୨୪ ଘଣ୍ଟା ପରେ ମହାନଦୀରୁ ମିଳିଲା ଦୁଇ ନାବାଳକଙ୍କ ମୃତଦେହ

ସମ୍ବଲପୁର ୧୨।୧୦ : ମହାନଦୀରେ ଦୁଇ ନାବାଳକ ଭାସିଯିବା ଘଟଣା । ଶନିବାର ସକାଳୁ ଠାବ ହୋଇଛି ଦୁଇ ନାବାଳକଙ୍କ ମୃତଦେହ । ମୃତକ ଦୁଇ ନାବାଳକ ହେଲେ ଏସ୍‌ କନିଷ୍ଟ ଏବଂ ହିମାଂଶୁ ବୋଲି ଜଣାପଡିଛି । ଖବର ଅନୁଯାୟୀ, ଶୁକ୍ରବାର ଅପରାହ୍ନରେ ସମୟରେ ମହାନଦୀକୁ ଗାଧୋଇବାକୁ ଯାଇଥିଲା ଦୁଇ ନାବାଳିକ । ତିଓ୍ୱାରୀ ଗଳି ସଡ଼କ ଘାଟରେ ଉଭୟ ନାବାଳକ ଗାଧୋଇବା ସମୟରେ ହଠାତ୍‌ ଗୋଡ ଖସିଯାଇଥିଲା । ଯାହାଫଳରେ ଉଭୟ ପାଣିରେ ବୁଡିଯାଇଥିଲେ ।  ଏହାପରେ ସ୍ଥାନୀୟ ଲୋକେ ତୁରନ୍ତ ଅଗ୍ନିଶମ ବାହିନୀକୁ ଖବର ଦେଇଥିଲେ ।ଅଗ୍ନିଶମ ବାହିନୀ ଏବଂ ଓଡ୍ରାଫ୍‌ ଟିମ୍‌ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ବହୁ ସମୟ ଧରି ଖୋଜାଖୋଜି ପରେ କୌଣସି ପତ୍ତା ମିଳିନଥିଲା । ଶେଷରେ ରାତି ହେବାରୁ ଉଦ୍ଧାର କାର୍ଯ୍ୟକୁ ବନ୍ଦ କରାଯାଇଥିଲା । ଶନିବାର ସକାଳୁ ପୁଣି ଥରେ ଆରମ୍ଭ ହୋଇଥିଲା ଉଦ୍ଧାର କାର୍ଯ୍ୟ । କିଛି ସମୟ ଧରି ଉଦ୍ଧାର କାର୍ଯ୍ୟ ଚାଲିବା ପରେ ସମଲେଶ୍ୱରୀ ଘାଟ ନିକଟରୁ ଉଭୟଙ୍କ ମୃତଦେହ ଠାବ ହୋଇଥିଲା ।ଝୁରୁଛି ଓଲିଉଡ୍‌, ମନେପଡନ୍ତି ଷ୍ଟାର ମେକର ହର ପଟ୍ଟନାୟକ