Watch: ପାକିସ୍ତାନରେ ଲାଗିଲା ‘କୋହଲି ଜିନ୍ଦାବାଦ’ ସ୍ଲୋଗାନ: ଦେଖନ୍ତୁ ଭିଡିଓ

ନୂଆଦିଲ୍ଲୀ,୧୫।୨: ୨୦୨୫ ଚାମ୍ପିଅନ୍ସ ଟ୍ରଫି ପାକିସ୍ତାନ ଆୟୋଜକତାରେ ଖେଳାଯିବ। କେବଳ ଟିମ ଇଣ୍ଡିଆ ଦୁବାଇରେ ଏହାର ମ୍ୟାଚ ଖେଳିବ। ଭାରତୀୟ ଦଳ ଟୁର୍ନାମେଣ୍ଟ ପାଇଁ ପାକିସ୍ତାନ ଗସ୍ତ କରିବାକୁ ମନା କରିଦେଇଥିଲା। ଅନେକ ପାକିସ୍ତାନୀ ପ୍ରଶଂସକ ସେଠାରେ ବିରାଟ କୋହଲିଙ୍କୁ ଖେଳୁଥିବା ଦେଖିବାକୁ ଚାହୁଁଥିଲେ, କିନ୍ତୁ ତାହା ହୋଇପାରିଲା ନାହିଁ। ଏବେ ସାମ୍ନାକୁ ଆସିଥିବା ଏକ ଭିଡିଓରେ, ପାକିସ୍ତାନ ଭିତରେ ପ୍ରଶଂସକମାନେ ‘ବିରାଟ କୋହଲି ଜିନ୍ଦାବାଦ’ ସ୍ଲୋଗାନ ଦେଉଥିବାର ଦେଖାଯାଉଛି। ଏହା ବ୍ୟତୀତ ପାକ ପ୍ରଶଂସକମାନେ ‘ଆରସିବି-ଆରସିବି’ ସ୍ଲୋଗାନ ମଧ୍ୟ ଦେଇଥିଲେ।
ଭିଡିଓରେ ଦେଖାଯାଉଛି ଯେ ଅନେକ ଲୋକ ଏକାଠି ହୋଇଛନ୍ତି, ସେମାନଙ୍କ ସହିତ ଜଣେ ରିପୋର୍ଟର ମଧ୍ୟ ଉପସ୍ଥିତ ଅଛନ୍ତି। ସମବେତ ପ୍ରଶଂସକମାନେ ହଠାତ୍‌ ବିରାଟ କୋହଲିଙ୍କ ନାମରେ ସ୍ଲୋଗାନ ଦେବା ଆରମ୍ଭ କରିଦିଅନ୍ତି। ଜଣେ ପ୍ରଶଂସକ ‘ବିରାଟ କୋହଲି ଜିନ୍ଦାବାଦ’ ସ୍ଲୋଗାନ ମଧ୍ୟ ଦେଉଛନ୍ତି। ଏହା ବ୍ୟତୀତ ସେଠାରେ ଉପସ୍ଥିତ ସମସ୍ତ ପ୍ରଶଂସକ ‘ଆରସିବି-ଆରସିବି’ ସ୍ଲୋଗାନ ଦିଅନ୍ତି।

ଏହି ସମୟରେ, କିଛି ପ୍ରଶଂସକ ବାବର ଆଜମଙ୍କ ବିଷୟରେ ମଧ୍ୟ କଥା ହେବାକୁ ଚେଷ୍ଟା କରନ୍ତି, କିନ୍ତୁ କୋହଲିଙ୍କ ନାମର ଜୋରଦାର ସ୍ଲୋଗାନଠାରୁ ବାବର ଆଜମଙ୍କ ନାମ ଶୁଣିବାକୁ ମିଳୁନି। ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

Fans chant ‘Kohli, Kohli’ and ‘RCB, RCB’ outside Karachi Stadium in Pakistan. pic.twitter.com/nTQ7r8bK4A

— Mufaddal Vohra (@mufaddal_vohra) February 14, 2025

The post Watch: ପାକିସ୍ତାନରେ ଲାଗିଲା ‘କୋହଲି ଜିନ୍ଦାବାଦ’ ସ୍ଲୋଗାନ: ଦେଖନ୍ତୁ ଭିଡିଓ appeared first on Dharitri Odia News.