‘ହୀରାମଣ୍ଡ’ ଫେମ୍ ଶର୍ମିନ୍ ହେଲେ ମାଆ, ପୁତ୍ର ସନ୍ତାନକୁ ଦେଲେ ଜନ୍ମ

ମୁମ୍ଵାଇ ୦୧।୦୬; ନେଟଫ୍ଲିକ୍ସ ସିରିଜ୍ 'ହୀରାମଣ୍ଡି' ଫେମ୍ ଅଭିନେତ୍ରୀ ଏବଂ ସଞ୍ଜୟ ଲୀଲା ବଂଶାଲିଙ୍କ ଭାଣିଜୀ ଶର୍ମିନ୍ ସେଗଲ୍ । ଏବେ ସେ ଫ୍ୟାନ୍ସଙ୍କୁ ଖୁସି ଖବର ଦେଇଛନ୍ତି। ସେ ପୁତ୍ର ସନ୍ତାନର ମା' ହୋଇଛନ୍ତି। ଏହି ଅଭିନେତ୍ରୀ ନଭେମ୍ବର ୨୦୨୩ରେ ଟୋରେଣ୍ଟ ଫାର୍ମାସ୍ୟୁଟିକାଲ୍ସର କାର୍ଯ୍ୟନିର୍ବାହୀ ନିର୍ଦ୍ଦେଶକ ଅମନ ମେହେତାଙ୍କୁ ବିବାହ କରିଥିଲେ। ଉଭୟ ଏକ ବ୍ୟକ୍ତିଗତ ଉତ୍ସବରେ ବିବାହ ବନ୍ଧନରେ ଆବଦ୍ଧ ହୋଇଥିଲେ। 

ବିବାହ ପରେ ସେ ତାଙ୍କ ସ୍ୱାମୀଙ୍କ ସହ ଅହମ୍ମଦାବାଦକୁ ଚାଲି ଆସିଥିଲେ। ତଥାପି, ସେ ଗତ କିଛି ଦିନ ଧରି ମୁମ୍ବାଇରେ ଥିଲେ। ସଞ୍ଜୟ ଲୀଲା ବଂଶାଲିଙ୍କ ଭାଣିଜୀ ଶର୍ମିନ୍ ସେଗଲ୍ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି। ଶର୍ମିନ୍ ଏବଂ ଅମନ ପ୍ରଥମ ଥର ପାଇଁ ପିତାମାତା ହୋଇଛନ୍ତି। ବର୍ତ୍ତମାନ, ନା ଶର୍ମିନ୍ ସେଗଲ୍ ନା ତାଙ୍କ ପରିବାରର କେହି ଏହି ଖୁସି ଖବରକୁ ନିଶ୍ଚିତ କରିନାହାଁନ୍ତି। ପ୍ରଶଂସକମାନେ ଅଭିନେତ୍ରୀଙ୍କ ପୋଷ୍ଟକୁ ଅପେକ୍ଷା କରିଛନ୍ତି।

ଶର୍ମିନ୍ ସେଗଲ୍ ୨୦୧୯ ମସିହାରେ ବଲିଉଡ୍‌ରେ ଡେବ୍ୟୁ କରିଥିଲେ। ଅଭିନେତ୍ରୀ ମିଜାନ୍ ଜାଫରିଙ୍କ ସହିତ 'ମଲାଲ୍' ଫିଲ୍ମ ସହିତ ତାଙ୍କର ବଲିଉଡ୍‌ କ୍ୟାରିଅର୍ ଆରମ୍ଭ କରିଥିଲେ। ଏହି ଫିଲ୍ମଟି ତାଙ୍କ ମାମୁଁ ସଞ୍ଜୟ ଲୀଲା ବଂଶାଲିଙ୍କ ଦ୍ୱାରା ପ୍ରଯୋଜିତ ହୋଇଥିଲା। ଏହି ଅଭିନେତ୍ରୀ ଜ୍ୟାକି ଶ୍ରଫ୍ ଏବଂ ପ୍ରତୀକ ଗାନ୍ଧୀଙ୍କ ସହିତ ହରର୍-କମେଡି 'ଅତିଥି ଦେବୋ ଭବ'ରେ ମଧ୍ୟ ନଜର ଆସିଛନ୍ତି। କିନ୍ତୁ ଶର୍ମିନଙ୍କୁ ପ୍ରକୃତ ପରିଚୟ ସଞ୍ଜୟ ଲୀଲା ବଂଶାଲିଙ୍କ ଧାରାବାହିକ 'ହୀରାମଣ୍ଡି'ରୁ ମିଳିଥିଲା। ସେ ୱେବ୍ ସିରିଜରେ ଆଲମଜେବ ଚରିତ୍ରରେ ଅଭିନୟ କରି ପ୍ରସିଦ୍ଧ ହୋଇଥିଲେ। ତଥାପି, ତାଙ୍କୁ ତାଙ୍କ ଅଭିନୟ ପାଇଁ ବହୁତ ଟ୍ରୋଲିଂର ସମ୍ମୁଖୀନ ହେବାକୁ ପଡିଥିଲା।