IPL 2024 ଉଦଘାଟନୀ ସମାରୋହରେ ଜଲୱା ଦେଖାଇବେ ବଲିଉଡ୍ ତାରକା, ଅକ୍ଷୟ କୁମାରଙ୍କ ସମେତ ଏହି ଷ୍ଟାର କରିବେ ପରଫର୍ମ

ନୂଆଦିଲ୍ଲୀ: ମାର୍ଚ୍ଚ ୨୨ରୁ ଆରମ୍ଭ ହେବା ଆଇପିଏଲ ୨୦୨୪ । ୧୭ତମ ସଂସ୍କରଣର ପ୍ରଥମ ମୁକାବିଲା ଚେନ୍ନାଇ ସୁପର କିଙ୍ଗ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଖେଳାଯିବ । ଚେନ୍ନାଇର ଏମଏ ଚିଦାମ୍ୱରମ ଷ୍ଟାଡିୟମରେ ଦୁହେଁ ମୁହାଁମୁହିଁ ହେବେ । ଏହା ପୂର୍ବରୁ ଉଦଘାଟନୀ ସମାରୋହରେ ବଲିଉଡ୍ କଳାକାରଙ୍କ ଜଲୱା ଦେଖିବାକୁ ମିଳିଛି । 

ଆଇପିଏଲ ପକ୍ଷରୁ ବୁଧବାର ଓପନିଂ ସେରିମନି ବାବଦରେ ଆନୁଷ୍ଠାନିକ ସୂଚନା ଦିଆଯାଇଛି । ରଙ୍ଗାରଙ୍ଗା କାର୍ଯ୍ୟକ୍ରମରେ ବଲିଉଡର ଚାରି ଜଣ ଲୋକପ୍ରିୟ କଳାକାର ନିଜ ଦମଦାର ପ୍ରଦର୍ଶନ ଦେଖାଇବେ । ଏହି ସୂଚୀରେ ଅଭିନେତା ଅକ୍ଷର କୁମାର ଏବଂ ଟାଇଗର ଶ୍ରଫଙ୍କ ନାଁ ରହିଛି । ଦୁହେଁ ନିଜର ଡ୍ୟାନ୍ସରେ କ୍ରିକେଟ୍ ଫ୍ୟାନ୍ସଙ୍କ ମନୋରଞ୍ଜନ କରିବେ । ସେହିପରି ଉଦଘାଟନୀ ସମାରୋହରେ ପ୍ରତିଦ୍ଧ କଣ୍ଠଶିଳ୍ପୀ ତଥା ଗୀତିକାର ଏଆର ରେହମାନ ଏବଂ କଣ୍ଠଶିଳ୍ପୀ ସୋନୁ ନିଗମ ମଧ୍ୟ ନିଜ ଜଲୱା ଦେଖାଇବେ ।

The stage is set, the lights are bright, and the stars are ready to shine at the #TATAIPL 2024 Opening Ceremony! ????????

Get ready for an unforgettable fusion of cricket and entertainment ft. a stellar lineup! ✨

????22nd March
⏰6:30 PM onwards pic.twitter.com/7POPthFITx— IndianPremierLeague (@IPL) March 20, 2024

ଉଲ୍ଲେଖଯୋଗ୍ୟ ଯେ ବିସିସିଆଇ ପ୍ରଥମ ପର୍ଯ୍ୟାୟରେ ଆଇପିଏଲ ୨୦୨୪ ପାଇଁ କେବଳ ୨୧ ମ୍ୟାଚର ଲିଷ୍ଟ ଜାରି କରିଛି । ଏପ୍ରିଲ ୭ ଯାଏ ଏହା ଖେଳା ଯିବ । ଲୋକସଭା ନିର୍ବାଚନ ତାରିଖ ଘୋଷଣା ପରେ ପରବର୍ତ୍ତୀ ଘୋଷଣା କରାଯିବ ବୋଲି ବିସିସିଆଇ କହିଥିଲା । ଏହାରି ଭିତରେ ଲୋକସଭା ତାରିଖ ମଧ୍ୟ ଘୋଷଣା ସରିଛି । ଅନୁମାନ କରାଯାଉଛି ଯେ ବିସିସିଆଇ ବଳକା ଆଇପିଏଲ ମ୍ୟାଚ୍ ପାଇଁ ଖୁବ ଶୀଘ୍ର ସୂଚୀ ଘୋଷଣା କରିପାରେ ।

Also Read: IPL ୨୦୨୪ର ନୂଆ ନିୟମ, ଅମ୍ପାୟାର ଏବଂ ବୋଲରଙ୍କୁ ମିଳିବ ଆଶ୍ବସ୍ତି