IPL 2024: ଜୈସୱାଲଙ୍କ ଛକାରେ ଆଘାତ ହୋଇ ହସ୍ପିଟାଲ ଗଲେ RR ମେମ୍ଵର, କ୍ୟାପଟେନ୍‌ ସଞ୍ଜୁ ସାମସନ୍‌ଙ୍କ ଖୁଲାସା...

ମୁମ୍ଵାଇ ୨୧।୦୩: ବର୍ତ୍ତମାନ ଆଇପିଏଲ୍ ୨୦୨୩ରେ ୬୦୦ରୁ ଅଧିକ ରନ୍ ସ୍କୋର କରି ଟିମ୍ ଇଣ୍ଡିଆରେ ପ୍ରବେଶ କରିଥିବା ଦମ୍‌ଦାର ବ୍ୟାଟ୍ସମ୍ୟାନ୍ ଯଶସ୍ୱୀ ଜୈସୱାଲଙ୍କୁ ସବୁଆଡେ ଆଲୋଚନା କରାଯାଉଛି। ନିକଟରେ ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ୭୦୦ରୁ ଅଧିକ ରନ୍ ସଂଗ୍ରହ କରିଥିବା ଜୈସୱାଲ ତାଙ୍କ ବ୍ୟାଟିଂ ସହ ସମସ୍ତଙ୍କ ହୃଦୟ ଜିତିଛନ୍ତି। ଏବେ ପୁଣି ଥରେ ଆଗାମୀ ସିଜିନ୍‌ ପୂର୍ବରୁ ସମସ୍ତ ଆଖି ତାଙ୍କ ଉପରେ ରହିବ । ଏହା ପୂର୍ବରୁ ତାଙ୍କର ଆଇପିଏଲ୍ ଫ୍ରାଞ୍ଚାଇଜ୍ ଅଧିନାୟକ ସଞ୍ଜୁ ସାମସନ୍ ଏକ ବିଶେଷ ରହସ୍ୟ ପ୍ରକାଶ କରିଛନ୍ତି।

ନିକଟରେ ଯଶସ୍ଵୀ ଜୈସୱାଲ ଦମ୍‌ଦାର ବ୍ୟାଟିଂ ଏବଂ ଲମ୍ବା ଛକା ପାଇଁ ଜଣାଶୁଣା। ହେଲେ ଏହାରି ମଧ୍ୟରେ ସାମସନ୍ ଏହି ସମ୍ବନ୍ଧୀୟ ଏକ ଘଟଣା ବର୍ଣ୍ଣନା କରିଥିଲେ । ଷ୍ଟାର ସ୍ପୋର୍ଟସ ସହିତ ଏକ ଇଭେଣ୍ଟରେ କଥାବାର୍ତ୍ତା କରୁଥିବାବେଳେ ଅଧିନାୟକ କହିଛନ୍ତି ଯେ ଜୈସୱାଲକୁ ଆମେ କିଛି ଦିନ ହେବ ଅବ୍ୟାସରୁ ଦୂରେଇ ରକିବାକୁ ବାଧ୍ୟ ହୋଇଛୁ।  ଗତ ସିଜିନରେ ରାଜସ୍ଥାନ ରୟାଲ୍ସର ଅନେକ ଷ୍ଟାଫ୍‌ଙ୍କୁ ତାଙ୍କର ସର୍ଟସ୍‌ ପାଇଁ ଡାକ୍ତରଖାନା ଯିବାକୁ ପଡିଥିଲା।

JaisBall mode at SMS! ???????? pic.twitter.com/iDczUp00xv— Rajasthan Royals (@rajasthanroyals) March 19, 2024

କ’ଣ କହିଥିଲେ ସଞ୍ଜୁ ସାମସନ?

ଏହି ସମଗ୍ର ଘଟଣା ବିଷୟରେ ସଞ୍ଜୁ ସାମସନ କହିଛନ୍ତି, 'ଆମର ଅଭ୍ୟାସ କ୍ୟାମ୍ପରେ ଚାରି ଜଣ ସରଦାର ଅଛନ୍ତି। ସେମାନଙ୍କର ନାମ କଟା, ପୁଲ୍‌, ଫ୍ଲିକ୍ ଏବଂ ଡ୍ରାଇଭ୍ । ଏହି ଚାରି ଜଣଙ୍କର କାମ ହେଉଛି ବଲକୁ କଟ କରିବା,  ପୁଲ କରିବା, ଫ୍ଲିକ୍ କରିବା ଏବଂ ଡ୍ରାଇଭ୍‌ କରିବା । ଗତ ସିଜିନ୍‌ରେ ଅନେକେ ସେମାନଙ୍କ କାନ୍ଧ ଡିସ୍‌ଲୋକେଟ୍‌ କରିଥିଲେ। ଏହାର କାରଣ ହେଉଛି ଯଶସ୍ଵୀ ଜୈସୱାଲ। ସେ ଡାକ୍ତରଖାନାରେ ଥିଲେ ଏବଂ ବର୍ତ୍ତମାନ ଫେରିଛନ୍ତି। ଏଠାରେ କେବଳ ଖେଳାଳି ନୁହଁନ୍ତି ଯଶସ୍ଵି କାରଣରୁ କର୍ମଚାରୀମାନେ ମଧ୍ୟ ଆହତ ହୋଇଛନ୍ତି।

ଆଗାମୀ ସିଜନରେ ଦଳ ପାଇଁ ଯଶସ୍ୱୀ ଏକ ଗୁରୁତ୍ୱପୂର୍ଣ୍ଣ ରହିବେ। ଗତ ସିଜିନ୍‌ ପର୍ଯ୍ୟନ୍ତ ସେ ଜଣେ ଅନକ୍ୟାପଡ୍‌ ଖେଳାଳି ଥିଲେ। ଏବେ ସେ ଜଣେ ଭାରତୀୟ ବ୍ୟାଟ୍ସମ୍ୟାନ୍ ଭାବେ ଆଇପିଏଲରେ ପ୍ରବେଶ କରିବାକୁ ଯାଉଛନ୍ତି। ନିଶ୍ଚିତ ଭାବରେ ଯେ ଖେଳାଳିଙ୍କର ଅଧିକ ଆତ୍ମବିଶ୍ୱାସ ରହିବ । ସେମାନଙ୍କ ଉପରେ ଚାପ ମଧ୍ୟ ହେବାକୁ ଯାଉଛି। ଏବେ ଦେଖିବାକୁ ବାକି ରହିଲା ଯେ ତାଙ୍କ ଖେଳ ସମାନ ଢଙ୍ଗରେ ଖେଳିବେ କି ନାହିଁ ।