ଆଗକୁ ତାତି ଆହୁରି ସାଙ୍ଘାତିକ, ୩ରୁ ୪ ଦିନରେ ତାତି ୪୩ ଛୁଇଁବ
ଭୁବନେଶ୍ୱର ୩୧।୦୩: ବଢ଼ୁଛି ସୂର୍ଯ୍ୟ ଦେବଙ୍କ ପ୍ରକୋପ । ମାଲକାନଗିରିରେ ଶନିବାର ୪୧ଡିଗ୍ରୀ ଛୁଇଁଛି ତାତି । ବୌଦ୍ଧ, ଟିଟିଲାଗଡ଼, ବଲାଙ୍ଗୀର ଓ ନୟାଗଡ଼ରେ ୪୦ଡିଗ୍ରୀ ଟପି ଯାଇଛି। ଦିନ ୧୧ଟାରୁ ପ୍ରଚଣ୍ଡ ତାତି ଓ ଭୀଷଣ ଗୁଳୁଗୁଳି ଜନଜୀବନକୁ ଅସ୍ତବ୍ୟସ୍ତ କରିଛି । ଆଗକୁ ତାତି ଆହୁରି ସାଙ୍ଘାତିକ ହେବ । ୩ରୁ ୪ ଦିନରେ ତାତି ୪୩ ଛୁଇଁବ । ଆକାଶରୁ ନିଆଁ ବର୍ଷିବ । ଉପକୂଳ ଠୁ ପଶ୍ଚିମ, ଦକ୍ଷିଣ ଓ ଆଭ୍ୟନ୍ତରୀଣ- ସାରାଓଡ଼ିଶା ଜଳିବ । ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର କହୁଛି, ଏପ୍ରିଲ ୨ ତାରିଖରେ ବୌଦ୍ଧରେ ତାତି ୪୩ ଡିଗ୍ରୀ ଛୁଇଁପାରେ । ୩ରେ ସୋନପୁର, ବଲାଙ୍ଗୀରରେ ତାପମାତ୍ରା ୪୩ ଡିଗ୍ରୀ ଛୁଇଁପାରେ ବୋଲି ପାଣିପାଗ କେନ୍ଦ୍ର ସତର୍କ କରାଇଛି । ରବିବାର ବୌଦ୍ଧ, ନୟାଗଡ଼, ବଲାଙ୍ଗୀର ଓ ପାରଳାଖେମୁଣ୍ଡିରେ ତାତି ୪୧ ଡିଗ୍ରୀ ଛୁଇଁପାରେ । ସୋମବାର ଅନୁଗୁଳ, ସୋନପୁର, ସୁନ୍ଦରଗଡ଼, ବଲାଙ୍ଗୀର, ନୟାଗଡ଼, ରାୟଗଡ଼ା, ପାରଳାଖେମୁଣ୍ଡି ଓ ନବରଙ୍ଗପୁରରେ ତାପମାତ୍ରା ୪୧ ଡିଗ୍ରୀ ଛୁଇଁପାରେ । ତେବେ ରାଜ୍ୟରେ ଗ୍ରୀଷ୍ମପ୍ରବାହ ବଢ଼ୁଥିବାରୁ ଏଣିକି ସକାଳ ୭ଟାରୁ ସାଢ଼େ ୧୧ଟା ପର୍ଯ୍ୟନ୍ତ ସ୍କୁଲ୍ରେ ପାଠପଢ଼ା ହେବ । ପ୍ରଥମରୁ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ସରକାର ଏଭଳି ନିଷ୍ପତ୍ତି ହୋଇଛି । ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଏହି ବିଜ୍ଞପ୍ତି ପ୍ରକାଶ ପାଇଛି । ସମସ୍ତ ସରକାରୀ, ବେସରକାରୀ ଅନୁଦାନପ
