ଅଷ୍ଟ୍ରେଲିଆ ମାଟିରେ ବଡ଼ ରେକର୍ଡ କଲେ ଜସପ୍ରୀତ ବୁମ୍ରା
ପର୍ଥ,୨୩।୧୧: ପର୍ଥରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ ଖେଳାଯାଉଛି। ଟସ ଜିତି ପ୍ରଥମେ ବ୍ୟାଟିଂ କରି ଭାରତୀୟ ଦଳ ୧୫୦ ରନରେ ଅଲଆଉଟ ହେବା ପରେ ଅଷ୍ଟ୍ରେଲିଆ ଦଳ ଏହାର ପ୍ରଥମ ଇନିଂସରେ ୧୦୪ ରନ୍ରେ ଅଲଆଉଟ୍ ହୋଇଛି। ଫଳରେ ଭାରତ ପ୍ରଥମ ଦିନରେ ୪୬ ରନ୍ରେ ଆଗୁଆ ରହିଛି। ମ୍ୟାଚ୍ରେ ଜସପ୍ରୀତ ବୁମ୍ରା ୫ ଉଇକେଟ୍ ନେଇ ଏକ ରେକର୍ଡ କରିଛନ୍ତି। ବୁମ୍ରା ଏପର୍ଯ୍ୟନ୍ତ ନାଥନ […] The post ଅଷ୍ଟ୍ରେଲିଆ ମାଟିରେ ବଡ଼ ରେକର୍ଡ କଲେ ଜସପ୍ରୀତ ବୁମ୍ରା appeared first on Dharitri Odia News.
ପର୍ଥ,୨୩।୧୧: ପର୍ଥରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ ଖେଳାଯାଉଛି। ଟସ ଜିତି ପ୍ରଥମେ ବ୍ୟାଟିଂ କରି ଭାରତୀୟ ଦଳ ୧୫୦ ରନରେ ଅଲଆଉଟ ହେବା ପରେ ଅଷ୍ଟ୍ରେଲିଆ ଦଳ ଏହାର ପ୍ରଥମ ଇନିଂସରେ ୧୦୪ ରନ୍ରେ ଅଲଆଉଟ୍ ହୋଇଛି। ଫଳରେ ଭାରତ ପ୍ରଥମ ଦିନରେ ୪୬ ରନ୍ରେ ଆଗୁଆ ରହିଛି। ମ୍ୟାଚ୍ରେ ଜସପ୍ରୀତ ବୁମ୍ରା ୫ ଉଇକେଟ୍ ନେଇ ଏକ ରେକର୍ଡ କରିଛନ୍ତି।
ବୁମ୍ରା ଏପର୍ଯ୍ୟନ୍ତ ନାଥନ ମ୍ୟାକସ୍ବେନି, ଉସମାନ ଖ୍ବାଜା, ଷ୍ଟିଭ ସ୍ମିଥ, ପ୍ୟାଟ କମିନ୍ସ ଏବଂ ଆଲେକ୍ସ କେରିଙ୍କୁ ଆଉଟ୍ କରିଛନ୍ତି। ସେ ଅଷ୍ଟ୍ରେଲିଆ ମାଟିରେ ଏପର୍ଯ୍ୟନ୍ତ ୩୭ ଉଇକେଟ ନେଇଛନ୍ତି। ଏଥିମଧ୍ୟରେ ଦୁଇଟି ପାଞ୍ଚ ଉଇକେଟ ସାମିଳ ଅଛି। ଏହି ମ୍ୟାଚ ପୂର୍ବରୁ ବୁମରା ୨୦୧୮-୧୯ରେ ମେଲବୋର୍ନରେ ୩୩ ରନ ଦେଇ ୬ଟି ଉଇକେଟ ନେଇଥିଲେ। ଅଷ୍ଟ୍ରେଲିଆରେ ଜଣେ ଭାରତୀୟ ବୋଲରଙ୍କ ଦ୍ୱାରା ଶ୍ରେଷ୍ଠ ବୋଲିଂର ରେକର୍ଡ କପିଲ ଦେବଙ୍କ ନାମରେ ରହିଛି। ସେ ୧୦୬ ରନ ଦେଇ ୮ଟି ଉଇକେଟ ନେଇଥିଲେ। ଏଥିସହିତ କୁମ୍ବଲେ ୧୪୧ ରନ ଦେଇ ୮ଟି ଉଇକେଟ ନେଇ ତାଲିକାରେ ଦ୍ୱିତୀୟ ସ୍ଥାନରେ ରହିଛନ୍ତି। ଅଷ୍ଟ୍ରେଲୀୟ ମାଟିରେ ସର୍ବାଧିକ ଉଇକେଟ ନେଇଥିବା ଭାରତୀୟ ହେଉଛନ୍ତି କପିଲ ଦେବ। ସେ ୫୧ ଉଇକେଟ ନେଇଥିବାବେଳେ କୁମ୍ବଲେ ୪୯ ଉଇକେଟ ନେଇ ଦ୍ୱିତୀୟ ସ୍ଥାନରେ ଅଛନ୍ତି। ଅଶ୍ୱିନ ୩୯ ଉଇକେଟ ନେଇ ତୃତୀୟ ସ୍ଥାନରେ ଅଛନ୍ତି। ବୁମ୍ରାଙ୍କୁ ଏହି ଗସ୍ତରେ ସମସ୍ତଙ୍କୁ ପଛରେ ପକାଇବାର ଏକ ସୁଯୋଗ ଅଛି।
ବୁମରା ମଧ୍ୟ ପର୍ଥ ଟେଷ୍ଟରେ ଟିମ ଇଣ୍ଡିଆର ଅଧିନାୟକ ଅଟନ୍ତି। ବିଦେଶରେ ଚାଲିଥିବା ଟେଷ୍ଟରେ ଜଣେ ଭାରତୀୟ ବୋଲରଙ୍କ ଦ୍ୱାରା ତାଙ୍କର ଦ୍ୱିତୀୟ ଶ୍ରେଷ୍ଠ ବୋଲିଂ ହୋଇଛି। କପିଲ ଦେବ ଏହି ତାଲିକାର ଶୀର୍ଷରେ ଅଛନ୍ତି। ସେ ବିଦେଶରେ ହୋଇଥିବା ଟେଷ୍ଟରେ ୧୦୬ ରନ ଦେଇ ୮ଟି ଉଇକେଟ ନେଇଥିଲେ।
The post ଅଷ୍ଟ୍ରେଲିଆ ମାଟିରେ ବଡ଼ ରେକର୍ଡ କଲେ ଜସପ୍ରୀତ ବୁମ୍ରା appeared first on Dharitri Odia News.
