Champions Trophy 2025: PCBକୁ ଆଉ ଏକ ବଡ଼ ଝଟ୍କା, ଏବେ ପାକିସ୍ତାନ ଯିବାକୁ ସଫା ସଫା ମନା କରିଦେଲେ…
ନୂଆଦିଲ୍ଲୀ,୫।୨: ଚାମ୍ପିଅନ୍ସ ଟ୍ରଫି ପୂର୍ବରୁ ପାକିସ୍ତାନକୁ ଆଉ ଏକ ବଡ଼ ଝଟ୍କା ଲାଗିଛି। ଅମ୍ପାୟାର ନୀତିନ ମେନନ ପାକିସ୍ତାନ ଯିବାକୁ ମନା କରିଦେଇଛନ୍ତି। ରିପୋର୍ଟ ଅନୁସାରେ, ICC ପ୍ୟାନେଲରେ ସାମିଲ ଏହି ଅମ୍ପାୟାର ପାକିସ୍ତାନ ଯାଉନାହାନ୍ତି। ପୂର୍ବରୁ ଭାରତୀୟ ଦଳ ମଧ୍ୟ ପାକିସ୍ତାନ ଯିବାକୁ ମନା କରିଦେଇଥିଲା। ଏବେ ଭାରତୀୟ ଅମ୍ପାୟାର ନୀତିନ ମେନନ ମଧ୍ୟ ଏହି ନିଷ୍ପତ୍ତି ନେଇ ପିସିବିକୁ ବଡ଼ ଝଟ୍କା ଦେଇଛନ୍ତି। ଏହି କାରଣରୁ ଚାମ୍ପିଅନ୍ସ ଟ୍ରଫି ପାଇଁ ଜାରି ହୋଇଥିବା ଅମ୍ପାୟାରଙ୍କ […] The post Champions Trophy 2025: PCBକୁ ଆଉ ଏକ ବଡ଼ ଝଟ୍କା, ଏବେ ପାକିସ୍ତାନ ଯିବାକୁ ସଫା ସଫା ମନା କରିଦେଲେ… appeared first on Dharitri Odia News.
ନୂଆଦିଲ୍ଲୀ,୫।୨: ଚାମ୍ପିଅନ୍ସ ଟ୍ରଫି ପୂର୍ବରୁ ପାକିସ୍ତାନକୁ ଆଉ ଏକ ବଡ଼ ଝଟ୍କା ଲାଗିଛି। ଅମ୍ପାୟାର ନୀତିନ ମେନନ ପାକିସ୍ତାନ ଯିବାକୁ ମନା କରିଦେଇଛନ୍ତି। ରିପୋର୍ଟ ଅନୁସାରେ, ICC ପ୍ୟାନେଲରେ ସାମିଲ ଏହି ଅମ୍ପାୟାର ପାକିସ୍ତାନ ଯାଉନାହାନ୍ତି। ପୂର୍ବରୁ ଭାରତୀୟ ଦଳ ମଧ୍ୟ ପାକିସ୍ତାନ ଯିବାକୁ ମନା କରିଦେଇଥିଲା। ଏବେ ଭାରତୀୟ ଅମ୍ପାୟାର ନୀତିନ ମେନନ ମଧ୍ୟ ଏହି ନିଷ୍ପତ୍ତି ନେଇ ପିସିବିକୁ ବଡ଼ ଝଟ୍କା ଦେଇଛନ୍ତି। ଏହି କାରଣରୁ ଚାମ୍ପିଅନ୍ସ ଟ୍ରଫି ପାଇଁ ଜାରି ହୋଇଥିବା ଅମ୍ପାୟାରଙ୍କ ତାଲିକାରେ ନୀତିନଙ୍କ ନାମ ନାହିଁ।
