Iphone ୟୁଜର୍ସଙ୍କ ପାଇଁ ଗୁରୁତ୍ଵପୂର୍ଣ୍ଣ ଖବର, ଜାଣନ୍ତୁ କାହିଁକି ୮୦% ଅଧିକ ଫୋନ ହେଉନାହିଁ ଚାର୍ଜ

ମୁମ୍ଵାଇ ୩୧।୦୫୦: ବର୍ତ୍ତମାନ ଦେଶର ଅନେକ ସ୍ଥାନରେ ଅତ୍ୟଧିକ ଗରମ ହେଉଛି। କେତେକ ସ୍ଥାନରେ ତାପମାତ୍ରା ୫୦ ଡିଗ୍ରୀ ଅତିକ୍ରମ କରିଛି।  ଏହି ପ୍ରବଳ ଉତ୍ତାପ ତରଙ୍ଗ କେବଳ ଲୋକ ଏବଂ ପ୍ରାଣୀ ନୁହେଁ ଗ୍ୟାଜେଟ ଉପରେ ମଧ୍ୟ ପ୍ରଭାବ ପକାଉଛି । ବର୍ତ୍ତମାନ ଅନେକ ଆଇଫୋନ୍ ୟୁଜର୍ସ ରିପୋର୍ଟ କରୁଛନ୍ତି ଯେ ସେମାନଙ୍କର ଆଇଫୋନ୍ ୮୦ ପ୍ରତିଶତରୁ ଅଧିକ ଚାର୍ଜ ହେଉ ନାହିଁ । ଆପଣ ମଧ୍ୟ ସେମାନଙ୍କ ମଧ୍ୟରୁ ଜଣେ କି? ତେଣୁ ବ୍ୟସ୍ତ ହୁଅନ୍ତୁ ନାହିଁ.. କି ଚିନ୍ତା କରିବାର କିଛି ନାହିଁ, ଏହା କୌଣସି ଅସୁବିଧା ନୁହେଁ । ବରଂ ଡିଭାଇସ୍ ଏବଂ ଏହାର ବ୍ୟାଟେରୀକୁ ସୁସ୍ଥ ରଖିବା ପାଇଁ କମ୍ପାନୀ ଦ୍ୱାରା କରାଯାଇଥିବା ଏକ ଫିଚର୍ସ । ବିଶେଷ କଥା ହେଉଛି ଏହି ଫିଚର୍ସ ଆପଣଙ୍କ ଫୋନକୁ ଅତ୍ୟଧିକ ଗରମ ଏବଂ ଫାଟିବାରୁ ରକ୍ଷା କରିପାରିବ ।

ଏହି ଫିଚର୍ସ ଗୁଡିକ ଅତ୍ୟଧିକ ଗରମରୁ ରକ୍ଷା କରିଥାଏ 

ଯଦି ଆପଣଙ୍କର ଆଇଫୋନ୍ ୮୦ ପ୍ରତିଶତରୁ ଅଧିକ ଚାର୍ଜ ହେଉ ନାହିଁ। ବିଶେଷ କରି ଅପରାହ୍ନରେ,... ତେବେ ଏହା ଉତ୍ତାପ ହେତୁ ହୋଇଥାଏ । ବାସ୍ତବରେ, ଯେତେବେଳେ ଡିଭାଇସର ତାପମାତ୍ରା ଏହାର ସୀମା ଅତିକ୍ରମ କରିବା ଆରମ୍ଭ କରେ, ଆଇଫୋନ୍ ଡିଭାଇସ୍ ଚାର୍ଜ କରିବା ବନ୍ଦ କରିଦିଏ। ଯାହା ଦ୍ଵାରା ଡିଭାଇସ୍ ଅତ୍ୟଧିକ ଉତ୍ତାପ ହେତୁ କ୍ଷତିରୁ ରକ୍ଷା ହୋଇପାରିବ ।

 ବର୍ତ୍ତମାନ ୮୦ ପ୍ରତିଶତରୁ ଅଧିକ ଚାର୍ଜ କିପରି ହେବ?

ବର୍ତ୍ତମାନ ଅନେକ ଲୋକଙ୍କ ମନରେ ଏହି ପ୍ରଶ୍ନ ଅଛି ଯେ ଆମେ କିପରି ଆମ ଫୋନକୁ ୮୦ ପ୍ରତିଶତରୁ ଅଧିକ ଚାର୍ଜ କରିପାରିବା ।ଏଥିପାଇଁ ଆପଣଙ୍କୁ ଆପଣଙ୍କର ଆଇଫୋନ୍ ଥଣ୍ଡା ହେବାକୁ ଅପେକ୍ଷା କରିବାକୁ ପଡିବ । ଥରେ ଫୋନ୍ ଥଣ୍ଡା ହୋଇଗଲା ପରେ ଏହା କୌଣସି ଅସୁବିଧା ବିନା ଚାର୍ଜିଂ ହେବ । ଏଥିପାଇଁ ଆପଣଙ୍କୁ କିଛି କରିବା ଆବଶ୍ୟକ ନାହିଁ । ଯଦି ଆପଣ ଏକ ବାୟାରଲେସ୍‌ ଚାର୍ଜର ବ୍ୟବହାର କରନ୍ତି, ତେବେ ଆପଣ ଖରା ଦିନରେ ତାରଯୁକ୍ତ ଚାର୍ଜର ବ୍ୟବହାର କରନ୍ତୁ କିମ୍ବା ରୁମର ତାପମାତ୍ରା ସାମାନ୍ୟ ଥଣ୍ଡା ହେଲେ ରାତିରେ ଡିଭାଇସ୍ ଚାର୍ଜ କରନ୍ତୁ ।

କଭର ବ୍ୟବହାର କରନ୍ତୁ ନାହିଁ 

ଚାର୍ଜ କରିବା ସମୟରେ ଫୋନକୁ ଅଧିକ ଗରମ ନକରିବା ପାଇଁ ଏହାକୁ ଥଣ୍ଡା ସ୍ଥାନରେ ଚାର୍ଜ କରନ୍ତୁ। ଯଦି ସମ୍ଭବ ଫୋନକୁ AC ଲାଗିଥିବା ସ୍ଥାନରେ ଚାର୍ଜ କରନ୍ତୁ । କେବଳ ଏତିକି ନୁହେଁ, ଫୋନର କଭର କାଢିକି ଆପଣ ଫୋନକୁ ଚାର୍ଜ କରିପାରିବେ।