ଅବରିନ୍ଦ କେଜରିୱାଲଙ୍କୁ ପୁଣି ଝଟକା

ନୂଆଦିଲ୍ଲୀ : ଦିଲ୍ଲୀ ମଦ ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅବରିନ୍ଦ କେଜରିୱାଲଙ୍କୁ ପୁଣି ଝଟକା। ଇଡିର ଗିରଫକୁ ଚ୍ଯାଲେଂଜ କରି କେଜରିୱାଲ କରିଥିବା ମାମଲା ଦିଲ୍ଲୀ ହାଇକୋର୍ଟରେ ଖାରଜ ପରେ ତୁରନ୍ତ ଶୁଣାଣି କରିବାକୁ ମନା କଲେ ସୁପ୍ରିମକୋର୍ଟ। ମାମଲାର ଶୁଣାଣି କରିବାକୁ ସ୍ଵତନ୍ତ୍ର ଖଣ୍ଡପୀଠ ଗଠନ କରିବେନି ସର୍ବୋଚ୍ଚ ନ୍ୟାୟାଳୟ। ଆସନ୍ତା ସୋମବାର ଦିନ ଏହି ମାମଲାରେ ଶୁଣାଣି ହେବ। କେଜରିୱାଲଙ୍କୁ ଗିରଫ ଏବଂ ରିମାଣ୍ଡରେ ନେବା ନେଇ ଘଟଣାକୁ ହାଇକୋର୍ଟରେ ଚ୍ଯାଲେଂଜ କରିଥିଲେ କେଜରିୱାଲ। ତେବେ ଇଡି  କରିଥିବା ଗିରଫକୁ ସଠିକ ଦର୍ଶାଇଛନ୍ତି ହାଇକୋର୍ଟ। ହାଇକୋର୍ଟଙ୍କ ଏହି ନିର୍ଦ୍ଦେଶକୁ ନେଇ ସୁପ୍ରିମକୋର୍ଟଙ୍କ ଦ୍ଵାରସ୍ଥ ହୋଇଛନ୍ତି କେଜରିୱାଲ।

ଏହି ମାମଲାରେ ତୁରନ୍ତ ଶୁଣାଣି କରିବାକୁ ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୁଡଙ୍କ ସାମନାରେ ଦାବି କରିଥିଲେ କେଜରିୱାଲଙ୍କ ଓକିଲ ଅଭିଷେକ ମନୁ ସିଂହଭି। ତୁରନ୍ତ ଖଣ୍ଡପୀଠ ଗଠନ କରି ଶୁଣାଣି କରିବାକୁ ଦାବି କରିଥିଲେ। ତେବେ ଇଡିର ଏହି ମାମଲାରେ ଶୁଣାଣି ଲାଗି ସାଧାରଣ ଜନତାଙ୍କ ପାଇଁ ଗୋଟିଏ ଏବଂ ମୁଖ୍ୟମନ୍ତ୍ରୀଙ୍କ ପାଇଁ ଅଲଗା ବ୍ୟବସ୍ଥା ନାହିଁ। ଦିଲ୍ଲୀ ମଦ ନୀଦୀ ମାମଲାରେ ଗତ ମାର୍ଚ୍ଚ ୨୧ରେ ମୁଖ୍ୟମନ୍ତ୍ରୀ କେଜରିୱାଲଙ୍କୁ ଗିରଫ କରିଥିଲା ଇଡି। ରିମାଣ୍ଡରେ ନେଇ କେଜରିୱାଲଙ୍କୁ ପଚରାଉଚରା କରିଛି ଇଡି।

The post ଅବରିନ୍ଦ କେଜରିୱାଲଙ୍କୁ ପୁଣି ଝଟକା appeared first on .