ଅତ୍ୟଧିକ ପରଫ୍ୟୁମ୍ ବ୍ୟବହାର କରୁଛନ୍ତି କି? ଶରୀରରେ ହୋଇଥାଏ ଏହି କ୍ଷତି

ଘରୁ ବାହାରକୁ ଯିବା ପୂର୍ବରୁ ଆପଣ ନିଶ୍ଚୟ ପର୍ଫ୍ୟୁମ୍ ବା ଡିଓ ବ୍ୟବହାର କରୁଥିବେ । ଏହା ଆପଣଙ୍କ ମନକୁ ଫ୍ରେସ୍ ରଖିବା ସହ ମନୋଲୋଭା ବାସ୍ନା ମଧ୍ୟ ଦେଇଥାଏ । ଆଜିକା ସମୟରେ କେହି ଏପରି ନ ଥିବେ ଯିଏକି ପର୍ଫ୍ୟୁମ୍ ବ୍ୟବହାର କରୁ ନଥିବେ । ଆପଣ ପୁରୁଷ ହୁଅନ୍ତୁ ବା ମହିଳା ଘରୁ ବାହାରକୁ ଗଲା ବେଳେ କେବେବି ପରଫ୍ୟୁମ୍ ବ୍ୟବହାର କରିବାକୁ ଭୁଲୁ ନ ଥିବେ। କେଉଁଠି ଯିବାର ଥିଲେ, ଏହା ଆପଣଙ୍କୁ ଫ୍ରେସ୍ ଅନୁଭବ କରାଇଥାଏ । ସାଧାରଣତଃ ଖରାଦିନେ ଅଧିକାଂଶ ଲୋକ ପରଫ୍ୟୁମ୍ ବ୍ୟବହାର କରିଥାନ୍ତି । ଏହା ଶରୀରରୁ ଝାଳ ଗନ୍ଧ ଦୂର କରେ ସତ କିନ୍ତୁ ଅତ୍ୟଧିକ ପରଫ୍ୟୁମ୍ ଶରୀର ପାଇଁ କ୍ଷତିକାରକ ହୋଇଥାଏ । କିନ୍ତୁ ଆପଣ ଜାଣିଛନ୍ତି କି, ପରଫ୍ୟୁମ୍ ବା ଡିଓ ଅଧିକ ବ୍ୟବହାର କରିବା ଆପଣଙ୍କ ପାଇଁ କେତେ କ୍ଷତିକାରକ ହୋଇପାରେ । ତେବେ ଆସନ୍ତୁ ଜାଣିବା ଏହାକୁ ଅଧିକ ବ୍ୟବହାର କଲେ ଆମ ଶରୀରରେ କ’ଣ କ୍ଷତି ହୁଏ ।

ପରଫ୍ୟୁରେ ଥିବା କେମିକାଲ ଶରୀର ପ୍ରତି ହାନିକାରକ ହୋଇଥାଏ । ଏଥି ସହ ତ୍ବଚାକୁ ନଷ୍ଟ କରିବାରେ ମଧ୍ୟ ପଛାଇ ନଥାଏ । ଏହାର ବ୍ୟବହାରରୁ ଅନେକଙ୍କୁ ଶ୍ବାସ, କର୍କଟ ଏବଂ ସଂକ୍ରମଣ ଜନିତ ରୋଗ ଆଦି ହୋଇଥାଏ ।

ପରଫ୍ୟୁମରେ ପ୍ରାପିଲିନ୍ ଏବଂ ଗ୍ଲାୟସୋଲ୍ ଆଦି କେମିକାଲ ରହିଥାଏ । ଏହି ଦୁଇ ରସାୟନ ଶରୀରରେ ସଂକ୍ରମଣର ମୁଖ୍ୟ କାରଣ ହୋଇଥାଏ । ଆପଣ ବୋଧ ହୁଏ ଜାଣିନଥିବେ କିନ୍ତୁ ଏହା ଦ୍ବାରା କିଡ଼ନି ଖରାପ ହେବା ସମସ୍ୟା ମଧ୍ୟ ଉପୁଜିଥାଏ ।

ଏହା ଛଡ଼ା ଡ଼ିଓ ବା ପରଫ୍ୟୁମକୁ ଆଣ୍ଟିବ୍ୟାକ୍ଟେରିଆଲ କରିବା ପାଇଁ ଟ୍ରାଇକ୍ଳୋସନ ନାମକ କେମିକାଲ ବ୍ୟବହାର କରାଯାଇଥାଏ । ଏହି କେମିକାଲ ଶରୀରରେ ଥିବା ରୋଗପ୍ରତିରୋଧକ କ୍ଷମତା କମ କରିଥାଏ । ତେବେ ଗର୍ଭବତୀ ସମୟରେ ଭୁଲରେ ମଧ୍ୟ ପରଫ୍ୟୁମ୍ ବ୍ୟବହାର କରିବା ଉଚିତ ନୁହଁ । କାରଣ ଏହା ଦ୍ବାରା ଶିଶୁ ଉପରେ ଖରାପ ପ୍ରଭାବ ପଡ଼ିଥାଏ । ଯାହା ଫଳରେ ଶିଶୁର ସଠିକ୍ ଶାରୀରିକ ବିକାଶ ହୋଇପାରି ନଥାଏ ।

