ସୌରମଣ୍ଡଳରେ ବିରଳ ଘଟଣା, ଗୋଟିଏ ଧାଡିରେ ୬ ଗ୍ରହ

ନୂଆଦିଲ୍ଲୀ ୦୩/୦୬: ବ୍ରହ୍ମାଣ୍ଡରେ ଲୁକ୍‌କାୟିତ ଅଗଣିତ ରହସ୍ୟର ସନ୍ଧାନ ଲାଗି ବୈଜ୍ଞାନିକମାନେ ନିରନ୍ତର ଗବେଷଣା କରୁଛନ୍ତି ।  ଇତିମଧ୍ୟରେ ବିରଳ ଘଟଣା ଘଟିଛିି । ସୌରମଣ୍ଡଳର ୬ଟି ଗ୍ରହ ବୁଧ,  ମଙ୍ଗଳ, ବୃହସ୍ପତି, ଶନି, ୟୁରେନ୍ସ, ନେପଚ୍ୟୁନ୍‌ ଗୋଟିଏ  ଧାଡି଼ରେ ନଜର ଆସିଛନ୍ତି । ସୌରମଣ୍ଡଳରେ ଘଟିଥିବା ଏହି ଦୁର୍ଲଭ ଘଟଣା ପୂରା ବିଶ୍ୱରେ ଦେଖାଯିବ । 

ନ୍ୟୁୟର୍କ ସହର ଓ ଆଖପାଖ ଅଞ୍ଚଳରେ ଲୋକେ ଏହାକୁ ପ୍ରଥମେ ଦେଖିବାର ସୁଯୋଗ ପାଇଛନ୍ତି । ପାଗ ପରିଷ୍କାର ରହିବାର ପୂର୍ବାନୁମାନ ଥିବାରୁ ଭାରତରେ ମଧ୍ୟ ଏହି ଦୃଶ୍ୟକୁ ଆକାଶରେ ଦେଖିାଦେଇଛି । ଏହାକୁ ଦେଖିବାର ସବୁଠୁ ଭଲ ସମୟ ଥିଲା  ସୂର୍ଯ୍ୟୋଦୟର ଏକ ଘଣ୍ଟା ପୂର୍ବରୁ । ନାସା ଅନୁସାରେ, ଗ୍ରହଗୁଡି଼କ ସୂର୍ଯ୍ୟର ଗୋଟିଏ ପଟେ ଜମା ହୋଇଗଲେ ଏଭଳି ହୋଇଥାଏ । 

ଏହା ପୂର୍ବରୁ ୧୯୭୦ ମସିହାରେ ଏମିତି ଘଟଣା ଦେଖିବାକୁ ମିଳିଥିଲା । ଏହାକୁ ‘ପରେଡ୍‌ ଅଫ୍‌ ପ୍ଲାଟେନ୍‌ସ’ ବୋଲି ମଧ୍ୟ କୁହାଯାଇଥାଏ । ସୋମବାର ଅର୍ଥାତ୍‌ ଜୁନ୍‌ ୩ ତାରିଖ ପରେ ଏହା ଆଉ କିଛି ଦିନ ଧରି ଦେଖିବାକୁ ମିଳିବ । ଅଗଷ୍ଟ ୨୮ ତାରିଖରେ ପୁଣି ଏଭଳି ଦୃଶ୍ୟ ଦେଖିବାକୁ ମିଳିପାରେ । 

ଏହାପରେ ୨୦୨୫  ମସିହା ଫେବ୍ରୁଆରୀ ୨୮ ତାରିଖରେ ମଧ୍ୟ ‘ପରେଡ୍‌ ଅଫ୍‌  ପ୍ଲାଟେନ୍‌ସ’ ଦେଖାଯିବ । ସେତେବେଳେ ପ୍ଲୁଟୋକୁ ଛାଡି଼  ସମସ୍ତ ଗ୍ରହ ଗୋଟିଏ ଧାଡ଼ିରେ ନଜର ଆସିବେ । ଆସନ୍ତାବର୍ଷ  ଫେବ୍ରୁଆରୀ ୨୮ ତାରିଖ ପରେ ୨୦୪୦ ସେପ୍ଟେମ୍ବର ୮ ଓ ୨୦୮୦  ମସିହା ମାର୍ଚ୍ଚ ୧୫ ତାରିଖରେ ଏହି ଦୃଶ୍ୟ ଦେଖିବାକୁ ମିଳିବ ।