ଅବସର ନେଲେ ଟେନିସ୍ ତାରକା ରୋହନ ବୋପନ୍ନା, ପ୍ୟାରିସ୍ ଅଲିମ୍ପିକ୍ସରେ ଖେଳିଲେ ଶେଷ ମ୍ୟାଚ୍

ନୂଆଦିଲ୍ଲୀ ୩୦/୦୭: ଭାରତୀୟ ଟେନିସ୍ ତାରକା ରୋହନ ବୋପନ୍ନା ଅନ୍ତର୍ଜାତୀୟ ଟେନିସରୁ ଅବସର ଘୋଷଣା କରିଛନ୍ତି । ବୋପନ୍ନା ୨୨ ବର୍ଷ ଧରି ଆନ୍ତର୍ଜାତୀୟ ଟେନିସରେ ଭାରତର ପ୍ରତିନିଧିତ୍ୱ କରିଥିଲେ । କିନ୍ତୁ ବର୍ତ୍ତମାନ ସେ ତାଙ୍କର ଐତିହାସିକ କ୍ୟାରିଅରକୁ ସମାପ୍ତ କରିଛନ୍ତି । 

ପ୍ୟାରିସ୍ ଅଲିମ୍ପିକ୍ସ ୨୦୨୪ ରେ ତାଙ୍କର ଯାତ୍ରା କିଛି ବିଶେଷ ନଥିଲା । ସେ ତାଙ୍କର ପ୍ରଥମ ମ୍ୟାଚ୍ ହାରିଯିବା ପରେ ଆଉଟ୍ ହୋଇଥିଲେ । ପୁରୁଷ ଡବଲ୍ସ ପ୍ରତିଯୋଗିତାରେ ବୋପନ୍ନା ଏବଂ ଏନ ଶ୍ରୀରାମ ବାଲାଜୀ ହାରି ଯାଇଥିଲେ। ପ୍ରଥମ ମ୍ୟାଚରେ ୭-୫,୬-୨ ପରାଜୟର ସମ୍ମୁଖୀନ ହୋଇଥିଲେ ।  

୨୦୨୬ ଏସିଆନ୍ ଗେମ୍ସରୁ ନିଜକୁ ନିଜେ ବାହର କରି ବୋପନ୍ନା କହିଛନ୍ତି, 'ଦେଶ ପାଇଁ ଏହା ନିଶ୍ଚିତ ଭାବେ ମୋର ଶେଷ ଟୁର୍ଣ୍ଣାମେଣ୍ଟ ଥିଲା । ମୁଁ ଯେଉଁ ପରିସ୍ଥିତିରେ ଅଛି, ତାହା ମୁଁ ସମ୍ପୂର୍ଣ୍ଣ ଭାବେ ବୁଝିପାରୁଛି । ବର୍ତ୍ତମାନ ମୁଁ ଯେତେବେଳେ ଖେଳିବି ଟେନିସ୍ ଉପଭୋଗ କରିବି । ଯେଉଁଠାରେ ମୁଁ ମୋ ପାଇଁ ଏକ ବଡ଼ ସଫଳତା । ମୁଁ କେବେ ଭାବି ନଥିଲି ଯେ ମୁଁ ୨୦ ବର୍ଷରୁ ଅଧିକ ସମୟ ପାଇଁ ଭାରତକୁ ଏକ ଉଚ୍ଚ ସ୍ତରରେ ପ୍ରତିନିଧିତ୍ୱ କରିବି । 

୨୦୨୨ରେ ମୋର ଡେବ୍ୟୁ ଏବଂ ଆଜି ମଧ୍ୟ, ୨୨ ବର୍ଷ ପରେ, ମୁଁ ଅଲିମ୍ପିକ୍ସରେ ମୋ ଦେଶର ପ୍ରତିନିଧୀ ହୋଇସାରିଛି । ଐତିହାସିକ କ୍ୟାରିୟର ପାଇଁ ମୁଁ ବହୁତ ଗର୍ବୀତ । ରୋହନ ବୋପନ୍ନା ତାଙ୍କ କ୍ୟାରିଅର୍ ସମୟରେ ଅନେକ ବଡ ଟୁର୍ଣ୍ଣାମେଣ୍ଟ ଜିତିଥିଲେ । ଏହା ତାଙ୍କର ତୃତୀୟ ଅଲିମ୍ପିକ୍ସ ଥିଲା । ଏହାପୂର୍ବରୁ ସେ ୨୦୧୬ରେ ଅଲିମ୍ପିକ୍ ପଦକ ଜିତିବାକୁ ବଞ୍ଚିତ ହୋଇଥିଲେ । ତା’ପରେ ମିଶ୍ରିତ ଇଭେଣ୍ଟରେ ତାଙ୍କ ଏବଂ ସାନିଆ ମିର୍ଜାଙ୍କ ଯୋଡି ଚତୁର୍ଥ ସ୍ଥାନରେ ଥିଲେ । 

