Caesarean section ଡେଲିଭରି ପରେ ଡାଏଟିଂ କରୁଛନ୍ତି କି? ଜାଣନ୍ତୁ…

ଯଦି ମହିଳାମାନେ ସି ସେକ୍ସନ ଅସ୍ତ୍ରୋପଚାର ପରେ ନିଜ ସୱାସ୍ଥ୍ୟର ଯତ୍ନ ନ ନିଅନ୍ତି, ତେବେ ଏହା ସେମାନଙ୍କ ପାଇଁ ଅନେକ ସମସ୍ୟା ସୃଷ୍ଟି କରିପାରେ। ଖାଇବା ଠାରୁ ଆରମ୍ଭ କରି ଠିକ ସମୟରେ ଚାଲିବା ପର୍ଯ୍ୟନ୍ତ ସବୁକିଛିର ଯତ୍ନ ନେବା ଆବଶ୍ୟକ। ସାମାନ୍ୟ ଭୁଲ ମଧ୍ୟ ଆପଣଙ୍କ ସୱାସ୍ଥ୍ୟକୁ ନଷ୍ଟ କରିପାରେ। Caesarean section ପରେ ମହିଳାମାନେ ଦୀର୍ଘ ସମୟ ପର୍ଯ୍ୟନ୍ତ ଭାରୀ ବ୍ୟାୟାମ କରିବାରୁ ଦୂରେଇ ରହିବା ଉଚିତ। ଡାକ୍ତରଙ୍କ ପରାମର୍ଶ ଅନୁସାରେ ଖାଦ୍ୟ ଖାଇବା ଉଚିତ। ଏହା ବ୍ୟତୀତ ପାଣି ମଧ୍ୟ ପର୍ଯ୍ୟାପ୍ତ ପରିମାଣରେ ପିଇବା ଉଚିତ।

Caesarean section ର ପ୍ରାୟ ୬ ମାସ ପରେ ହିଁ ଓଜନ ହ୍ରାସ ଯୋଜନା କରାଯିବା ଉଚିତ। ଏଥିପାଇଁ ଦୈନନ୍ଦିନ ବ୍ୟାୟାମ ସହିତ, ଖାଦ୍ୟପେୟର ମଧ୍ୟ ଯତ୍ନ ନେବାକୁ ପଡିବ। ପ୍ରସବର ୮ ସପ୍ତାହ ପରେ ଓଜନ ହ୍ରାସ କିମ୍ବା କ୍ରାସ ଡାଏଟିଂ କରନ୍ତୁ ନାହିଁ। ଏହା କରିବା ଦ୍ୱାରା ଆପଣଙ୍କ ସୱାସ୍ଥ୍ୟ ଖରାପ ହୋଇପାରେ। ସି ସେକ୍ସନ ପରେ ଖାଦ୍ୟରେ ପ୍ରୋଟିନ ଏବଂ ଭିଟାମିନ ଅନ୍ତର୍ଭୁକ୍ତ କରିବା ଗୁରୁତ୍ୱପୂର୍ଣ୍ଣ। କାରଣ ପ୍ରସବ ପରେ ମହିଳାଙ୍କ ଶରୀର ଦୁର୍ବଳ ହୋଇଯାଏ। ଶିଶୁକୁ ସ୍ତନ୍ୟପାନ କରାଇବା ପାଇଁ ଏକ ଭଲ ଖାଦ୍ୟ ମଧ୍ୟ ଆବଶ୍ୟକ। ଏପରି ନ କରିବା ଦାରା ଶରୀରରେ ରକ୍ତହୀନତା ଏବଂ ଥକ୍କାପଣ ଭଳି ସମସ୍ୟା ଦେଖାଦେଇପାରେ।

ଖାଦ୍ୟରେ କ୍ଷୀର, ଦହି, ମାଂସ, ମାଛ, ଅଣ୍ଡା ଏବଂ ଫଳ ସାମିଲ କରିବା ଉଚିତ। ଏହା ବ୍ୟତୀତ ଫଳ ଏବଂ ସବୁଜ ପନିପରିବା ପ୍ରଚୁର ପରିମାଣରେ ଖାଇବା ଉଚିତ। ପ୍ରସବ ପରେ, ଶରୀରରେ ଭିଟାମିନ ସି ଏବଂ କ୍ୟାଲସିୟମର ବହୁତ ଆବଶ୍ୟକତା ଥାଏ। ଏଥିପାଇଁ, ଡାକ୍ତରଙ୍କ ପରାମର୍ଶରେ ଆପଣ କିଛି ସପ୍ତାହ ପରେ କ୍ଷୀର ସେବନ କରିପାରିବେ, କିନ୍ତୁ କୋଷ୍ଠକାଠିନ୍ୟ ସୃଷ୍ଟି କରୁଥିବା ଜିନିଷ ଖାଇବାରୁ ଦୂରେଇ ରୁହନ୍ତୁ। ସି ସେକ୍ସନ ଡେଲିଭରି ପରେ, ମହିଳାମାନେ ଫାଷ୍ଟଫୁଡ ଏବଂ ପିଜା, ବର୍ଗର, ଚାଉମିନ ଭଳି ଜଙ୍କଫୁଡ ଠାରୁ ଦୂରେଇ ରହିବା ଉଚିତ। ରିଫାଇନ ମଇଦାରୁ ତିଆରି ଅନ୍ୟ ଜିନିଷ ଖାଇବାଠାରୁ ମଧ୍ୟ ଦୂରେଇ ରହିବା ଉଚିତ।

ପ୍ରସବ ପରେ ଅତି କମରେ ୬ ମାସ ପର୍ଯ୍ୟନ୍ତ ଭାରୀ ବ୍ୟାୟାମ କରିବାରୁ ଦୂରେଇ ରୁହନ୍ତୁ। କେବଳ ହାଲକା ଚାଲିବା କିମ୍ବା ଦୌଡ଼ିବା, ଭୁଲରେ ମଧ୍ୟ ଅଧିକ ବ୍ୟାୟାମ କରନ୍ତୁ ନାହିଁ। ଯଦି କୌଣସି ସମସ୍ୟା ହେଉଛି, ତେବେ ଡାକ୍ତରଙ୍କ ସହିତ ପରାମର୍ଶ କରନ୍ତୁ।

The post Caesarean section ଡେଲିଭରି ପରେ ଡାଏଟିଂ କରୁଛନ୍ତି କି? ଜାଣନ୍ତୁ… appeared first on Dharitri Odia News.