ଆମେରିକାକୁ ନେଇ ଟେନସନ୍‌ରେ ଅନେକ ଦେଶ, ସେଥିରେ ନାହିଁ ଭାରତ: ଜୟଶଙ୍କର

ନୂଆଦିଲ୍ଲୀ: ଆମେରିକା ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କ ବିଜୟ ପରଠାରୁ ସମଗ୍ର ବିଶ୍ୱରେ ରାଜନୈତିକ ଉଷ୍ମତା ବୃଦ୍ଧି ପାଇବାରେ ଲାଗିଛି। ଡୋନାଲ୍ଡ ଟ୍ରମ୍ପଙ୍କ ଆଗାମୀ ଯୋଜନାକୁ ନେଇ ଅନେକ ଦେଶ ଏବେ ଟେନସନରେ ଅଛନ୍ତି। ଏହି ସମୟରେ ଭାରତର ବୈଦେଶିକ ମନ୍ତ୍ରୀ ଡକ୍ଟର ଏସ ଜୟଶଙ୍କର ସ୍ପଷ୍ଟ ଭାବେ କହିଛନ୍ତି ଯେ ଭାରତ ସେହି ଦେଶ ମଧ୍ୟରୁ ଗୋଟିଏ, ଯିଏ ଆମେରିକାକୁ ନେଇ ଚିନ୍ତିତ ନୁହେଁ।

ମୁମ୍ବାଇରେ ଆୟୋଜିତ ଆଦିତ୍ୟ ବିର୍ଲା ୨୫ତମ ସିଲଭର ଜୁବୁଲି ସ୍କଲାରସିପ୍ କାର୍ଯ୍ୟକ୍ରମରେ ବୈଦେଶିକ ବ୍ୟାପାର ମନ୍ତ୍ରୀ ଡକ୍ଟର ଏସ୍. ଜୟଶଙ୍କର କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀଙ୍କ ଆମେରିକା ସହ ଦୃଢ ସମ୍ପର୍କ ରହିଛି। ସେ କହିଛନ୍ତି ଯେ 'ଯେତେବେଳେ ଆମେରିକାର ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପ ଜିତିଲେ, ସେତେବେଳେ ତାଙ୍କର ପ୍ରଥମ ତିନୋଟି ଫୋନ୍ ମଧ୍ୟରୁ ଗୋଟିଏ ହେଉଛି ପ୍ରଧାନମନ୍ତ୍ରୀ ମୋଦୀଙ୍କୁ।'

ସେ ଆହୁରି ମଧ୍ୟ କହିଛନ୍ତି, 'ପିଏମ ମୋଦୀ ଅନେକ ଆମେରିକୀୟ ରାଷ୍ଟ୍ରପତିଙ୍କ ସହ ଭଲ ସମ୍ପର୍କ ସ୍ଥାପନ କରିଛନ୍ତି। ଯେତେବେଳେ ପ୍ରଧାନମନ୍ତ୍ରୀ ମୋଦୀ ପ୍ରଥମ ଥର ପାଇଁ ୱାଶିଂଟନ୍ ଡିସି ଗସ୍ତ କରିଥିଲେ, ବାରାକ ଓବାମା ରାଷ୍ଟ୍ରପତି ଥିଲେ। ଏହା ପରେ ଟ୍ରମ୍ପ ଏବଂ ପରେ ବାଇଡେନ ରାଷ୍ଟ୍ରପତି ହୋଇଥିଲେ। ବୈଦେଶିକ ମନ୍ତ୍ରୀ କହିଛନ୍ତି ଯେ 'ଆଜି ଅନେକ ଦେଶ ଆମେରିକାକୁ ନେଇ ଚିନ୍ତିତ ଅଛନ୍ତି, କିନ୍ତୁ ଭାରତ ସେମାନଙ୍କ ମଧ୍ୟରେ ନାହିଁ।'

#WATCH मुंबई: आदित्य बिड़ला 25वीं रजत जयंती छात्रवृत्ति कार्यक्रम में विदेश मंत्री डॉ. एस जयशंकर ने कहा," राष्ट्रपति ट्रम्प द्वारा की गई पहली तीन कॉलों में प्रधानमंत्री भी शामिल थे। पीएम मोदी ने कई राष्ट्रपतियों के साथ संबंध बनाए हैं। जब वह पहली बार डीसी आए थे, ओबामा राष्ट्रपति… pic.twitter.com/HVv1aLmaqv— ANI_HindiNews (@AHindinews) November 10, 2024

ଏହି କାର୍ଯ୍ୟକ୍ରମରେ ଯୁବକମାନଙ୍କୁ ସମ୍ବୋଧିତ କରି ଡ. ଜୟଶଙ୍କର କହିଛନ୍ତି ଯେ ସାରା ବିଶ୍ୱରେ ଭାରତର ଅଗ୍ରଗତି ଉପରେ ଆଲୋଚନା ହେଉଛି। ସେ କହିଛନ୍ତି ଯେ ଭାରତରେ ଘଟୁଥିବା ପରିବର୍ତ୍ତନକୁ ବିଶ୍ୱ ନଜର ରଖିଛି ଏବଂ ପ୍ରଶଂସା କରୁଛି। ସେ କହିଛନ୍ତି ଯେ ୭୫ଟି ନୂତନ ବିମାନବନ୍ଦର, ୧୬ଟି ନୂଆ ମେଟ୍ରୋ, ଉନ୍ନତ ଜାତୀୟ ରାଜପଥ ଏବଂ ଭାରତରେ ଯୁବ ପ୍ରତିଭା ଏହାର ପ୍ରମାଣ।