TIME ମାଗାଜିନରେ ରିଲାଏନ୍ସ ଏବଂ ଟାଟାର ଦବଦବା, ଭ୍ୟାକ୍ସିନ ନିର୍ମାତା କମ୍ପାନି ସିରମ୍ ବି ସାମିଲ

ନୂଆଦିଲ୍ଲୀ: ପ୍ରତିଷ୍ଠିତ ଟାଇମ୍ ମାଗାଜିନରେ ମୁକେଶ ଅମ୍ୱାନୀଙ୍କ ରିଲାଏନ୍ସ ଇଣ୍ଡଷ୍ଟ୍ରିଜ୍ ସହ ସାଇରସ୍ ପୁନାୱାଲାଙ୍କ ସିରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ଟାଟା ଗ୍ରୁପ ସ୍ଥାନ ପାଇଛି । ଏହି ତିନି କମ୍ପାନି ସବୁଠାରୁ ପ୍ରଭାବଶାଳୀ କମ୍ପାନିର ଶୀର୍ଷ ୧୦୦ ଲିଷ୍ଟରେ ସାମିଲ ହୋଇଛନ୍ତି । ଉଲ୍ଲେଖଯୋଗ୍ୟ ଯେ ଟାଇମ୍ ମାଗାଜିନ୍ ୨୦୨୪ ପାଇଁ ଦୁନିଆର ସବୁଠୁ ପ୍ରଭାବଶାଳୀ କମ୍ପାନିଙ୍କ ଲିଷ୍ଟ ଜାରି କରିଛି । ଏହି ସୂଚୀକୁ ୫ଟି କ୍ୟାଟେଗୋରୀରେ ବିଭକ୍ତ କରାଯାଇଛି । ଏଥିରେ ରିଡର୍ସ, ଡିସରପ୍ଟର୍ସ, ଇନୋଭେଟର୍ସ, ଟାଇଟନ୍ସ ଏବଂ ପାୟନିୟର୍ସ ସାମିଲ । ପ୍ରତ୍ୟେକ କ୍ୟାଟେଗୋରୀରେ ୨୦ କମ୍ପାନିଙ୍କୁ ସାମିଲ କରାଯାଇଛି ।

ମୁକେଶ ଅମ୍ୱାନୀଙ୍କ କମ୍ପାନି ରିଲାଏନ୍ସ ଏବଂ ଟାଟା ଗ୍ରୁପକୁ ଟାଇଟନ୍ସ କ୍ୟାଟେଗୋରୀରେ ସ୍ଥାନ ମିଳିଛି । ଅନ୍ୟପଟେ ସିରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆକୁ ପାୟନିୟର୍ସ କ୍ୟାଟେଗୋରୀରେ ସ୍ଥାନ ଦିଆଯାଇଛି । ଟାଇମ୍ ମାଗାଜିନ୍ ରିଲାଏନ୍ସକୁ ଇଣ୍ଡିଆଜ୍ ଜଗରନଟ୍ ଉପାଧୀ ଦେଇଛି । ଟାଇମ୍ ମାଗାଜିନ୍ ରିଲାଏନ୍ସ ବିଷୟରେ ଲେଖିଛି ଯେ ଟେକ୍ସଟାଇଲ୍ ଏବଂ ପଲିଏଷ୍ଟର କମ୍ପାନି ରୂପେ ଆରମ୍ଭ ହୋଇଥିବା ରିଲାଏନ୍ସ ଆଜି ଏକ ବଡ଼ ବିଜନେସ୍ ଗ୍ରୁପ ସହ ଦେଶର ସବୁଠୁ ମୂଲ୍ୟବାନ କମ୍ପାନି ଅଟେ । କମ୍ପାନି ପାଖରେ ଏନର୍ଜୀ, ରିଟେଲ୍ ଏବଂ ଟେଲିକମ ସମେତ ଅନେକ କାରବାର ରହିଛି ।

ଟାଇମ୍ ମାଗାଜିନ ରିଲାଏନ୍ସ ଏବଂ ଡିଜନୀ ଡିଲ୍ ନେଇ ମଧ୍ୟ ଉଲ୍ଲେଖ କରାଯାଇଛି । ମାଗାଜିନ୍ କହିଛି ଯେ ୮.୫ ବିଲିୟନ ଡଲାରର ଏହି ଚୁକ୍ତି ଭାରତରେ ଦ୍ରୁତ ବେଗରେ ବଢୁଥିବା ଷ୍ଟ୍ରିମିଂ ବଜାର ଉପରେ ରିଲାଏନ୍ସର ସ୍ଥିତିକୁ ମଜଭୁତ କରିବ ।

ଟାଇମ୍ ମାଗାଜିନ ସିରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆକୁ ଦୁନିଆର ସବୁଠୁ ବଡ଼ ଭ୍ୟାକ୍ସିନ ନିର୍ମାତା ରୂପେ ସାମିଲ କରିଛି । ଟାଟା ଗ୍ରୁପ୍ ବିଷୟରେ ଟାଇମ୍ କହିଛି ଯେ ଏହି ଗ୍ରୁପ ଭାରତର ପୁରୁଣା କମ୍ପାନି ମଧ୍ୟରୁ ଗୋଟିଏ । ଏହାର ପୋର୍ଟଫୋଲିଓ ଷ୍ଟିଲ୍, ସଫ୍ଟୱେର, ଘଣ୍ଟା, ପରିବାଠାରୁ ଆରମ୍ଭ କରି ରସାୟନ ଏବଂ ଲୁଣ, ଖାଦ୍ୟାନ୍ନ, ଏୟାର କଣ୍ଡିସନର, ଫ୍ୟାସନ ଏବଂ ହୋଟେଲ ଯାଏ ବ୍ୟାପ୍ତ । ଟେକ୍ ନିର୍ମାଣ, ଏଆଇ ଏବଂ ସେମିକଣ୍ଡକ୍ଟର ଚିପ୍ସରେ ନିବେଶ କରିବା ଗ୍ରୁପ ଏକ ଟେକ୍ କମ୍ପାନି ହୋଇଛି । ୨୦୨୩ରେ ଏହା ଆଇଫୋନକୁ ଆଲେମ୍ୱଲ କରିବାରେ ପ୍ରଥମ ଭାରତୀୟ କମ୍ପାନି ହୋଇଛି ।