୨୦୨୫ରେ ସାତଫେରା ନେବେ ନାଗା ଚୈତନ୍ୟ-ଶୋଭିତା, ବିଦେଶରେ କରିବେ ଡେଷ୍ଟିନେସନ୍ ୱେଡିଂ !

ମୁମ୍ଵାଇ ୨୮।୦୮; ଦକ୍ଷିଣ ସିନେମା ସୁପରଷ୍ଟାର ନାଗା ଚୈତନ୍ୟ । ସେ ଦ୍ଵିତୀୟ ଥର ବିବାହ କରିବାକୁ ଯାଉଛନ୍ତି। ସାମନ୍ଥାଙ୍କ ଠାରୁ ଛାଡପତ୍ର ପରେ ଅଗଷ୍ଟ ୮ରେ ଶୋଭିତା ଧୁଲିପାଲାଙ୍କ ସହ ନିର୍ବନ୍ଧ କରିଥିଲେ । ବର୍ତ୍ତମାନ ସମସ୍ତେ ନିଜ ବିବାହକୁ ଅପେକ୍ଷା କରିଛନ୍ତି। ଖବର ଆସୁଛି ଯେ ଉଭୟ ଆସନ୍ତା ବର୍ଷ ମାର୍ଚ୍ଚ ମାସରେ କିମ୍ଵା ଚଳିତ ବର୍ଷ ଡିସେମ୍ଵରରେ ସାତ ଫେରା ନେବେ । ଉଭୟ ଡେଷ୍ଟିନେସନ ବିବାହ ଯୋଜନା କରୁଛନ୍ତି। ଏଥିପାଇଁ କେବଳ ଦେଶରେ ନୁହେଁ ବିଦେଶରେ ମଧ୍ୟ ଜାଗା ଖୋଜୁଛନ୍ତି।

ଏନେଇ ନାଗା କିମ୍ବା ଶୋଭିତାଙ୍କ ପରିବାରରୁ ଏହି ଖବରର ଉପରେ କୌଣସି ନିଶ୍ଚିତତା ହୋଇନାହିଁ। କିନ୍ତୁ ରିପୋର୍ଟ ଅନୁଯାୟୀ, ଉଭୟ ଚଳିତ ବର୍ଷ ଶେଷରେ କିମ୍ବା ଆସନ୍ତା ବର୍ଷ ମାର୍ଚ୍ଚରେ ବିବାହ କରିବେ। ନିର୍ବନ୍ଧ ପରେ  ଏବେ ବିବାହ ପ୍ରସ୍ତୁତି ଜୋରସୋରରେ ଚାଲିଛି। ହାଇଦ୍ରାବାଦର ଅନ୍ନପୂର୍ଣ୍ଣା ଷ୍ଟୁଡିଓରେ ଏହି ବିବାହକୁ ସ୍ମରଣୀୟ କରିବା ପାଇଁ ନାଗାର୍ଜୁନଙ୍କ ଏକ ଦଳ ସମସ୍ତ ଯୋଜନା କରୁଛନ୍ତି।ରାଜସ୍ଥାନରେ ବିବାହ ପାଇଁ ଏକ ସ୍ଥାନ ଖୋଜାଯାଉଛି ବୋଲି ଦାବି କରାଯାଇଛି। ଏହା ବ୍ୟତୀତ ମଧ୍ୟପ୍ରଦେଶ ତଥା ବିଦେଶରେ ଥିବା ସ୍ଥାନଗୁଡିକ ଉପରେ ମଧ୍ୟ ଦୃଷ୍ଟି ରଖାଯାଇଛି । ଉଲ୍ଲେଖଥାଉ କି, ଚୈତନ୍ୟ ଏବଂ ସାମନ୍ଥାଙ୍କ ବିବାହ ମଧ୍ୟ ଗୋଆରେ ୨୦୧୭ରେ ହୋଇଥିଲା। ୨୦୨୧ ରେ ଏହି ଦମ୍ପତି ଅଲଗା ହୋଇଥିଲେ ।

କହିବାକୁ ଗଲେ ଯେ ସାମନ୍ଥାଙ୍କ ଛାଡପତ୍ର ପରେ ଶୋଭିତା ନାଗା ଚୈତନ୍ୟଙ୍କ ଜୀବନରେ ଏଣ୍ଟ୍ରି କରିଥିଲେ। ଉଭୟ ପ୍ରାୟ ଦୁଇ ବର୍ଷ ଧରି ପରସ୍ପରକୁ ଡେଟ କରୁଥିଲେ। ୱାର୍କ ଫ୍ରଣ୍ଟ ବିଷୟରେ କହିଲେ ଶୋଭିତା ନିକଟରେ ହଲିଉଡ ଫିଲ୍ମ 'ଦି ମଙ୍କି ମ୍ୟାନ'ରେ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ର ଏପର୍ଯ୍ୟନ୍ତ ଭାରତରେ ରିଲିଜ୍ ହୋଇନାହିଁ।