ଭୁବନେଶ୍ୱର ୩୧।୦୩: ବଢ଼ୁଛି ସୂର୍ଯ୍ୟ ଦେବଙ୍କ ପ୍ରକୋପ । ମାଲକାନଗିରିରେ ଶନିବାର ୪୧ଡିଗ୍ରୀ ଛୁଇଁଛି ତାତି । ବୌଦ୍ଧ, ଟିଟିଲାଗଡ଼, ବଲାଙ୍ଗୀର ଓ ନୟାଗଡ଼ରେ ୪୦ଡିଗ୍ରୀ ଟପି ଯାଇଛି। ଦିନ ୧୧ଟାରୁ ପ୍ରଚଣ୍ଡ ତାତି ଓ ଭୀଷଣ ଗୁଳୁଗୁଳି ଜନଜୀବନକୁ ଅସ୍ତବ୍ୟସ୍ତ କରିଛି । ଆଗକୁ ତାତି ଆହୁରି ସାଙ୍ଘାତିକ ହେବ । ୩ରୁ ୪ ଦିନରେ ତାତି ୪୩ ଛୁଇଁବ । ଆକାଶରୁ ନିଆଁ ବର୍ଷିବ । ଉପକୂଳ ଠୁ ପଶ୍ଚିମ, ଦକ୍ଷିଣ ଓ ଆଭ୍ୟନ୍ତରୀଣ- ସାରାଓଡ଼ିଶା ଜଳିବ ।
ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର କହୁଛି, ଏପ୍ରିଲ ୨ ତାରିଖରେ ବୌଦ୍ଧରେ ତାତି ୪୩ ଡିଗ୍ରୀ ଛୁଇଁପାରେ । ୩ରେ ସୋନପୁର, ବଲାଙ୍ଗୀରରେ ତାପମାତ୍ରା ୪୩ ଡିଗ୍ରୀ ଛୁଇଁପାରେ ବୋଲି ପାଣିପାଗ କେନ୍ଦ୍ର ସତର୍କ କରାଇଛି । ରବିବାର ବୌଦ୍ଧ, ନୟାଗଡ଼, ବଲାଙ୍ଗୀର ଓ ପାରଳାଖେମୁଣ୍ଡିରେ ତାତି ୪୧ ଡିଗ୍ରୀ ଛୁଇଁପାରେ । ସୋମବାର ଅନୁଗୁଳ, ସୋନପୁର, ସୁନ୍ଦରଗଡ଼, ବଲାଙ୍ଗୀର, ନୟାଗଡ଼, ରାୟଗଡ଼ା, ପାରଳାଖେମୁଣ୍ଡି ଓ ନବରଙ୍ଗପୁରରେ ତାପମାତ୍ରା ୪୧ ଡିଗ୍ରୀ ଛୁଇଁପାରେ ।
ତେବେ ରାଜ୍ୟରେ ଗ୍ରୀଷ୍ମପ୍ରବାହ ବଢ଼ୁଥିବାରୁ ଏଣିକି ସକାଳ ୭ଟାରୁ ସାଢ଼େ ୧୧ଟା ପର୍ଯ୍ୟନ୍ତ ସ୍କୁଲ୍ରେ ପାଠପଢ଼ା ହେବ । ପ୍ରଥମରୁ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ସରକାର ଏଭଳି ନିଷ୍ପତ୍ତି ହୋଇଛି । ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଏହି ବିଜ୍ଞପ୍ତି ପ୍ରକାଶ ପାଇଛି । ସମସ୍ତ ସରକାରୀ, ବେସରକାରୀ ଅନୁଦାନପ୍ରାପ୍ତ ଏବଂ ଘରୋଇ ସ୍କୁଲ୍ଗୁଡ଼ିକ ସକାଳୁଆ ସ୍କୁଲ୍ ଖୋଲିବାକୁ ନିର୍ଦ୍ଦେଶ ଦିଆଯାଇଛି । ସ୍କୁଲ୍ରେ ପିଇବା ପାଣି, ଓଆର୍ଏସ୍ ପ୍ୟାକେଟ୍ ମହଜୁଦ ରଖିବାକୁ କୁହାଯାଇଛି । ଜିଲ୍ଲାପାଳମାନେ ନିଜ ଅଞ୍ଚଳର ଖରା ଓ ତାତିକୁ ଦେଖି ସ୍କୁଲ୍ ଖୋଲିବା ଓ ବନ୍ଦ କରିବାସମୟ ପରିବର୍ତ୍ତନ କରିପାରିବେ ବୋଲି ବିଜ୍ଞପ୍ତିରେ କୁହାଯାଇଛି ।
ଆଗକୁ ତାପମାତ୍ରା ବଢ଼ିବାର ଆଶଙ୍କା ଥିବାରୁ ଏହାକୁ ମୁକାବିଲା ପାଇଁ ପ୍ରସ୍ତୁତ ରହିବାକୁ ସ୍ୱତନ୍ତ୍ର ରିଲିଫ କମିଶନର(ଏସ୍ଆରସି) ନିର୍ଦ୍ଦେଶ ଦେଇଛନ୍ତି । ଦିନରେ ପ୍ରବଳ ଖରା ଯୋଗୁ ତାତି ଅନୁଭୂତ ହେଉଛି । ପୁଣି ଆର୍ଦ୍ରତା ଅଧିକ ଯୋଗୁ ଭୀଷଣ ଗୁଳଗୁଳି ହେଉଛି । ରାତିରେ ବି ସ୍ୱାଭାବିକଠାରୁ ୪ରୁ ୬ ଡିଗ୍ରୀ ଅଧିକ ତାପମାତ୍ରା ଅନୁଭୂତ ହୋଇପାରେ । ଏଭଳି ତାତି ବୟସ୍କ, ଶିଶୁ ଓ ଅସୁସ୍ଥ ବ୍ୟକ୍ତିଙ୍କ ପାଇଁ ବିପଜ୍ଜନକ । ସେମାନେ ସତର୍କ ରୁହନ୍ତୁ । ଅନ୍ୟମାନେ ଦିନ ୧୦ଟାରୁ ୩ଟା ଯାଏ ବାହାରକୁ ଯାଉଥିଲେ ସତର୍କତା ପଦକ୍ଷେପ ନିଅନ୍ତୁ ।
ଗ୍ରୀଷ୍ମପ୍ରବାହ ଓ ତାତିର ମୁକାବିଲା ପାଇଁ ଜିଲ୍ଲାପାଳଙ୍କ ସହ ବିଭିନ୍ନ ସରକାରୀ ବିଭାଗକୁ ଏକାଧିକ ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି। ଜଳାଭାବ ଅଞ୍ଚଳ ଚିହ୍ନଟ କରି ୱାଟର ଟ୍ୟାଙ୍କ ଯୋଗେ ପାଣି ଯୋଗାଇବାକୁ ପଞ୍ଚାୟତିରାଜ ବିଭାଗକୁ ନିର୍ଦ୍ଦେଶ ଦିଆଯାଇଛି । ଜନଗହଳି ସ୍ଥାନରେ ପାନୀୟ ଜଳ ସେବା କେନ୍ଦ୍ର ଖୋଲିବାକୁ ନିର୍ଦ୍ଦେଶ ମିଳିଛି । ଦିନ ସମୟରେ ନିରାଶ୍ରୟଙ୍କ ପାଇଁ ଉଭୟ ଗାଁ ଓ ସହରରେ ଆଶ୍ରୟସ୍ଥଳୀର ବ୍ୟବସ୍ଥା କରିବାକୁ କୁହାଯାଇଛି । ଆସନ୍ତା ୪ରୁ ୫ ଦିନ ଯାଏ ରାଜ୍ୟରେ ଅସମ୍ଭାଳ ତାତି ହେବ ବୋଲି ପାଣିପାଗ ବିଭାଗ ଚେତାଇ ଦେଇଛି ।
