ଓ୍ଵାୟରଲେସ୍‌ ଚାର୍ଜର ସପୋର୍ଟ ସହ ଲଞ୍ଚ ହେଲା ଏହି ଶସ୍ତା ଫୋନ, ରହିଛି ଦମଦାର ଫିଚର୍ସ

ୟୁଜର୍ସଙ୍କ ପାଇଁ Infinix ଆଉ ଏକ ନୂଆ ମିଡ୍‌ ରେଞ୍ଜର ସ୍ମାର୍ଟଫୋନ୍ Infinix Note 40 5G ଲଞ୍ଚ କରିଛି । ଏହି ଲାଟେଷ୍ଟ ସ୍ମାର୍ଟଫୋନରେ ୟୁଜରମାନେ 5G ସପୋର୍ଟ ସହିତ ୫୦୦୦ mAhର ଦମଦାର ବ୍ୟାଟେରୀ ଏବଂ ୧୦୮ ମେଗାପିକ୍ସେଲ ପ୍ରାଇମେରୀ ରିୟର କ୍ୟାମେରା ସେନ୍ସର ଭଳି ଅନେକ ଫିଚର୍ସ ପାଇବେ । ଜୁନ୍ ୨୬ ଅପରାହ୍ନ ୨ ଟାରୁ ଫ୍ଲିପକାର୍ଟରେ ୟୁଜରଙ୍କ ପାଇଁ ଏହି ଫୋନର ସେଲ୍‌ ଆରମ୍ଭ ହେବ । ଏହି ଫୋନକୁ ଟାଇଟାନ୍ ଗୋଲ୍ଡ ଏବଂ ଓବସିଡିଆନ୍ ବ୍ଲାକ୍ କଲରରେ କିଣିପାରିବେ ।

ଏହି Infinix ସ୍ମାର୍ଟଫୋନର ଗୋଟିଏ ଭାରିଆଣ୍ଟ ଲଞ୍ଚ କରାଯାଇଛି ଯାହାର ଷ୍ଟୋରେଜ୍ ୮ GB / ୨୫୬ GB ରହିଛି । ଏହି ଭାରିଆଣ୍ଟର ଦାମ୍‌ ୧୯,୯୯୯ ଟଙ୍କା, କିନ୍ତୁ ବ୍ୟାଙ୍କ ଅଫରର ଲାଭ ଉଠାଇବା ପରେ ଏହି ଫୋନ୍ ଆପଣଙ୍କୁ ୧୭,୯୯୯ ଟଙ୍କାରେ ମିଳିଯିବ । ଏହା ବ୍ୟତୀତ ପୁରୁଣା ଫୋନ୍ ଏକ୍ସଚେଞ୍ଜ କଲେ ୨,୦୦୦ ଟଙ୍କାର ଡିସକାଉଣ୍ଟ ମିଳିବ । ଏକ୍ସଚେଞ୍ଜ୍ ଅଫରର ଲାଭ ଉଠାଇବା ପରେ ଆପଣ ଏହି ଫୋନକୁ ୧୫,୯୯୯ ଟଙ୍କାରେ କିଣି ପାରିବେ ।

ଡିସପ୍ଲେ: ଏହି Infinix ଫୋନରେ ୬.୭୮ ଇଞ୍ଚର ଫୁଲ୍- HD ପ୍ଲସ୍ AMOLED ସ୍କ୍ରିନ ଅଛି ।
ପ୍ରୋସେସର୍: ଫୋନରେ ମିଡିଆ ଟେକ୍ ଡାଇମେନ୍ସନ୍ ୭୦୨୦ ଅକ୍ଟା-କୋର ପ୍ରୋସେସର ବ୍ୟବହାର କରାଯାଇଛି ।
RAM ଏବଂ ଷ୍ଟୋରେଜ୍ : ଫୋନରେ ୮ GB RAM ଅଛି କିନ୍ତୁ ୮ GB ଭର୍ଚୁଆଲ୍ RAM ସାହାଯ୍ୟରେ ଆପଣ RAM କୁ ୧୬ GB ପର୍ଯ୍ୟନ୍ତ ବଢ଼ାଇ ପାରିବେ । ଆପଣ ଏହି ଫୋନରେ ୨୫୬ GBର ଇଣ୍ଟରନାଲ ଷ୍ଟୋରେଜ୍ ପାଇବେ ।
କ୍ୟାମେରା ସେଟଅପ୍: ଫୋନର ପଛ ଭାଗରେ ୧୦୮ ମେଗାପିକ୍ସେଲର ପ୍ରାଇମେରୀ କ୍ୟାମେରା ସେନ୍ସର ସହିତ ଆଉ ଦୁଇଟି କ୍ୟାମେରା ସେନ୍ସର ଯୋଗାଇ ଦିଆଯାଇଛି । ଫୋନର ଫ୍ରଣ୍ଟରେ ୩୨ ମେଗାପିକ୍ସେଲର ସେଲଫି କ୍ୟାମେରା ସେନ୍ସର ରହିଛି ।
ବ୍ୟାଟେରୀ : ଫୋନରେ ୩୩ ୱାଟ ଓ୍ଵାୟର୍ଡ ଏବଂ ୧୫ ୱାଟର ଓ୍ଵାୟରଲେସ୍‌ ଚାର୍ଜ ସପୋର୍ଟ ସହିତ ୫୦୦୦ mAhର ଦମଦାର ବ୍ୟାଟେରୀ ଅଛି ।

The post ଓ୍ଵାୟରଲେସ୍‌ ଚାର୍ଜର ସପୋର୍ଟ ସହ ଲଞ୍ଚ ହେଲା ଏହି ଶସ୍ତା ଫୋନ, ରହିଛି ଦମଦାର ଫିଚର୍ସ appeared first on KNews Odisha.