ଅଷ୍ଟ୍ରେଲିଆରେ ୧୬ବୟସରୁ କମ ବର୍ଷର ପିଲା ବ୍ୟବହାର କରିପାରିବେନି ସୋସିଆଲ ମିଡ଼ିଆ, ଖୁବ ଶୀଘ୍ର ଲାଗୁହେବ ନିୟମ

ସୋସିଆଲ ମିଡିଆର ବ୍ୟବହାର ବହୁଳ ମାତ୍ରାରେ ଦେଖିବାକୁ ମିଳୁଛି । ସେ ଛୋଟ ପିଲା ହୁଅନ୍ତୁ କି ବୟସ୍କ ବକ୍ତି । ସମସ୍ତେ ଏହି ସୋସିଆଲ ମିଡିଆ ପ୍ରେମରେ ବାୟା । ତେବେ ୧୬ ବର୍ଷରୁ କମ ବୟସର ପିଲାମାନେ ଏହାକୁ ବ୍ୟବହାର କରିପାରିବେ ନାହିଁ । ସେମାନଙ୍କର କିଛି ଆକାଉଣ୍ଟ ରହିବନାହିଁ । ଅଷ୍ଟ୍ରେଲିଆ ସରକାର ଏହାକୁ ରୋକ ଲଗାଇଛନ୍ତି । ଅତିଶୀଘ୍ର ଏହି ନିୟମ ଲାଗୁହେବ । ଯେଉଁମାନେ ଏହାକୁ ଅଣଦେଖା ବା ନିୟମ ମାନିବେ ନାହିଁ ସେମାନଙ୍କ ଉପରେ କଠୋର କାର୍ଯ୍ୟାନୁଷ୍ଠାନ କରାଯିବ । ତେବେ ପ୍ରଧାନମନ୍ତ୍ରୀ ଏନଥୋନି ଏକ ପ୍ରେସମିଟରେ କହିଛନ୍ତି କି ଏହାକୁ ବ୍ୟବହାର କରିବା ଦ୍ଵାରା ଛୋଟ ପିଲାଙ୍କ ମାନସୀକ ଓ ଶାରିରୀକ ଉପରେ ଏହାର ପ୍ରଭାବ ପକାଇଥାଏ । ପରିବାର ଲୋକେ ପିଲାଙ୍କ ସୁରକ୍ଷାକୁ ନେଇ ଚିନ୍ତା ପ୍ରକଟ କରିଛନ୍ତି ।

ତେବେ ଅଷ୍ଚେଲିଆ ସରକାରଙ୍କ ଏହି ନିଷ୍ପତିକୁ ଚାରିଆଡେ ପ୍ରଶଂସା କରାଯାଉଛି । ବର୍ତମାନ ସମୟରେ ସୋସିଆଲ ମିଡିଆ ପବନ ଓ ପାଣି ଠାରୁ ଅଧିକ ଆବଶ୍ୟକ ହୋଇପଡିଛି । ତେଣୁ ପିଲାମାନେ ଏଥିରୁ କିଭଳି ରକ୍ଷା ପାଇବେ ଓ କିଭଳି ଦୁରେଇ ରହିବେ ସେଥିପାଇଁ ଏହି ପଦକ୍ଷେପ ନିଆଯାଇଛି । ୧୬ ବର୍ଷରୁ କମ୍ ବୟସର ଛୁଆଙ୍କୁ ସୋସିଆଲ ମିଡିଆ ବ୍ୟାନ ଉପରେ ଚଳିତ ବର୍ଷ ସଂସଦରେ ଏହି ପ୍ରସଙ୍ଗ ଉଠିବ । ନିୟମ ପ୍ରସ୍ତୁତ ୧ବର୍ଷ ପରେ ଏହାକୁ ଲାଗୁ କରାଯିବ । ବାପା ମାଆଙ୍କ ଅନୁମତି ପରେ ମଧ୍ୟ ପିଲାମାନେ ସୋସିଆଲ ମିଡିଆ ବ୍ୟବହାର କରିପାରିବେ ନାହିଁ ନିୟମ କରାଯିବ । ଅନେକ ଦେଶରେ ସୋସିଆଲ ମିଡିଆର ବ୍ୟବହାର ବୃଦ୍ଧି ପାଇବା କାରଣରୁ ଛୁଆଙ୍କ ଉପରେ କୁପ୍ରଭାବ ବୃଦ୍ଧି ପାଇବାରେ ଲାଗିଛି ।

ଏକ ରିପୋର୍ଟ ଅନୁସାରେ ଅଷ୍ଟ୍ରେଲିଆରେ ଲୋକେ ୧ ଘଣ୍ଟା ୫୧ ମିନିଟ ସମୟ ବିତାଉଥିବା ବେଳେ ଭାରତରେ ପ୍ରତିଦିନ ୧୯୪ ମିନିଟ ସମୟ ସୋସିଆଲ ମିଡିଆକୁ ଦେଇଥାନ୍ତି । ସୋସିଆଲ ମିଡିଆ ପିଲାଙ୍କ ପାଇଁ ବରଦାନ ଓ ଅଭିଶାପ ହୋଇପାରେ । ଯେତେବେଳେ ଆମେ ସମସ୍ତେ ସୋସିଅଲ ମିଡିଆରେ ଦରକାର ଠାରୁ ଅଧିକ ସମୟ ଦେଇଥାଇ ତେବେ ଏହା ଆମ ଉପରେ ମଧ୍ୟ ପ୍ରଭାବ ପକାଇଥାଏ ତେବେ ଚିନ୍ତା କରନ୍ତୁ ଛୋଟ ପିଲାଙ୍କ ଉପରେ ଏହାର ପ୍ରଭାବ କେତେ ଅଧିକା ପଡୁ ନଥିବ । ପିଲାମାନଙ୍କ ମାନସୀକ ସ୍ୱାସ୍ଥ୍ୟ ସେମାନଙ୍କ ଜୀବନର ମୂଳଦୂଆ ଅଟେ । ସୋସିଅଲ ମିଡିଆର ପ୍ରଭାବରେ ସୁରକ୍ଷା,ଚିନ୍ତା, ଓ ଅବସାଦ ଆସିବା ଏକ ସାଧାରଣ କଥା । ଏହାକୁ ବାରଣ କରିବା ଦ୍ବାରା ସେମାନେ ସୁରକ୍ଷିତ ରହିପାରିବେ ।

The post ଅଷ୍ଟ୍ରେଲିଆରେ ୧୬ବୟସରୁ କମ ବର୍ଷର ପିଲା ବ୍ୟବହାର କରିପାରିବେନି ସୋସିଆଲ ମିଡ଼ିଆ, ଖୁବ ଶୀଘ୍ର ଲାଗୁହେବ ନିୟମ appeared first on KNews Odisha.