୨୦୨୪ବର୍ଷ ତାଙ୍କ ପାଇଁ ଅତ୍ୟନ୍ତ ଚମତ୍କାର ଥିଲା । ଚଳିତ ବର୍ଷ ଜାନୁଆରୀରେ, ସେ ଏଟିପି ର଼୍ୟାଙ୍କିଙ୍ଗରେ ଡବଲ୍ସରେ ପ୍ରଥମ ସ୍ଥାନ ହାସଲ କରିବାରେ ସଫଳ ହୋଇଥିଲେ ଏବଂ ଏଠାରେ ପହଞ୍ଚିବା ପାଇଁ ବୋପାନ୍ନା ହେଉଛନ୍ତି ସର୍ବ ପୁରାତନ ଖେଳାଳି । ବୋପନ୍ନାଙ୍କ ନାମରେ ମଧ୍ୟ ଦୁଇଟି ଗ୍ରାଣ୍ଡସ୍ଲାମ ଟାଇଟଲ୍ ଅଛି । ୨୦୧୭ରେ, ସେ କାନାଡାର ଗାବ୍ରିଏଲ୍ ଡାବ୍ରୋସ୍କିଙ୍କ ସହିତ ଫ୍ରେଞ୍ଚ ଓପନ୍ ଟାଇଟଲ୍ ଜିତିଥିଲେ । 

ଏହା ପରେ, ସେହି ବର୍ଷ ସେ ଅଷ୍ଟ୍ରେଲିଆ ଓପନରେ ପୁରୁଷ ଡବଲ୍ସରେ ତାଙ୍କର ଦ୍ୱିତୀୟ ଗ୍ରାଣ୍ଡସ୍ଲାମ ଜିତିଥିଲେ । ତା’ପରେ ବୋପାନା, ଅଷ୍ଟ୍ରେଲିଆର ମାଥ୍ୟୁ ଏବଡନ୍‌ଙ୍କ ସହ ଫାଇନାଲରେ ଇଟାଲୀର ସିମୋନ୍ ବୋଲେଲି-ଆଣ୍ଡ୍ରେସ୍ ଭାଭାସନ୍ ଯୋଡିଙ୍କୁ ପରାସ୍ତ କଲେ । ୨୦୧୦ରେ ବ୍ରାଜିଲ ବିପକ୍ଷରେ ପଞ୍ଚମ ଡେଭିସ୍ କପ୍ ମ୍ୟାଚ୍ ଜାତୀୟ ଦଳ ପାଇଁ ତାଙ୍କର ସ୍ମରଣୀୟ ମ୍ୟାଚ୍ ବୋଲି ବର୍ଣ୍ଣନା କରିଥିଲେ । 

ସେ କହିଛନ୍ତି, 'ଏହା ନିଶ୍ଚିତ ଭାବରେ ମୋର ସର୍ବୋତ୍ତମ ମୁହୂର୍ତ୍ତ, ଏଥିରେ କୌଣସି ସନ୍ଦେହ ନାହିଁ ଯେ ଚେନ୍ନାଇରେ ସେହି ମୁହୂର୍ତ୍ତ ଏବଂ ପରେ ବାଙ୍ଗାଲୋରରେ ସର୍ବିଆ ବିପକ୍ଷ ମ୍ୟାଚକୁ ପାଞ୍ଚ ସେଟରେ ଜିତିବା ମଧ୍ୟ ଏକ ସ୍ମରଣୀୟ ଘଟଣା ଥିଲା । ସେହି ସମୟରେ ଦଳର ପରିବେଶ ବହୁତ ଭଲ ଥିଲା । 

ଲିଆଣ୍ଡର ପେସଙ୍କ ସହ ଖେଳିବା, ଅଧିନାୟକ ଭାବରେ ମହେଶ ଭୁପତିଙ୍କ ସହ ଖେଳିବା ଏକ ଆଶ୍ଚର୍ଯ୍ୟଜନକ ଅନୁଭୂତି ଥିଲା । ସେହି ସମୟରେ, ସେମଦେବ ଦେବଭର୍ମାନ ଏବଂ ମୁଁ ଏକକ ଖେଳୁଥିଲୁ ଏବଂ ଆମେ ସମସ୍ତେ ହୃଦୟ ସହିତ ପ୍ରତିଦ୍ୱନ୍ଦ୍ୱିତା କରିଥିଲୁ, ଏହା ଅବିଶ୍ୱସନୀୟ ଥିଲା ।