Kanguva Record: 'କଙ୍ଗୁଭା' ରିଲିଜ୍ ହେବା ପୂର୍ବରୁ କଲା ପ୍ରଥମ ରେକର୍ଡ; ଆଗରୁ କୋଉ ଫିଲ୍ମ କରିନି
ବବି ଦେଓଲ୍ ପୁଣି ଥରେ ଭୟଙ୍କର ଖଳନାୟନ ହୋଇ 'କଙ୍ଗୁଭା'ରେ ଦର୍ଶକଙ୍କ ମନରେ କ୍ରୋଧ ସୃଷ୍ଟିକରିବାକୁ ପ୍ରସ୍ତୁତ। ଏହି ଫିଲ୍ମ ଦେଶ ତଥା ବିଦେଶର ପ୍ରେକ୍ଷାଳୟରେ ଏକ ବଡ଼ ହିଟ୍ ହୋଇପାରେ ବୋଲି ଆଶା କରାଯାଏ। ଏହା ୧୦,୦୦୦ ପରଦାରେ ଗ୍ଲୋବାଲ୍ ରିଲିଜ୍ ମାଧ୍ୟମରେ ଏକ ନୂଆ ରେକର୍ଡ଼ ସୃଷ୍ଟି କରିବାକୁ ଯାଉଛି।
ସୂର୍ଯ୍ୟା ଏବଂ ବବି ଦେଓଲଙ୍କ ଫିଲ୍ମ 'କଙ୍ଗୁଭା' ୧୦,୦୦୦ ପରଦାରେ ଗ୍ଲୋବାଲ୍ ରିଲିଜ୍ ମାଧ୍ୟମରେ ଏକ ନୂଆ ରେକର୍ଡ଼ ସୃଷ୍ଟି କରିବାକୁ ଯାଉଛି। ନିର୍ଦ୍ଦେଶକ ଶିବଙ୍କ ଏହି ଗ୍ରାଣ୍ଡ୍ ଫିଲ୍ମରେ ଦକ୍ଷିଣର ମେଗାଷ୍ଟାର ସୂର୍ଯ୍ୟାଙ୍କ ଦମଦାର ଆକ୍ସନ୍ ଦେଖିବାକୁ ମିଳିବ।
ବବି ଦେଓଲ୍ ପୁଣି ଥରେ ଭୟଙ୍କର ଖଳନାୟନ ହୋଇ ଦର୍ଶକଙ୍କ ମନରେ କ୍ରୋଧ ସୃଷ୍ଟିକରିବାକୁ ପ୍ରସ୍ତୁତ। ଏହି ଫିଲ୍ମ ଦେଶ ତଥା ବିଦେଶର ପ୍ରେକ୍ଷାଳୟରେ ଏକ ବଡ଼ ହିଟ୍ ହୋଇପାରେ ବୋଲି ଆଶା କରାଯାଏ।
ସବୁଠାରୁ ବଡ ସ୍କ୍ରିନ୍:
‘କଙ୍ଗୁଭା’ ସମଗ୍ର ବିଶ୍ୱରେ ୧୦ ହଜାର ସ୍କ୍ରିନ୍ରେ ମୁକ୍ତିଲାଭ କରିବାକୁ ପ୍ରସ୍ତୁତ। ସୂର୍ଯ୍ୟା ଏବଂ ବବି ଦେଓଲଙ୍କ ଭଳି ତାରକାଙ୍କ ଅଭିନୀତ ଏହି ଫିଲ୍ମଟି ଜବାନ, ଆର୍ଆର୍ଆର୍ ଏବଂ କେଜିଏଫ୍ ଚାପ୍ଟର ୨ ଭଳି ବ୍ଲକ୍ବଷ୍ଟର୍ ଚଳଚ୍ଚିତ୍ର ତାଲିକାରେ ଯୋଗ ଦେଉଛି।
ଏହାର ମେଗା ପ୍ରଡକ୍ସନ୍, ଚମତ୍କାର ଭିଜୁଆଲ୍ ଏବଂ ଦମଦାର କାହାଣୀ ସମଗ୍ର ବିଶ୍ୱରେ ଦର୍ଶକଙ୍କୁ ଉତ୍ସାହିତ କରିସାରିଛି। ‘କଙ୍ଗୁଭା’ ହେଉଛି ଚଳିତ ବର୍ଷର ସବୁଠାରୁ ବଡ ଏବଂ ମହଙ୍ଗା ଫିଲ୍ମ।
୩୫୦ କୋଟିରୁ ଅଧିକ ବଜେଟ୍:
ଫିଲ୍ମର ବଜେଟ୍ ୩୫୦ କୋଟିରୁ ଅଧିକ ହେବ ବୋଲି କୁହାଯାଉଛି, ଯାହା ଏହାକୁ 'ପୁଷ୍ପା', 'ସିଙ୍ଘମ୍' ଏବଂ ଅନ୍ୟାନ୍ୟ ବଡ ବଡ ଫିଲ୍ମ ଠାରୁ ବି ବଡ କରିଛି। ଏହି ଫିଲ୍ମକୁ ୭ଟି ଦେଶରେ ସୁଟିଂ କରାଯାଇଛି। ଫିଲ୍ମ ପ୍ରତି ନିର୍ମାତାଙ୍କ ଦୃଷ୍ଟିକୋଣ ଖୁବ ନିଆରି ଭଳି ଲାଗେ।
ମୁକ୍ତିଲାଭ କେବେ:
