ଅନିଶ୍ଚିତତାରେ ବିଜେଡି-ବିଜେପି ମେଣ୍ଟ, ରାଜ୍ୟରେ ଦେଖିବାକୁ ମିଳିନି ରାଜନୈତିକ ହଲଚଲ

ଭୁବନେଶ୍ୱର ୧୮।୦୩ : ଓଡ଼ିଶା ରାଜନୈତିକ ହଲଚଲ ଦେଖିବାକୁ ମିଳିନି । କୌଣସି ବଡ଼ ନେତା ନଜରକୁ ଆସୁନାହାନ୍ତି । ନା କିଛି ତତଲା ବୟାନ ଆସିଛି ନା କୌଣସି ଚର୍ଚ୍ଚିତ ଟୁଇଟ୍ । ନିର୍ବାଚନ ତାରିଖ ଘୋଷଣାର ପରେ ବି ଓଡ଼ିଶା ରାଜନୀତି ଚଳଚଞ୍ଚଳ ହୋଇପାରିନି । ସମ୍ଭାବ୍ୟ ମେଣ୍ଟ ସସପେନ୍ସ ଭିତରେ ସବୁ ଶିବିର ଥମି ଯାଇଛନ୍ତି । ଏଚର୍ଚ୍ଚାର ପରିଧିକୁ ଡେଇଁ ନା ବିଜେପି ହୁଙ୍କାର ଛାଡ଼ି ପାରୁଛି ନା ବିଜେଡ଼ି ଆତ୍ମବିଶ୍ବାସର ସହ ଆଗକୁ ମାଡ଼ି ପାରୁଛି । ଯଦିଓ ନିର୍ବାଚନୀ ଇସ୍ତାହାର ଧରି କଂଗ୍ରେସ ମଇଦାନକୁ ଓହ୍ଲାଇଛି, ତଥାପି ଦଳ ରାଜ୍ୟ ତମାମ ସେବଳି ତରଙ୍ଗ ଖେଳାଇ ପାରୁନି ।

ତେବେ କଂଗ୍ରେସ ଆଶା ବାନ୍ଧି ବସିଛି, ମେଣ୍ଟ ହେଲେ ବିଜେଡ଼ି ବିଜେପିରୁ ଅସନ୍ତୁଷ୍ଟ ଟିକେଟ୍ ନପାଇ କଂଗ୍ରେସ ଭବନ ମୁହାଁ ହେବେ । ଟିକ ଆଶାୟୀଙ୍କ ଅପେକ୍ଷା ଆହୁରି ଲମ୍ବିପାରେ । ଏଥର ଓଡ଼ିଶାରେ ନିର୍ବାଚନ ବିଳମ୍ବିତ ପର୍ଯ୍ୟାୟରେ ରହିଛି । ପ୍ରଥମ ପର୍ଯ୍ୟାୟ ଭୋଟ ପାଇଁ ନାମାଙ୍କନ ଏପ୍ରିଲ ୧୮ରୁ ୨୫ ଯାଏଁ ଚାଲିବ । ମେଣ୍ଟ ଯଦି ନହେଲା ଓଡ଼ିଶାକୁ ଫୋକସ୍ କରିବ କି ବିଜେପି । ପ୍ରଧାନମନ୍ତ୍ରୀ ମୋଦି, ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଓଡିଶାକୁ ଘନ ଘନ ଆସିବେ କି । କିଏ କେଉଁଠୁ ଟିକେଟ ପାଇବ ତାକୁ ନେଇ ଚର୍ଚ୍ଚା ଆଲୋଚନା ଚାଲିଛି । ଆଶାୟୀ ମାନେ ଆଶା ଆଶଙ୍କାରେ ଥିବା ବେଳେ ବିଭିନ୍ନ ସ୍ତରରେ ଲବି ମଧ୍ୟ ଆରମ୍ଭ ହୋଇଗଲାଣି । ଦଳୀୟ ଟିକେଟ ଆଶା ନେଇ ହାଇକମାଣ୍ଡଙ୍କ ପାଖରେ ପ୍ରସ୍ତାବ ବି ରଖୁଛନ୍ତି । ପ୍ରଥମ ପର୍ଯ୍ୟାୟରେ ଶହେଟି ଆସନ ପାଇଁ ପାର୍ଥି ଘୋଷଣା କରିପାରେ ବିଜେଡି। 

ସେପଟେ ରାଜ୍ୟ ବିଜେପି କାର୍ଯ୍ୟାଳୟରେ ବସିଥିବା ଦୁଇ ଦୁଇଟି ଗୁରୁତ୍ବପୂର୍ଣ୍ଣ ବୈଠକରେ ମାନସମନ୍ଥନ ହୋଇଛି । ରାଜ୍ୟ ବିଜେପି ପ୍ରାର୍ଥୀ ତାଲିକା ପ୍ରସ୍ତୁତ କରିଛି । ସମ୍ଭାବ୍ୟ ପ୍ରାର୍ଥୀ ତାଲିକାକୁ ସର୍ଟ ଲିଷ୍ଟ କରାଯାଇଛି । ଆଉ ଚୂଡ଼ାନ୍ତ ପ୍ରାର୍ଥୀ ତାଲିକାରେ କେନ୍ଦ୍ରୀୟ ନେତା ମୋହର ମାରିବେ ପଦାଧିକାରୀ । ସେହିପରି ୧୯ ତାରିଖରେ ଦିଲ୍ଲୀରେ କଂଗ୍ରେସର ସ୍କ୍ରିନିଂ କମିଟି ବୈଠକ ବସିବ । ପ୍ରଥମ ପର୍ଯ୍ୟାୟରେ ୩୨ ବିଧାନସଭା ଏବଂ ୧୦ ଲୋକସଭା ପାର୍ଥିଙ୍କ ନାମ ସିଇସିକୁ କଂଗ୍ରେସ ପଠାଇବ ବୋଲି ଜଣା ପଡ଼ିଛି ।