ଚାମ୍ପିଅନ୍ସ ଟ୍ରଫିରେ କୁମାର ଧର୍ମସେନା, କ୍ରିସ ଗାଫନି, ମାଇକେଲ ଗଫ୍, ଆଡ୍ରିଆନ ହୋଲ୍ଡଷ୍ଟକ୍, ରିଚାର୍ଡ ଇଲିଙ୍ଗୱର୍ଥ, ରିଚାର୍ଡ କେଟଲ୍ବ୍ରୋ, ଏହସାନ୍ ରାଜା, ପଲ୍ ରାଇଫଲ, ଶରାଫୁଦ୍ଦୌଲା ଇବ୍ନେ ଶାହିଦ, ରଡ୍ନି ଟକର୍, ଆଲେକ୍ସ ୱାର୍ଫ, ଜୋଏଲ ୱିଲସନ ପ୍ରମୁଖ ଅମ୍ପାୟାରିଂ କରିବେ।
ବଡ଼ ଖବର ହେଉଛି ଯେ ପୂର୍ବତନ ଭାରତୀୟ ଦ୍ରୁତ ବୋଲର ଏବଂ ଅଭିଜ୍ଞ ICC ମ୍ୟାଚ୍ ରେଫ୍ରି ଜାଭାଗଲ ଶ୍ରୀନାଥ ମଧ୍ୟ ଚାମ୍ପିଅନ୍ସ ଟ୍ରଫିରୁ ବାଦ୍ ପଡ଼ିଛନ୍ତି। ତାଙ୍କୁ ମଧ୍ୟ ମ୍ୟାଚ୍ ରେଫରିଙ୍କ ପ୍ୟାନେଲରେ ସୁଯୋଗ ମିଳିନାହିଁ। ଚାମ୍ପିଅନ୍ସ ଟ୍ରଫି ସମୟରେ ଡେଭିଡ ବୁନ, ଆଣ୍ଡ୍ରୁ ପାଇକ୍ରଫ୍ଟ ଏବଂ ରଞ୍ଜନ ମାଦୁଗାଲେ ମ୍ୟାଚ୍ ରେଫରି ହେବେ।
ନୀତିନ ମେନନ ୪୦ଟି ଟେଷ୍ଟ ମ୍ୟାଚରେ ଅମ୍ପାୟାରିଂ କରିଛନ୍ତି, ଯେଉଁଥିରେ ସେ ୩୦ ଥର ଫିଲ୍ଡ ଅମ୍ପାୟାର ଏବଂ ୧୦ ଥର ଟିଭି ଅମ୍ପାୟାର ଥିଲେ। ସେ ୭୫ଟି ODI ମ୍ୟାଚ୍ରେ ଅମ୍ପାୟାରିଂ କରିଛନ୍ତି। ଯେତେବେଳେ ଟି-୨୦ରେ ମଧ୍ୟ ସେ ୭୫ଟି ମ୍ୟାଚ ରେ ଅମ୍ପାୟାରିଂ କରିଛନ୍ତି। ସେ ୧୩ଟି ମହିଳା ଟି-୨୦ ଆନ୍ତର୍ଜାତୀୟ ମ୍ୟାଚ୍ରେ ଅମ୍ପାୟାରିଂ ମଧ୍ୟ କରିଛନ୍ତି। ଜାଭଗଲ ଶ୍ରୀନାଥଙ୍କର ମ୍ୟାଚ୍ ରେଫରି ଭାବରେ ଏକ ଲମ୍ବା କ୍ୟାରିୟର ଅଛି। ଏହି କିମ୍ବଦନ୍ତୀ ୭୯ ଟେଷ୍ଟ ଏବଂ ୨୭୨ ଦିନିକିଆରେ ମ୍ୟାଚ୍ ରେଫରି ରହିସାରିଛନ୍ତି। ଏହା ବ୍ୟତୀତ ସେ ୧୩୬ ଟି-୨୦ ମ୍ୟାଚ୍ରେ ମଧ୍ୟ ଏହା କରିଛନ୍ତି।
The post Champions Trophy 2025: PCBକୁ ଆଉ ଏକ ବଡ଼ ଝଟ୍କା, ଏବେ ପାକିସ୍ତାନ ଯିବାକୁ ସଫା ସଫା ମନା କରିଦେଲେ… appeared first on Dharitri Odia News.
