CAA ଲାଗୁ କରିବା ଦେଶ ପାଇଁ ବିପଜ୍ଜନକ: ଅମିତ ଶାହଙ୍କୁ କେଜ୍ରିଓ୍ୱାଲଙ୍କ ଜବାବ

ନୂଆଦିଲ୍ଲୀ: ନାଗରିକତା ସଂଶୋଧନ ଅଧିନିୟମ (CAA)କୁ ନେଇ ରାଜନୈତିକ ବାକ୍ ଯୁଦ୍ଧ ଜାରି ରହିଛି। CAAକୁ ଦେଶ ପାଇଁ ବିପଦଜ୍ଜନକ କହିଛନ୍ତି ଦିଲ୍ଲୀ ସିଏମ ଅରବିନ୍ଦ କେଜ୍ରିୱାଲ। ଗୃହମନ୍ତ୍ରୀ ଅମିତ ଶାହାଙ୍କ ବିବୃତ୍ତିକୁ ଟାର୍ଗେଟ୍ କରି ସେ କହିଛନ୍ତି ଯେ ଯଦି ଦେଶ ବାହାରକୁ ଆସନ୍ତି, ତେବେ କିପରି ସେମାନଙ୍କୁ ଚାକିରି ଦେବେ। CAA କାର୍ଯ୍ୟକାରୀ ହେବା ସହିତ ପଡୋଶୀ ଦେଶରୁ ବହୁ ସଂଖ୍ୟକ ଅନୁପ୍ରବେଶକାରୀ ଦେଶକୁ ଆସିବେ କହିଛନ୍ତି ସେ।

କେଜ୍ରିୱାଲ କହିଛନ୍ତି, “ଯେତେବେଳେ ଆପଣ ରୋହିଙ୍ଗ୍ୟାଙ୍କ ବିଷୟରେ କଥା ହୋଇଥିଲେ, ଏମାନେ ଆପଣଙ୍କ ସମୟରେ ଆସିଥିଲେ। ୨୦୧୪ ପରେ ଆସିଲେ। ଆପଣଙ୍କ ବିଫଳତା ହେତୁ ସେମାନେ ଆସିଛନ୍ତି କି? ରୋହିଙ୍ଗ୍ୟା ସମଗ୍ର ଦେଶରେ କେଉଁଠାରେ ବସବାସ କରିଛନ୍ତି? ୨୦୧୪ ପରେ ମଧ୍ୟ, ଏହି ଲୋକମାନେ ପ୍ରତିଦିନ ଆସୁଛନ୍ତି।

ପ୍ରକାଶଥାଉକି ଅମିତ ଶାହା କହିଛନ୍ତି ଯେ ଦୁର୍ନୀତିର ଖୁଲାସା ହେତୁ ଦିଲ୍ଲୀର ମୁଖ୍ୟମନ୍ତ୍ରୀ ନିରବ ହୋଇଛନ୍ତି। ସେମାନେ ଜାଣନ୍ତି ନାହିଁ ଯେ ଏହି ଲୋକମାନେ ଭାରତ ଆସି ଭାରତରେ ରହୁଛନ୍ତି। ସେ କହିଛନ୍ତି, "ଯଦି ସେମାନେ ଏତେ ଚିନ୍ତିତ ତେବେ ସେମାନେ କାହିଁକି ବାଂଲାଦେଶୀ ଅନୁପ୍ରବେଶକାରୀଙ୍କ ବିଷୟରେ କଥାବାର୍ତ୍ତା କରନ୍ତି ନାହିଁ କିମ୍ବା ରୋହିଙ୍ଗ୍ୟାଙ୍କୁ ବିରୋଧ କରନ୍ତି ନାହିଁ? ଦିଲ୍ଲୀ ସିଏମ୍ ଭୋଟ୍ ବ୍ୟାଙ୍କ ପାଇଁ ରାଜନୀତି କରୁଛନ୍ତି। 

ଶାହାଙ୍କ ବିବୃତ୍ତିର ଉତ୍ତରରେ ସିଏମ କେଜ୍ରିୱାଲ କହିଛନ୍ତି, 'CAA ବିପଜ୍ଜନକ। CAA ବେକାରୀ ବୃଦ୍ଧି କରିବ | ଏହାଦ୍ୱାରା ଦେଶରେ ସୁରକ୍ଷା ବିପଦରେ ପଡ଼ିବ । CAA ମାଧ୍ୟମରେ କେନ୍ଦ୍ର ସରକାର ଦେଶର ଲୋକଙ୍କ ଅଧିକାର ଛଡ଼ାଇ ନେବାକୁ କାର୍ଯ୍ୟ କରିଛନ୍ତି।

कल मैंने प्रेस-कॉन्फ़्रेंस कर बताया था कि किस तरह CAA देश के लिए ख़तरनाक है। आज गृह मंत्री अमित शाह जी ने उस पर अपना बयान दिया। इस प्रेस कॉन्फ़्रेंस के माध्यम से उनके बयान का जवाब दे रहा हूँ। https://t.co/bS5qv36gkk— Arvind Kejriwal (@ArvindKejriwal) March 14, 2024

ଅରବିନ୍ଦ କେଜ୍ରିୱାଲ କହିଛନ୍ତି ମୁଁ ଗୃହମନ୍ତ୍ରୀଙ୍କ ବିବୃତ୍ତି ଶୁଣିଛି। ତାଙ୍କର ସମ୍ପୂର୍ଣ୍ଣ ବିବୃତ୍ତିରେ ସେ ମୋର କୌଣସି ପ୍ରଶ୍ନର ଉତ୍ତର ଦେଇ ନାହାଁନ୍ତି।

ସେ ଆହୁରି କହିଛନ୍ତି, ଆମେ ନିଜେ ଆମ ପିଲାମାନଙ୍କୁ ରୋଜଗାର ଯୋଗାଇବାରେ ଅସମର୍ଥ, ତେଣୁ ଯେତେବେଳେ ଆପଣ ଆମ ଦେଶରେ ବସବାସ କରିବାକୁ ପାକିସ୍ତାନ ଏବଂ ବାଂଲାଦେଶ ବାହାରେ ଏତେ ସଂଖ୍ୟକ ଲୋକଙ୍କୁ ଆଣିବାକୁ ଚାହାଁନ୍ତି, ଆପଣ କେଉଁଠାରୁ ଚାକିରି ଯୋଗାଇବେ? ପ୍ରଥମେ ଆପଣଙ୍କ ପିଲାମାନଙ୍କ ପାଇଁ ଚାକିରିର ବ୍ୟବସ୍ଥା କର।