ଏଥି ସହ ଜାଣିରଖନ୍ତୁ ଯେ, ପରଫ୍ୟୁମ୍ କାରଣରୁ ତ୍ବଚାରେ ଅନେକ ପ୍ରକାରର ସମସ୍ୟା ମଧ୍ୟ ଦେଖାଦେଇଥାଏ । ଏଥି ସହ ତ୍ୱଚାରେ ଜଳାପୋଡ଼ା ସମସ୍ୟା ହୋଇଥାଏ । ଖାଲି ଏତିକି ନୁହେଁ, ଏଥିରେ ମିଶିଥିବା ଆଲକହଲ ତ୍ୱଚା ପ୍ରତି ମଧ୍ୟ ହାନିକାରକ। ପ୍ରାକୃତିକ ତ୍ୱଚାକୁ ନଷ୍ଟ କରି ଦେଇଥାଏ । ଅନେକ ସମୟରେ ପରଫ୍ୟୁମ୍ ବ୍ୟବହାର ଯୋଗୁ ସେହି ସ୍ଥାନ କୁଣ୍ଡେଇ ହୋଇ ଫଳି ଯାଇଥାଏ । ବେଳେବେଳେ ଏହି ଜାଗାରେ ଘା’ ମଧ୍ୟ ସୃଷ୍ଟି ହୋଇଥାଏ । ହରମୋନକୁ ମଧ୍ୟ ପ୍ରଭାବିତ କରିଥାଏ । ତେଣୁ ପରଫ୍ୟୁମ୍ ବ୍ୟବହାର କରୁଥିଲେ ଆବଶ୍ୟକତାଠାରୁ ଅଧିକ ବ୍ୟବହାର କରନ୍ତୁ ନାହିଁ ।

ଏଥି ସହ ଆପଣମାନେ ନିଶ୍ଚିତ ଭାବରେ ମନେ ରଖନ୍ତୁ ଯେ, ଏହି ପରଫ୍ୟୁମ୍ ଆପଣଙ୍କ ଘରେ ଥିବା ଛୋଟ ଛୁଆ ଏବଂ ଏହାର ଅଧିକ ବ୍ୟବହାର ଆପଣଙ୍କ ପାଇଁ କ୍ଷତିକାରକ ହୋଇପାରେ । ଏହାକୁ ଛୋଟ ଛୁଆଙ୍କଠାରୁ ଦୂରରେ ରଖନ୍ତୁ । ଯଦି ପିଲାମାନେ ଖେଳୁ ଖେଳୁ ଏହା ତାଙ୍କ ହାତରେ ପଡ଼ିଯାଏ ଆଉ ଆଖି, ନାକ, କାନ ଏବଂ ମୁହଁରେ ଏହାକୁ ସେମାନେ ସ୍ପ୍ରେ କରି ଦିଅନ୍ତି, ତାହାଲେ ଏହା ସେମାନଙ୍କ ପାଇଁ ବହୁତ କ୍ଷତିକାରକ ହୋଇପାରେ । ଯଦି ଛୋଟ ଛୁଆ ଆପଣଙ୍କ ଘରେ ଅଛନ୍ତି ତାହାଲେ ଏହାକୁ ସେମାନଙ୍କ ନଜରରୁ ଦୂରରେ ରଖନ୍ତୁ ।

ଛୋଟ ପିଲାଙ୍କୁ ଜବରଦସ୍ତି ଫରଫ୍ୟୁମ୍ ପକାନ୍ତୁ ନାହିଁ । ଏହା ତାଙ୍କ ତ୍ୱଚାକୁ କ୍ଷତି ପହଞ୍ଚାଇ ପାରେ । ତେବେ ଆଫଣ ଆବଶ୍ୟକ ଅନୁଯାୟୀ, ପରଫ୍ୟୁମ୍ ବ୍ୟବହାର କରନ୍ତୁ ।

The post ଅତ୍ୟଧିକ ପରଫ୍ୟୁମ୍ ବ୍ୟବହାର କରୁଛନ୍ତି କି? ଶରୀରରେ ହୋଇଥାଏ ଏହି କ୍ଷତି appeared first on KNews Odisha.