Delhi Exit Polls 2025: ଜାଣନ୍ତୁ କାହାକୁ କେତେ….

ନୂଆଦିଲ୍ଲୀ: ଦିଲ୍ଲୀ ନିର୍ବାଚନରେ ଭୋଟରମାନେ ଅଷ୍ଟମ ବିଧାନସଭା ପାଇଁ ଭୋଟ ଦେଇଥିବା ବେଳେ ୭୦ଟି ବିଧାନସଭା ଆସନ ପାଇଁ ୬୯୯ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି । ବୁଧବାର ସକାଳ ୭ଟାରୁ ମତଦାନ ଆରମ୍ଭ ହୋଇ ସନ୍ଧ୍ୟା ୬ଟା ପର୍ଯ୍ୟନ୍ତ ଚାଲିଥିଲା । ସକାଳ ୯ଟା ପର୍ଯ୍ୟନ୍ତ ମତଦାନ ହାର ୮.୧୦ ପ୍ରତିଶତ ଥିଲା । ମତଦାନର ପ୍ରଥମ ଦୁଇ ଘଣ୍ଟାରେ ମତଦାନ ହ୍ରାସ ପରେ, ସକାଳ ୧୧ଟା ପର୍ଯ୍ୟନ୍ତ ୧୯.୯୫ ପ୍ରତିଶତ ମତଦାନ ରେକର୍ଡ କରାଯାଇଛି । ଭାରତୀୟ ନିର୍ବାଚନ କମିଶନଙ୍କ ଅନୁଯାୟୀ, ଦିଲ୍ଲୀ ବିଧାନସଭା ନିର୍ବାଚନରେ ବୁଧବାର ଅପରାହ୍ନ ୧ଟା ସୁଦ୍ଧା ୩୩.୩୧ ପ୍ରତିଶତ ମତଦାନ ହୋଇଛି । ସମସ୍ତ ଜିଲ୍ଲା ମଧ୍ୟରେ ଜାତୀୟ ରାଜଧାନୀର ଉତ୍ତର-ପୂର୍ବ ଜିଲ୍ଲା ସର୍ବାଧିକ ୩୯.୫୧ ପ୍ରତିଶତ ମତଦାନ ସହିତ ଆଗୁଆ ରହିଛି ।

ସେହିପରି ଅପରାହ୍ନ ୩ଟା ସୁଦ୍ଧା ଦିଲ୍ଲୀ ବିଧାନସଭାର ୭୦ଟି ଆସନ ପାଇଁ ୪୬.୫୫% ମତଦାନ ହୋଇଛି । ସନ୍ଧ୍ୟା ୫ଟା ସୁଦ୍ଧା ୫୭.୭୦ ପ୍ରତିଶତ ମତଦାନ ରେକର୍ଡ କରାଯାଇଛି । ଭୋଟଦାନ ସମୟ ସନ୍ଧ୍ୟା ୬ଟାରେ ଶେଷ ହୋଇଥିଲା, କିନ୍ତୁ ଧାଡ଼ିରେ ଠିଆ ହୋଇଥିବା ଲୋକମାନେ ଏବେ ବି ଭୋଟ ଦେଉଛନ୍ତି। ନିର୍ବାଚନ ଫଳାଫଳ ଫେବୃଆରୀ ୮ ତାରିଖରେ ଘୋଷଣା କରାଯିବ। ସରକାର ଗଠନ ପାଇଁ ୩୬ଟି ଆସନ ଆବଶ୍ୟକ। ବାଜି ବଜାର ଆକଳନ ଅନୁଯାୟୀ, ଗତ ଥର ତୁଳନାରେ ଆପର ଆସନ ହ୍ରାସ ପାଇପାରେ, ତଥାପି କେଜରିୱାଲ ସରକାର ଗଠନ କରିବେ। ରାଜସ୍ଥାନର ଫାଲୋଡି ସଟ୍ଟା ବଜାର ଆପକୁ ୩୮-୪୦ ଆସନ, ବିଜେପିକୁ ୩୦-୩୨ ଆସନ ଏବଂ କଂଗ୍ରେସକୁ ୦-୧ ଆସନ ମିଳିବ ବୋଲି ପୂର୍ବାନୁମାନ କରିଛି । ଦିଲ୍ଲୀର କେନ୍ଦ୍ରୀୟ ଜିଲ୍ଲାରେ ସର୍ବନିମ୍ନ ୨୯.୭୪ ପ୍ରତିଶତ ମତଦାନ ରେକର୍ଡ କରାଯାଇଛି । ଦିଲ୍ଲୀରେ ୧,୫୬,୧୪,୦୦୦ ପଞ୍ଜୀକୃତ ଭୋଟର ଅଛନ୍ତି । ୮୩,୭୬,୧୭୩ ପୁରୁଷ, ୭୨,୩୬,୫୬୦ ମହିଳା ଏବଂ ୧,୨୬୭ ତୃତୀୟ-ଲିଙ୍ଗୀ ଭୋଟର । ଏହି ଭୋଟରମାନଙ୍କ ମଧ୍ୟରେ ୧୮-୧୯ ବର୍ଷ ବୟସର ୨,୩୯,୯୦୫ ଜଣ ପ୍ରଥମ ଥର ପାଇଁ ଭୋଟ ଦେଇଥିବା ଭୋଟର, ୮୫ ବର୍ଷ ଏବଂ ତଦୁର୍ଦ୍ଧ୍ୱ ବୟସର ୧,୦୯,୩୬୮ ଜଣ ବୃଦ୍ଧ ଭୋଟର ଏବଂ ୭୯,୮୮୫ ଜଣ ଦିବ୍ୟାଙ୍ଗ ବ୍ୟକ୍ତି ମଧ୍ୟ ଅନ୍ତର୍ଭୁକ୍ତ ।