ଆଳୁ ଗୋଦାମରେ ଯୋଗାଣ ବିଭାଗର ଚଢାଉ, ଦର ବୃଦ୍ଧି ପାଇଁ ପଶ୍ଚିମବଙ୍ଗ ପୋଲିସକୁ ଦାୟୀ କଲେ ଗୋଦାମ ମାଲିକ
ଦେବଗଡ ୨୮।୭: ରାଜ୍ୟରେ ଆଳୁ ଦର ବୃଦ୍ଧି ପାଇଁ ସରକାର ଆକ୍ସନ ମୋଡକୁ ଆସିଥିବା ବେଳେ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢାଉ ଜାରି ରହିଛି । ରବିବାର ଜିଲ୍ଲା ଯୋଗାଣ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଆଳୁ ଗୋଦାମ ଓ ଖୁଚୁରା ବ୍ୟବସାୟୀଙ୍କ ଉପରେ ଚଢାଉ କରାଯାଇଛି । ଜିଲ୍ଲା ଅତିରିକ୍ତ ଯୋଗାଣ ଅଧିକାରୀ କେଦାରନାଥ ନାୟକଙ୍କ ନେତୃତ୍ଵରେ ଏକ ସ୍ବତନ୍ତ୍ର ଟିମ୍ ବିଭିନ୍ନ ସ୍ଥାନରେ ଆଳୁର ଗଚ୍ଛିତ ପରିମାଣ ଯାଞ୍ଚ କରିଛନ୍ତି । ସେହିପରି ପଶ୍ଚିମବଙ୍ଗରୁ ଖରିଦ କରାଯାଇଥିବା ଦର, ଟ୍ରାନ୍ସପୋର୍ଟେସନ ଚାର୍ଜ ଓ ଅନ୍ୟାନ୍ୟ ଆନୁସଙ୍ଗୀକ ଖର୍ଚ୍ଚ ପରେ ହୋଲସେଲର କେଉଁ ଦରରେ ଆଳୁ ବିକ୍ରୟ କରୁଛନ୍ତି, ସେ ସମ୍ପର୍କରେ ଯାଞ୍ଚ କରିଛନ୍ତି । ଯୋଗାଣ ବିଭାଗ ପକ୍ଷରୁ ବିଭିନ୍ନ ଆଳୁ ହୋଲସେଲର ଓ ରିଟେଲର ମାନଙ୍କୁ ବିକ୍ରି ଦର ଧାର୍ଯ୍ୟ କରି ଦୋକାନ ସମ୍ମୁଖରେ ବୋର୍ଡରେ ଉଲ୍ଲେଖ କରିବାକୁ ନିର୍ଦ୍ଦେଶ ଦିଆଯାଇଛି । କିଛି ଅମାନିଆ ଦୋକାନୀଙ୍କୁ ତାଗିଦ କରାଯାