୧୯୯୬ କୋଏମ୍ବାଟୁର ବୋମା ବିସ୍ଫୋରଣ ମାମଲା, ୨୯ ବର୍ଷ ପରେ ଗିରଫ ହେଲା ଅଭିଯୁକ୍ତ ସାଦିକ

୧୯୯୬ କୋଏମ୍ବାଟୁର ବୋମା ବିସ୍ଫୋରଣ ମାମଲା । ୨୯ ବର୍ଷ ପରେ ମୁଖ୍ୟ ଅଭିଯୁକ୍ତ ସାଦିକ ଗିରଫ । ଏକ ବଡ଼ ସଫଳତା ହାସଲ କରି, କୋଏମ୍ବାଟୁର ପୋଲିସ ୧୯୯୬ କୋଏମ୍ବାଟୁର ବୋମା ବିସ୍ଫୋରଣ ମାମଲାର ମୁଖ୍ୟ ଅଭିଯୁକ୍ତ ସାଦିକ ରାଜାଙ୍କୁ ଗିରଫ କରିଛି । ପ୍ରାୟ ତିନି ଦଶନ୍ଧି ଧରି ପଳାତକ ରହିବା ପରେ ତାଙ୍କୁ ବିଜୟପୁରା ସହରରୁ ଗିରଫ କରାଯାଇଥିଲା ।

ସାଦିକ୍, ଯିଏ ମୂଳତଃ ଚାମରାଜନଗର ଜିଲ୍ଲାର ଗୁଣ୍ଡଲୁପେଟ୍ର ବାସିନ୍ଦା । ବିସ୍ଫୋରଣ ପରଠାରୁ ଫେରାର୍ ଥିଲା ଏବଂ ବାରମ୍ବାର ତାଙ୍କ ସ୍ଥାନ ପରିବର୍ତ୍ତନ କରୁଥିଲା । ସେ ତାମିଲନାଡୁରୁ ବେଙ୍ଗାଲୁରୁ, ତା’ପରେ ହୁବଲି ଏବଂ ଶେଷରେ ବିଜୟପୁରାରେ ବାସ କରୁଥିଲା । ଗତ ୧୨ ବର୍ଷ ଧରି, ସେ ଏକ ନକଲି ପରିଚୟପତ୍ର ସହିତ ରହୁଥିଲା ଏବଂ ପନିପରିବା ବିକ୍ରେତା ଭାବରେ କାମ କରୁଥିଲା । ସେ ହୁବଲିର ଜଣେ ମହିଳାଙ୍କୁ ମଧ୍ୟ ବିବାହ କରିଛନ୍ତି ।

ପୋଲିସ ସୂତ୍ର ଅନୁଯାୟୀ ସାଦିକ ମାଦୁରାଇ ଏବଂ ନାଗୋର ଘଟଣା ସମେତ ଅନ୍ୟାନ୍ୟ ବିସ୍ଫୋରଣ ମାମଲାରେ ମଧ୍ୟ ଜଡିତ ଥିଲା । କୋଏମ୍ବାଟୁର ପୋଲିସ ନିର୍ଦ୍ଦିଷ୍ଟ ସୂଚନା ଉପରେ କାର୍ଯ୍ୟ କରିଥିଲା ଏବଂ ବିଜୟପୁରା ଜିଲ୍ଲା ପୋଲିସକୁ ମଧ୍ୟ ସୂଚନା ନ ଦେଇ ଅପରେସନକୁ ଅତ୍ୟନ୍ତ ଗୁପ୍ତ ରଖିଥିଲା ।

ଏଥି ସହ ଜାଣିରଖନ୍ତୁ ଯେ, ବର୍ତ୍ତମାନ ତାଙ୍କୁ ଏବେ ହେପାଜତକୁ ନିଆଯାଇଛି ଏବଂ ଅଧିକ ତଦନ୍ତ ପାଇଁ ତାମିଲନାଡୁକୁ ନିଆଯାଇଛି ।

Also read : ଲାହୋର ଯାଉଥିବା ବସକୁ ଅଟକାଇଲେ ଅପହରଣକାରୀ, ୯ ଜଣ ଯାତ୍ରୀଙ୍କୁ କଲେ ହତ୍ୟା

The post ୧୯୯୬ କୋଏମ୍ବାଟୁର ବୋମା ବିସ୍ଫୋରଣ ମାମଲା, ୨୯ ବର୍ଷ ପରେ ଗିରଫ ହେଲା ଅଭିଯୁକ୍ତ ସାଦିକ appeared first on KNews Odisha.