Odisha Kalki Avatar Puja Incident: ବାବାଙ୍କ ଉପରେ ଯୁବତୀଙ୍କ ସଙ୍ଗୀନ ଆରୋପ, ‘ଝିଅଙ୍କ ସହ ବୁଲନ୍ତି, ଟଙ୍କା ଉଡ଼ାନ୍ତି’
ତଥାକଥିତ କଳକୀ ବାବାଙ୍କ ନାଁରେ ସାଘାଂତିକ ଅଭିଯୋଗ । ଝିଅଙ୍କ ସହ ବୁଲନ୍ତି, ଟଙ୍କା ଉଡ଼ାନ୍ତି ।
ତଥାକଥିତ କଳକୀ ବାବାଙ୍କ ନାଁରେ ସାଘାଂତିକ ଅଭିଯୋଗ। ଝିଅଙ୍କ ସହ ବୁଲନ୍ତି, ଟଙ୍କା ଉଡ଼ାନ୍ତି। ଆଜି ଖଣ୍ଡଗିରି ବୈକୁଣ୍ଠଧାମ ଆଶ୍ରମକୁ ଆସି କିଛି ଏଭଳି ସଙ୍ଗୀନ ଅଭିଯୋଗ ଲଗାଇଛନ୍ତି ଜଣେ ଯୁବତୀ । ସେ ଅଭିଯୋଗ କରିଛନ୍ତି ତାଙ୍କ ପାରିବାରିକ ସମସ୍ୟାକୁ ନେଇ ସେ ବାବାଙ୍କ ପାଖକୁ ଆସିଥିଲେ। ହେଲେ ବାବାଙ୍କୁ ସେ ପୂର୍ବରୁ ଅନେକ କାଫେରେ ଦେଖିଛନ୍ତି ଯେଉଁଠି ସେ ପୁଳା ପୁଳା ଟଙ୍କା ଉଡ଼ାଇଛନ୍ତି ।
ଏକାଧିକ ଯୁବତୀଙ୍କ ସହ ଥିଲେ। ଏପରିକି ଆଶ୍ରମ ଭିତରେ ପଶିବା ପରେ ବାବାଙ୍କ ଦେହରେ ତୁଳସୀ ଲାଗିଥିବା ଦେଖିବାକୁ ମିଳିଛି । ବାବାଙ୍କ ଗୋଡ଼ରେ ,ମୁଣ୍ଡରେ ତୁଳସୀ ଦିଆଯାଇଥିବା ସେ ଅଭିଯୋଗ କରିଛନ୍ତି । ସେପଟେ ଏନେଇ ଆଶ୍ରମ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନି । ଆଉ ଏହାରି ଭିତରେ ଆଶ୍ରମରେ ବିକ୍ଷୋଭ ପ୍ରଦର୍ଶନ କରିଛନ୍ତି ବିଭିନ୍ନ ସଂଗଠନ । ଗେଟରେ ଲେଖାଯାଇଥିବା ‘ଶ୍ରୀ’ ଲେଖା ଉପରେ କାଦୁଅ ଲିପି ବିକ୍ଷୋଭ ପ୍ରଦର୍ଶନ କରିଛନ୍ତି।
ଅଧିକ ପଢ଼ନ୍ତୁ:ଅନ୍ୟ ଜାତିରେ ପୁଅ ବାହା ହେଲା ବୋଲି .. ପ୍ରଫେସରଙ୍କୁ ଜାତିରୁ ବାସନ୍ଦ ଦଣ୍ତ !
ସେପଟେ ନାବାଳକଙ୍କୁ ବାବା ସଜେଇବା ଘଟଣାରେ ଆଗକୁ ବଢିଲା ତଦନ୍ତ ପ୍ରକ୍ରିୟା । ସାଧାରଣ ପ୍ରଶାସନ ବିଭାଗ ପକ୍ଷରୁ ଜୋରଦାର ହେଲା ଖୋଳତାଡ଼ । ଭୁବନେଶ୍ୱର ସ୍ଥିତ ଖଣ୍ଡଗିରି ବୈକୁଣ୍ଠଧାମ ଆଶ୍ରମରେ ପହଞ୍ଚିଛି ସାଧାରଣ ପ୍ରଶାସନର ଟିମ୍ । ସାଧାରଣ ପ୍ରଶାସନ ସହ BDAର ୮ ଜଣିଆ ଟିମ ଖୋଳତାଡ଼ କରିଛନ୍ତି । ବୈକୁଣ୍ଠଧାମ ଆଶ୍ରମର ଜାଗାକୁ ନେଇ ମାପଚୁପ୍ କରାଯାଇଛି । ଏ ନେଇ GA ଡିପାର୍ଟମେଣ୍ଟ ଆସିଷ୍ଟାଣ୍ଟ ଡାଇରେକ୍ଟର କହିଛନ୍ତି ବର୍ତ୍ତମାନ GA, BDA ଏବଂ ତହସିଲ ତରଫରୁ ସରଜମିନ ତଦନ୍ତ ହୋଇଛି ।
ଯେଉଁ ସ୍ଥାନରେ ଆଶ୍ରମ ଅଛି ତାହା ସରକାରୀ ଜମି ନା ସ୍ଥିତିବାନ ଜମି ସେ ନେଇ ତଦାରଖ କରିଛୁ । ପ୍ରାଥମିକ ତଦନ୍ତରେ ଯାହା ଦେଖିଲୁ ସେ ଜମି ସରକାରୀ ଜମି ଆସିପାରେ । ମାପଚୁପ ଶେଷ ହୋଇଛି । ଏହା ପରେ ସରକାରଙ୍କୁ ରିପୋର୍ଟ ଦିଆଯିବ । ଯଦି ସରକାରୀ ଜମିରେ ଆଶ୍ରମ ହୋଇଥିବ ତେବେ ଆଇନ ଅନୁଯାୟୀ ପଦକ୍ଷେପ ନିଆଯିବ ବୋଲି ସେ କହିଛନ୍ତି ।
ଜିଲ୍ଲାପାଳଙ୍କ ନିର୍ଦ୍ଦେଶ ପରେ ବୈକୁଣ୍ଠ ଧାମରେ ତଦନ୍ତ କରାଯାଇଛି । ଆଶ୍ରମରେ ତହସିଲ୍, ବିଡିଏ ଓ BMCର ମିଳିତ ୮ ଜଣିଆ ଟିମ୍ ପହଞ୍ଚି ତଦନ୍ତ କରିଛନ୍ତି । ସେପଟେ ବୈକୁଣ୍ଠ ଆଶ୍ରମ ନିକଟରେ ଆଉ ଏକ ତିନି ମହଲା ଘର ବି ଠାବ ହୋଇଛି । କୁହାଯାଉଛି ଏହି ଘରେ ବାହାରୁ ଆସୁଥିବା ଭକ୍ତ ଓ ଅନୁଗାମୀଙ୍କୁ ରଖାଯାଉଥିଲା । ବିଶେଷ ଭାବେ ବିଦେଶୀ ଭକ୍ତ ଏଠି ରହୁଥିଲେ ।
