Fy୨୪ରେ ୮% ହାରରେ ବଢିବ ଦେଶର ଅର୍ଥନୀତି, CEA ନାଗେଶ୍ୱରନଙ୍କ ଅନୁମାନ

ନୂଆଦିଲ୍ଲୀ: ଆର୍ଥିକ ବର୍ଷ ୨୦୨୩-୨୪ରେ ସକଳ ଘରୋଇ ଉତ୍ପାଦ (ଜିଡିପି) ବୃଦ୍ଧି ହାର ୮ ପ୍ରତିଶତ ପହଞ୍ଚିବାର ସମ୍ଭାବନା ରହିଛି । ମୁଖ୍ୟ ଆର୍ଥିକ ପରାମର୍ଶଦାତା ଅନନ୍ତ ନାବେଶ୍ୱରନ ୨୦୨୪ ମାର୍ଚ୍ଚ ୨୧ରେ ଶେଷ ହୋଇଥିବା ଆର୍ଥିକ ବର୍ଷର ତିନି ତ୍ରୈମାସିକ ରେକର୍ଡ କରାଯାଇଥିବା ବୃଦ୍ଧିର ଆଧାରରେ ଅନୁମାନ କରିଛନ୍ତି । ଭାରତର ଜିଡିପି ୨୦୨୩ ଡିସେମ୍ୱରରେ ଶେଷ ହୋଇଥିବା ତୃତୀୟ ତ୍ରୈମାସରେ ୮.୪ ପ୍ରତିଶତରେ ବଢିଛି । ଦ୍ୱିତୀୟ ତ୍ରୈମାସରେ ୭.୬ ପ୍ରତିଶତ ଏବଂ ପ୍ରଥମ ତୈମାସରେ ୭.୮ ପ୍ରତିଶତ ଥିଲା ।

 ଭି.ଅନନ୍ତ ନାଗେଶ୍ୱରନ କହିଛନ୍ତି, ଆଇଏମଏଫ ଆର୍ଥିକ ବର୍ଷ ୨୦୨୩-୨୪ ପାଇଁ ୭.୮ ପ୍ରତିଶତର ବୃଦ୍ଧି ବାର ଅନୁମାନ କରିଛି । ଯଦି ଆପଣ ପ୍ରଥମ ତିନି ତ୍ରୈମାସିକରେ ବୃଦ୍ଧିର ବେଗକୁ ଦେଖିବେ, ତେବେ ସ୍ପଷ୍ଟ ରୂପେ ଅଭିବୃଦ୍ଧି ହାର ୮ ପ୍ରତିଶତ ଯାଏ ପହଞ୍ଚିବାର ସମ୍ଭାବନା ଅଧିକ ରହିଛି । ଏହା ୨୦୨୩-୨୪ରେ ଭାରତୀୟ ଅର୍ଥବ୍ୟବସ୍ଥା ପାଇଁ ଭାରତୀୟ ରିଜର୍ଭ ବ୍ୟାଙ୍କର ୭.୫ ପ୍ରତିଶତର ବୃଦ୍ଧି ଅନୁମାନଠାରୁ ଅଧିକ ଅଟେ ।

ସେ କହିଛନ୍ତି ଯେ ଚଳିତ ଆର୍ଥିକ ବର୍ଷ ପାଇଁ ଅନ୍ତରାଷ୍ଟ୍ରୀୟ ମୁଦ୍ରା ପାଣ୍ଠିର ଅନୁମାନର ୬.୮ ପ୍ରତିଶତ ରହିଛି, କିନ୍ତୁ ଆରବିଆଇକୁ ଆର୍ଥିକ ବର୍ଷ ୨୦୨୪-୨୫ ପାଇଁ ୭ ପ୍ରତିଶତର ଜିଡିପି ବୃଦ୍ଧି ଆଶା ରହିଛି । ଆର୍ଥିକ ବର୍ଷ ୨୦୨୪-୨୫ରେ ଦେଶର ବୃଦ୍ଧି ହାର ୬.୫ରୁ ୭ ପ୍ରତିଶତ ରହିବାର ସମ୍ଭାବନା ରହିଛି ।