ଏହି ଫିଲ୍ମ ମାଧ୍ୟମରେ ପୁରୁଣା ସମୟକୁ ଦେଖାଇବାକୁ ଚେଷ୍ଟା କରାଯାଇଛି। ନିର୍ମାତା ଆକ୍ସନ୍ ଏବଂ ସିନେମାଟୋଗ୍ରାଫି ପାଇଁ ହଲିଉଡ୍ ଏକ୍ସପର୍ଟମାନଙ୍କ ସାହାଯ୍ୟ ମଧ୍ୟ ନେଇଛନ୍ତି। ଫିଲ୍ମ 'କଙ୍ଗୁଭା' ୧୪ ନଭେମ୍ବରରେ ମୁକ୍ତିଲାଭ କରିବ।
ହଲିଉଡ୍ ଏକ୍ସପର୍ଟମାନଙ୍କ ସାହାଯ୍ୟ:
‘କଙ୍ଗୁଭା’ରେ ୧୦ ହଜାରରୁ ଅଧିକ ଲୋକ କାମ କରିଛନ୍ତି। ଏହାର ସବୁଠାରୁ ବଡ ସଂଘର୍ଷ ହେଉଛି ସିକ୍ୱେନ୍ସ। କେବଳ ଏତିକି ନୁହେଁ, ଷ୍ଟୁଡିଓ ଗ୍ରୀନ୍ ମଧ୍ୟ ଟପ୍ ଡିଷ୍ଟ୍ରୀବ୍ୟୁସନ ହାଉସ୍ ସହିତ ହାତ ମିଳେଇଛି, ଯାହାଫଳରେ ଫିଲ୍ମଟି ବିଶ୍ୱବ୍ୟାପୀ ବହୁ ପରିମାଣରେ ମୁକ୍ତିଲାଭ କରିପାରିବ।
ବବି ଦେଓଲ ଏବଂ ସୂର୍ଯ୍ୟାଙ୍କ ବ୍ୟତୀତ ଦିଶା ପାଟନୀ, ଯୋଗୀ ବାବୁଙ୍କ ଭଳି ତାରକାମାନେ ମଧ୍ୟ ଏହି ଚଳଚ୍ଚିତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।
ଏମିତି ଟାଇଟଲ୍ କାହିଁକି:
ତେବେ ସବୁଠାରୁ ବଡ କଥା ହେଲା ଫିଲ୍ମର ଟାଇଟଲ୍କୁ ନେଇ ଲୋକଙ୍କ ମନରେ ଅନେକ ପ୍ରଶ୍ନ ସୃଷ୍ଟି ହେଉଛି। ଏହାର ମାନେ କ’ଣ? ଫିଲ୍ମର ଟାଇଟଲ ଏମିତି କାହିଁକି ରଖାଗଲା? ଆପଣଙ୍କ ମନରେ ଯଦି ଏଭଳି କିଛି ପ୍ରଶ୍ନ ସୃଷ୍ଟି ହେଉଛି ତେବେ ଏବେ ସ୍ପଷ୍ଟ ହୋଇଯାଆନ୍ତୁ।
ଗତ ବର୍ଷ ଜୁଲାଇରେ ଯେତେବେଳେ ଶିବା ଫିଲ୍ମର ଟାଇଟଲ୍ ଏବଂ ପ୍ରଥମ ପୋଷ୍ଟର ରିଲିଜ୍ କରିଥିଲେ, ସେତେବେଳେ ସେ ଫିଲ୍ମର ନା’ର ଅର୍ଥ ମଧ୍ୟ ବୁଝାଇଥିଲେ। ସେ ଏହି ଫିଲ୍ମର ଟାଇଟଲ୍କୁ ଖୁବ ଭାବିଚିନ୍ତି ରଖିଛନ୍ତି, ଯାହା ତାଙ୍କ କାହାଣୀକୁ ଭଲ ଭାବରେ ପ୍ରତିଫଳିତ କରେ। ଶିବା କହିଥିଲେ ଯେ ‘କଙ୍ଗୁ’ ଶବ୍ଦ ପ୍ରାଚୀନ ତାମିଲ ଶବ୍ଦରୁ ଆସିଛି, ଯାହାର ଅର୍ଥ ହେଉଛି 'ନିଆଁ'। ଏହି ପରିପ୍ରେକ୍ଷୀରେ, 'କଙ୍ଗୁଭା'ର ଅର୍ଥ ହେଉଛି ସେହି ବ୍ୟକ୍ତି ଯାହା ପାଖରେ ନିଆଁ ଭଳି ଶକ୍ତି ଅଛି।
‘କଙ୍ଗୁଭା’ର ଦୁନିଆ ବାସ୍ତବ ହେବ ଏବଂ ଦର୍ଶକଙ୍କୁ ଏକ ନୂଆ ଭିଜୁଆଲ୍ ଅନୁଭୂତି ଦେବ। ମାନବୀୟ ଭାବନା, ଦମଦାର୍ ପ୍ରଦର୍ଶନ ଏବଂ ବଡ଼ ଆକାରରେ ପୂର୍ବରୁ ଦେଖାଯାଇ ନ ଥିବା ଆକ୍ସନ୍ ଦୃଶ୍ୟ ଏହି ଚଳଚ୍ଚିତ୍ରର ମୂଳ ଅଂଶ ହେବ। ଷ୍ଟୁଡିଓ ଗ୍ରୀନ୍ ୨୦୨୪ର ପ୍ରାରମ୍ଭରେ ସାରା ବିଶ୍ୱରେ ଏମିତି ଏକ ବଡ ଆକାରରେ ଚଳଚ୍ଚିତ୍ର ମୁକ୍ତିଲାଭ କରିବା ପାଇଁ ଟପ୍ ଡିଷ୍ଟ୍ରୀବ୍ୟୁସନ ହାଉସ୍ ସହିତ ହାତ ମିଶେଇଛି।
