Video: ସୀମା-ସଚିନଙ୍କ ସମ୍ପର୍କରେ ଫାଟ! କାନ୍ଦିକି କହିଲେ, କ’ଣ ଭାବି ଆସିଥିଲି…

ଲକ୍ଷ୍ନୌ,୨୬।୨: ପାକିସ୍ତାନ ଛାଡି ଭାରତ ପଳାଇଆସିଥିବା ସୀମା ହାଇଦର ଏବଂ ସଚିନ ମୀନା ପ୍ରାୟତଃ ସୋସିଆଲ ମିଡିଆରେ ଭାଇରାଲ କଣ୍ଟେଣ୍ଟ ଶେୟାର କରି ଚର୍ଚ୍ଚାରେ ରହିଥାନ୍ତି। ସୀମା ପାକିସ୍ତାନରୁ ଭାରତ ଆସିବା ପରେ ବହୁତ ଲୋକପ୍ରିୟତା ହାସଲ କରିଛନ୍ତି। ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ତାଙ୍କର ଲକ୍ଷ ଲକ୍ଷ ଫଲୋଅର୍ସ ଅଛନ୍ତି। ତାଙ୍କ ଫଲୋଅର୍ସମାନେ ତାଙ୍କ ବିଷୟବସ୍ତୁକୁ ବହୁତ ପସନ୍ଦ କରନ୍ତି। ସୀମାଙ୍କ ଆଉ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ସେ ବହୁତ ଭାବପ୍ରବଣ ନଜର ଆସିଛନ୍ତି।
ସୀମା ଲାଲ ଶାଢ଼ି ପିନ୍ଧି ଏକ ଭିଡିଓ ଶେୟାର କରିଛନ୍ତି, ଯେଉଁଥିରେ ସେ ଘରର ଏକ କୋଣରେ ଠିଆ ହୋଇଛନ୍ତି। ଭିଡିଓ କରିବା ସମୟରେ ସୀମା ବହୁତ ଭାବପ୍ରବଣ ହୋଇଯାଆନ୍ତି, ତାଙ୍କ ଆଖିରେ ଲୁହ ମଧ୍ୟ ଦେଖିବାକୁ ମିଳେ। ସୀମାଙ୍କୁ କହୁଥିବାର ଶୁଣିବାକୁ ମିଳୁଛି, ମାନବିକତା ଆଉ ନାହିଁ। ଏହା ଦେଖି ଦୁଃଖ ଲାଗୁଛି। କ’ଣ ଭାବି ଆସିଥିଲି ଏବଂ କ’ଣ ପାଇଲି ଏହା ବିଷୟରେ ଭାବି ବହୁତ ଦୁଃଖ ଲାଗୁଛି। ସମସ୍ୟା ହେଉଛି ଏହାର ଏକ ସୀମା ଅଛି।
ସୀମା ପ୍ରାୟତଃ ତାଙ୍କ ସ୍ବାମୀ ସଚିନ ମୀନାଙ୍କ ସହ ଭିଡିଓ ଶେୟାର କରନ୍ତି। କେତେବେଳେ ଦୁହେଁ ନାଚୁଥିବାର ଦେଖାଯାଏ ତ କେତେବେଳେ ସେମାନଙ୍କ ମଧ୍ୟରେ ଯୁକ୍ତିତର୍କ ହୁଏ। କିଛି ଭିଡିଓରେ ଏହି ଦମ୍ପତିଙ୍କୁ ରୋମାନ୍ସ କରୁଥିବାର ମଧ୍ୟ ଦେଖାଯାଉଛି, କିନ୍ତୁ ଏଥର ସୀମା ଏକା ଆସି ଏକ ଭାବପ୍ରବଣ ଭିଡିଓ ତିଆରି କରିଛନ୍ତି। ଏଥି ଭିଡିଓ ଲୋକମାନେ ଭାବୁଛନ୍ତି ଯେ ଉଭୟଙ୍କ ମଧ୍ୟରେ ମନୋମାଳିନ୍ୟ ହୋଇଛି। ସୀମା ପୂର୍ବରୁ ଅନେକ ଥର କହିଛନ୍ତି, ସେ ଭାରତ ଆସି ବହୁତ ଖୁସି। କିଛି ଦିନ ପୂର୍ବରୁ ସୀମା ତାଙ୍କ ପ୍ରଶଂସକମାନଙ୍କୁ ଖୁସିଖବର ଦେଇଥିଲେ। ସେ ଖୁବ ଶୀଘ୍ର ସଚିନଙ୍କ ସନ୍ତାନର ମା’ ହେବାକୁ ଯାଉଛନ୍ତି। ଏହା ସଚିନଙ୍କ ସହିତ ତାଙ୍କର ପ୍ରଥମ ସନ୍ତାନ ହେବ। ତାଙ୍କର ପୂର୍ବରୁ ଚାରୋଟି ସନ୍ତାନ ଅଛନ୍ତି।

 

View this post on Instagram

 

A post shared by Seema Sachin (@seema____sachin10)

The post Video: ସୀମା-ସଚିନଙ୍କ ସମ୍ପର୍କରେ ଫାଟ! କାନ୍ଦିକି କହିଲେ, କ’ଣ ଭାବି ଆସିଥିଲି… appeared first on Dharitri Odia News.