୫ ବର୍ଷର ପିଲା ବାପାମା’ ଶୋଇଥିବାବେଳେ ରାତାରାତି ଆମାଜନରେ ୨.୫୮ ଲକ୍ଷ ଟଙ୍କାରୁ ଅଧିକ ଖର୍ଚ କରିଦେଲା

ପିଲାମାନେ ଅଧିକ ସମୟ ମୋବାଇଲ ଦେଖୁଛନ୍ତି। ମାତାପିତା ମଧ୍ୟ କାର୍ଯ୍ୟରେ ବ୍ୟସ୍ତ ହେତୁ ପିଲାଙ୍କୁ ଆକଟ କରିପାରୁନାହାନ୍ତି। ଫଳରେ ପିଲାମାନେ ମୋବାଇଲ୍‌କୁ ଅପବ୍ୟବହାର କରୁଛନ୍ତି। ନିକଟରେ ଏକ ୫ ବର୍ଷର ପିଲା ବାପାମା’ ଶୋଇଥିବାବେଳେ ରାତାରାତି ଆମାଜନରେ ୩,୦୦୦ ଡଲାର ଅର୍ଥାତ୍‌ ୨.୫୮ ଲକ୍ଷ ଟଙ୍କାରୁ ଅଧିକ ମୂଲ୍ୟର କ୍ରୟ କରିଥିଲେ।

କର୍ଷ୍ଟେନ ଲୋକାସ ମ୍ୟାକକଲ ନାମକ ଜଣେ ବ୍ୟକ୍ତି ତାଙ୍କ ପୁଅର କାରନାମାର ଏକ ଭିଡିଓ ତିଆରି କରି TikTokରେ ଶେୟାର କରିଛନ୍ତି, ଯାହାକୁ ଏପର୍ଯ୍ୟନ୍ତ ୪୨ ଲକ୍ଷ ଥର ଦେଖାଯାଇଛି।

ଭାଇରାଲ ଭିଡିଓର ଆରମ୍ଭରେ, ତିନି ଜଣ ପିଲା ସୋଫାରେ ବସିଥିବା ଦେଖାଯାଉଛି। ଏହି ସମୟରେ, ବାପା ତାଙ୍କ ଚୁପ ବସିଥିବା ପାଞ୍ଚ ବର୍ଷର ପୁଅକୁ ଅର୍ଡର କରାଯାଇଥିବା ଜିନିଷ ବିଷୟରେ ପଚାରିବା ଆରମ୍ଭ କରନ୍ତି। ବ୍ୟକ୍ତି ପୁଅକୁ ପଚାରନ୍ତି, ତୁମେ ଆମାଜନରୁ ୭ଟି କାର କିଣିଛ। ତା’ପରେ ସେ କୁହନ୍ତି, ତୁମେ ଜାଣ କି ତୁମେ ୩,୦୦୦ ଡଲାରରୁ ଅଧିକ ଖର୍ଚ୍ଚ କରିଛ। ଚିନ୍ତିତ ପିତା ତା’ପରେ ତାଙ୍କ ପୁଅକୁ ପଚାରନ୍ତି, ତୁମେ ଏହା କିପରି କଲ?

ଏହା ପରେ, ଭିଡିଓରେ Amazonରୁ କରାଯାଇଥିବା କ୍ରୟର ସ୍କ୍ରିନସଟ ମଧ୍ୟ ଦେଖାଯାଉଛି, ଯାହାର କ୍ୟାପସନରେ ଲେଖାଯାଇଛି – ମୁଁ ଏକ ମଜାଦାର ଜୀବନ ବିତାଉଛି। ଖୁସିରେ ଫୋନ ସ୍କ୍ରୋଲ କରୁଛି, ଏବଂ Amazon ଚେକ କରୁଛି, ଯେତେବେଳେ ଘରର ଅନ୍ୟ ଲୋକମାନେ ଶୋଇଛନ୍ତି।

ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଯେତେବେଳେ ଏହି ଛୋଟ ‘ସପିଂ ପ୍ରେମୀ’ ଧରାପଡ଼ିଲେ, କାର୍ଟରେ ଚେକଆଉଟ ପାଇଁ ପ୍ରସ୍ତୁତ ୬୦,୧୯୧.୯୬ ଟଙ୍କା ମୂଲ୍ୟର ଜିନିଷ ଥିଲା। ଏତେ ମହଙ୍ଗା ଅର୍ଡର ଦେଖି ପିଲାଟିର ବାପାମା ସମ୍ପୂର୍ଣ୍ଣ ଆଶ୍ଚର୍ଯ୍ୟ ହୋଇଗଲେ।

The post ୫ ବର୍ଷର ପିଲା ବାପାମା’ ଶୋଇଥିବାବେଳେ ରାତାରାତି ଆମାଜନରେ ୨.୫୮ ଲକ୍ଷ ଟଙ୍କାରୁ ଅଧିକ ଖର୍ଚ କରିଦେଲା appeared first on Odisha.News.