BCCI ସେଣ୍ଟ୍ରାଲ୍ କଣ୍ଟ୍ରାକ୍ଟରୁ ବାଦ୍ ପଡ଼ିବେ ରୋହିତ୍-ବିରାଟ ? ଆୟର-ଇଷାନଙ୍କ ଭଳି ହେବ ଅବସ୍ଥା !

ମୁମ୍ବାଇ: ଟିମ୍ ଇଣ୍ଡିଆର ଅଧିନାୟକ ଏବଂ ଷ୍ଟାର୍ ବ୍ୟାଟର ବିରାଟ କୋହଲିଙ୍କ କ୍ରିକେଟ୍ କ୍ୟାରିୟର ଅନ୍ତିମ ପର୍ଯ୍ୟାୟରେ । ଏହାକୁ ନିଜେ ଅନୁଭବ କରିସାରିଲେଣି ବିରାଟ୍ ଏବଂ ରୋହିତ । ବିସିସିଆଇ ରିଭ୍ୟୁ ମିଟିଂରେ ଏହା ସ୍ପଷ୍ଟ ହୋଇଛି ଯେ, ଖେଳରେ ଯାହାର ପ୍ରଦର୍ଶନ ଖରାପ  ରହିବ ତାଙ୍କୁ ଟିମରୁ ବାଦ୍ ଦିଆଯିବ । ଚାମ୍ପିଅନ୍ସ ଟ୍ରଫିରେ ଅଧିନାୟକ ରୋହିତ୍ ଶର୍ମା ଏବଂ ବିରାଟ କୋହଲିଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିବ । ଏଥିରେ ଦୁଇ ବରିଷ୍ଠ ଖେଳାଳିଙ୍କ ପ୍ରଦର୍ଶନ ଖରାପ ହେଲେ ସେମାନଙ୍କୁ ଟିମ୍ ଇଣ୍ଡିଆରୁ ଛୁଟି ଦେଇଦିଆଯିବ ।

ବିସିସିଆଇ ରିଭ୍ୟୁ ବୈଠକରେ ଏହା ମଧ୍ୟ ସ୍ପଷ୍ଟ କରିଛି, ଖେଳାଳିମାନେ ଅନ୍ତଃରାଷ୍ଟ୍ରୀୟ କ୍ରିକେଟକୁ ଯେତିକି ଫୋକସ୍ କରିବେ ସେତିକି ଫୋକସ୍ ତାଙ୍କୁ ଘରୋଇ କ୍ରିକେଟକୁ ଦେବାକୁ ପଡ଼ିବ । ଯାହାକୁ ନେଇ ଟିମର ଦୁଇ ବରିଷ୍ଠ ଖେଳାଳି ରୋହିତ ଶର୍ମା ଏବଂ ବିରାଟ କୋହଲିଙ୍କ ଉପରେ ସମସ୍ତଙ୍କ ନଜର ରହିଛି । ଉଭୟ ଆଗାମୀ ସିଜିନ୍ ରେ ଘରୋଇ କ୍ରିକେଟ୍ ଖେଳିବେ କି ନାହିଁ ତାହା ଜଣାପଡ଼ିବ । ଫାଷ୍ଟ କ୍ଲାସ୍ କ୍ରିକେଟ ନଖେଳିଲେ ସେମାନଙ୍କ ଉପରେ ବିସିସିଆଇ କଡ଼ା ଆକ୍ସନ ନେଇପାରେ । ଦୁଇ ବରିଷ୍ଠ ଖେଳାଳି ସେଣ୍ଟ୍ରାଲ୍ କଣ୍ଟ୍ରାକ୍ଟରୁ ବାଦ୍ ପଡ଼ିପାରନ୍ତି । ଗତ ବର୍ଷ ଟିମ୍ ଇଣ୍ଡିଆର ଅନ୍ୟ ଦୁଇ ଖେଳାଳିଙ୍କ ସହିତ ଏପରି କିଛି ହୋଇଥିଲା । ଶ୍ରେୟସ ଆୟର ଏବଂ ଇଷାନ କିଶନଙ୍କ ଡୋମେଷ୍ଟିକ୍ କ୍ରିକେଟରେ ଭାଗ ନନେବାରୁ ତାଙ୍କଠୁ ସେଣ୍ଟ୍ରାଲ୍ କଣ୍ଟ୍ରାକ୍ଟ କାଢ଼ି ନେଇଥିଲା ବିସିସିଆଇ । ତେବେ ଏଠି ପ୍ରଶ୍ନ ଉଠୁଛି ରୋହିତ ଶର୍ମା ଏବଂ ବିରାଟ୍ କୋହଲି ଘରୋଇ କ୍ରିକେଟ୍ ନଖେଳିଲେ, କ’ଣ ବିସିସିଆଇ ତାଙ୍କ ପକ୍ଷେ ଏଭଳି ଆକ୍ସନ ନେବ ?

ଏକ ଜାତୀୟ ଗଣମାଧ୍ୟମ ସୂତ୍ରରୁ ଜଣାପଡ଼ିଛି, ଯଦି ଅଧିନାୟକ ରୋହିତ୍ ଶର୍ମା ଏବଂ ବିରାଟ କୋହଲି ଋଣଜୀ ଟ୍ରଫି ମ୍ୟାଚ୍ ନଖେଳନ୍ତି, ତେବେ ଶ୍ରେୟସ ଆୟର ଏବଂ ଇଷାନ କିଶନଙ୍କ ଭଳି ଟ୍ରିଟମେଣ୍ଟ ଦିଆଯିବ ନାହିଁ । ବୋର୍ଡ ଭିତରେ ଏହାକୁ ନେଇ ମଧ୍ୟ ବିଚାର କରାଯାଇଛି । ବିରଟ କୋହଲି ଯଦି ଘରୋଇ କ୍ରିକେଟ୍ ନଖେଳିବାକୁ ଯାହାନ୍ତି, ତେବେ ତାଙ୍କୁ ଇଣ୍ଟର ନ୍ୟାସନାଲ୍ କ୍ରିକେଟରେ ପୂର୍ବ ଭଳି ଜବରଦସ୍ତ ପ୍ରଦର୍ଶନ ଦେଖାଇବାକୁ ହେବ ।