India vs Pak Match : ଏହି ଆପ୍‌ରେ ଦେଖିପାରିବେ ଫ୍ରି’ରେ ମ୍ୟାଚ୍

ମୁମ୍ଵାଇ ୨୩।୦୨; ଭାରତ-ପାକିସ୍ତାନ କ୍ରିକେଟ ମ୍ୟାଚ୍‌ର କ୍ରେଜ୍ ହିଁ କିଛି ଅଲଗା। ପାକିସ୍ତାନର ଆତଙ୍କବାଦୀ କାର୍ଯ୍ୟକଳାପ ପରେ ଭାରତ ସରକାର ଭାରତ-ପାକ୍ ସିରିଜ୍ ଆୟୋଜନ ଉପରେ ପ୍ରତିବନ୍ଧକ ଲଗାଇଛନ୍ତି। ଯେଉଁଥିପାଇଁ ଏହି ଦୁଇ ଦଳ କେବଳ ICC ଟୁର୍ଣ୍ଣାମେଣ୍ଟରେ ହିଁ ପରସ୍ପରକୁ ଭେଟିଥାନ୍ତି । ଏପରି ପରିସ୍ଥିତିରେ ଆଜି ଏହି ଦୁଇ ଦଳ ICC ଟୁର୍ଣ୍ଣାମେଣ୍ଟରେ ପରସ୍ପର ସହ ମୁହାଁମୁହିଁ ହେବେ। ଏହି କାରଣରୁ ଉଭୟ ଦେଶର ଦର୍ଶକଙ୍କ ମ୍ୟାଚ୍‌କୁ ଚାତକ ପରି ଚାହିଁରହିଛନ୍ତି।  

ପୂର୍ବରୁ ଟିଭିରେ ମ୍ୟାଚ୍ ଦେଖାଯାଉଥିଲେ ବି ଆଜିକା ସମୟରେ ଅନେକ ଲୋକ ମୋବାଇଲରେ ତ କିଏ ଅନଲାଇନରେ ହିଁ କ୍ରିକେଟ୍ ଦେଖିବାକୁ ପସନ୍ଦ କରୁଛନ୍ତି। ଯଦି ଆପଣ ମଧ୍ୟ ଅନଲାଇନରେ ଫ୍ରିରେ ଭାରତ-ପାକିସ୍ତାନ କ୍ରିକେଟ୍ ମ୍ୟାଚ୍ ଦେଖିବାକୁ ଚାହୁଁଛନ୍ତି, ତେବେ ଚିନ୍ତା କରିବାର କୌଣସି ଆବଶ୍ୟକତା ନାହିଁ। ଆପଣ ଏହି ମ୍ୟାଚ୍ ଜିଓ ହଟଷ୍ଟାରରେ ମାଗଣାରେ ଦେଖିପାରିବେ।

ଜିଓ ହଟଷ୍ଟାରରେ ମାଗଣାରେ ମ୍ୟାଚ୍ କିପରି ଦେଖିବେ

ବିସିସିଆଇ ଜିଓକୁ ଅନଲାଇନ୍ କ୍ରିକେଟ୍ ମ୍ୟାଚ୍ ପ୍ରସାରଣର ଅଧିକାର ଦେଇଛି ଏବଂ ନିକଟରେ ଜିଓ ହଟଷ୍ଟାରକୁ କିଣିଛି । ଏହାର ନାମ ଜିଓ ହଟଷ୍ଟାର ରଖିଛି। ଏପରି ପରିସ୍ଥିତିରେ, ଜିଓ ସିମ୍ ବ୍ୟବହାର କରୁଥିବା ୟୁଜର୍ସମାନେ ଜିଓ ହଟଷ୍ଟାରରେ ସହଜରେ ଭାରତ-ପାକିସ୍ତାନ ମ୍ୟାଚ୍ ମାଗଣାରେ ଦେଖିପାରିବେ।

ଜିଓ ହଟଷ୍ଟାର ସବସ୍କ୍ରିପସନ ପ୍ଲାନ୍

ଜିଓର ୮୯୯ ଟଙ୍କାର ପ୍ରିପେଡ୍ ପ୍ଲାନ୍ ୯୦ ଦିନ ପାଇଁ ମାଗଣା ଜିଓ ହଟଷ୍ଟାର ମୋବାଇଲ୍ ସବସ୍କ୍ରିପସନ୍ ପ୍ଲାନ୍ ସହିତ ଡାଟା, ଭଏସ୍ କଲିଂ ପ୍ରଦାନ କରେ। ଏଥିରେ ଅନଲିମିଟେଡ୍‌ ପ୍ଲାନ ଦେଇଥିବାରୁ ୟୁଜର୍ସଙ୍କୁ କଲ୍ କରିବା ବିଷୟରେ ଚିନ୍ତା କରିବାକୁ ପଡିବ ନାହିଁ। ଏହା ବ୍ୟତୀତ ପ୍ରତିଦିନ ୨ଜିବି ଡାଟା ମଧ୍ୟ ଉପଲବ୍ଧ। ସେହି ସମୟରେ, JioHotstar ର ମୋବାଇଲ୍ ସବସ୍କ୍ରିପସନ୍ ପ୍ଲାନ୍ ୧୪୯ ଟଙ୍କାରେ ଉପଲବ୍ଧ। ଏହି ଯୋଜନା ତିନି ମାସ ପାଇଁ ଆସିଥାଏ।

ମ୍ୟାଚ୍ କେବେ, କେଉଁଠି ଏବଂ କେଉଁ ସମୟରେ ହେବ

୨୩ ଫେବୃଆରୀରେ ଭାରତ ଏବଂ ପାକିସ୍ତାନ ମଧ୍ୟରେ ଚାମ୍ପିଅନ୍ସ ଟ୍ରଫି ମ୍ୟାଚ୍ ଖେଳାଯିବ। ଏହି ମ୍ୟାଚ୍ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଅନୁଷ୍ଠିତ ହେବ । ଏହି ମ୍ୟାଚ୍ ପାଇଁ ଟସ୍ ଭାରତୀୟ ସମୟ ଅନୁସାରେ ଦିନ ୨ଟାରେ ଅନୁଷ୍ଠିତ ହେବ ଏବଂ ଅପରାହ୍ନ ୨.୩୦ ରୁ ଉଭୟ ଦଳ ମ୍ୟାଚ୍ ଖେଳିବା ପାଇଁ ମୈଦାନକୁ ଓହ୍ଲାଇବେ ।