

ଗତ ୨୦୧୯ ମସିହାରେ ସେ ପାଟଣା ବ୍ଲକ ଅଧ୍ୟକ୍ଷ ଥିବା ସମୟରେ ବିଜୁ ଜନତା ଦଳ ତାଙ୍କୁ ବିଧାୟକ ପ୍ରାର୍ଥୀ କରିଥିଲା । ଏଥିରେ ଜଗନ୍ନାଥ ନାଏକ ପ୍ରତିଦ୍ୱନ୍ଦୀ ବିଜେପି ପ୍ରାର୍ଥୀ ଭବାନୀ ଶଙ୍କର ନାଏକ ଙ୍କୁ ୭୭୯୬ ଭୋଟରେ ପରାଜୟ କରି ବିଧାୟକ ହୋଇଥିଲେ । ଏବେ ତାଙ୍କୁ ପୁନର୍ବାର ଦଳ ସୁପ୍ରିମୋ ନବୀନ ପଟ୍ଟନାୟକ ବିଧାୟକ ପ୍ରାର୍ଥୀ କରିଥିବା ରୁ ସେ ଦଳ ସୁପ୍ରିମୋ  ନବୀନ ପଟ୍ଟନାୟକ  ଙ୍କୁ ଧନ୍ୟବାଦ ଜଣାଇଛନ୍ତି। ଜଗନ୍ନାଥ ନାଏକ ପ୍ରାର୍ଥୀ ହେବା ପରେ କର୍ମୀ ଉତ୍ସାହିତ ହୋଇ ପଡିଛନ୍ତି।