ଆଉ ଏକ କଠୋର କାର୍ଯ୍ୟାନୁଷ୍ଠାନ ନେଲା ଭାରତ, ଏବେ ପାକିସ୍ତାନ ସରକାରଙ୍କ…

ନୂଆଦିଲ୍ଲୀ,୨୪।୪: ପହଲଗାମ ଆକ୍ରମଣ ପରେ ଭାରତ ସରକାର ଆଉ ଏକ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଏବେ ପାକିସ୍ତାନ ସରକାରଙ୍କ ସୋସିଆଲ ମିଡିଆ ପ୍ଲାଟଫର୍ମର X ହ୍ୟାଣ୍ଡେଲ ଭାରତରେ ଦେଖାଯିବ ନାହିଁ। କାରଣ ଏହି ସରକାରୀ ଆକାଉଣ୍ଟଟିକୁ ବ୍ୟାନ୍‌ କରାଯାଇଛି।

ସୂଚନାଯୋଗ୍ୟ, ଏପ୍ରିଲ ୨୨ ମଙ୍ଗଳବାର ଅପରାହ୍ନରେ କିଛି ଆତଙ୍କବାଦୀ ଭାରତର ସ୍ବିଜରଲ୍ୟାଣ୍ଡ କୁହାଯାଉଥିବା ବୈସାରନରେ ପର୍ଯ୍ୟଟକଙ୍କ ଉପରେ ଆକ୍ରମଣ କରିଥିଲେ। ପହଲଗାମରୁ ଅଳ୍ପ ଦୂରରେ ଅବସ୍ଥିତ ବୈସାରନରେ, ଆତଙ୍କବାଦୀମାନେ ପର୍ଯ୍ୟଟକଙ୍କ ନାମ ଏବଂ ଧର୍ମ ପଚାରିବା ପରେ ସେମାନଙ୍କୁ ଗୁଳି କରିଥିଲେ। ଏହି ଆତଙ୍କବାଦୀ ଆକ୍ରମଣରେ ୨୭ ଜଣ ପର୍ଯ୍ୟଟକଙ୍କ ମୃତ୍ୟୁ ହୋଇଥିଲା। ଏହି ଆକ୍ରମଣରେ ୩ ଜଣ ଆତଙ୍କବାଦୀ ପାକିସ୍ତାନୀ ଥିବାର ପ୍ରମାଣ ଅଛି। ଏହି ସମୟରେ, ସରକାର ପାକିସ୍ତାନ ବିରୋଧରେ କଠୋର ନିଷ୍ପତ୍ତି ନେବା ଆରମ୍ଭ କରିଛନ୍ତି। ସରକାର ସିନ୍ଧୁ ଜଳ ଚୁକ୍ତିନାମାକୁ ମଧ୍ୟ ବର୍ତ୍ତମାନ ପାଇଁ ବନ୍ଦ କରିଦେଇଛନ୍ତି। ଗତକାଲି ସାରେ ପ୍ରଧାନମନ୍ତ୍ରୀ ମୋଦିଙ୍କ ଅଧ୍ୟକ୍ଷତାରେ ସୁରକ୍ଷା ସମ୍ପର୍କିତ କ୍ୟାବିନେଟ କମିଟି ଏହି ନିଷ୍ପତ୍ତି ନେଇଛି।

ଏବେ ପାକିସ୍ତାନ ସରକାରଙ୍କ ସରକାରୀ X ହ୍ୟାଣ୍ଡେଲକୁ ବନ୍ଦ କରିଦିଆଯାଇଛି। କେବଳ ଏତିକି ନୁହେଁ, ପାକିସ୍ତାନୀ ଦୂତାବାସରେ ଥିବା ଭାରତୀୟ ପରାମର୍ଶଦାତାମାନଙ୍କୁ ମଧ୍ୟ ତୁରନ୍ତ ପ୍ରଭାବରୁ ବହିଷ୍କାର କରାଯାଇଛି।

The post ଆଉ ଏକ କଠୋର କାର୍ଯ୍ୟାନୁଷ୍ଠାନ ନେଲା ଭାରତ, ଏବେ ପାକିସ୍ତାନ ସରକାରଙ୍କ… appeared first on Dharitri Odia News.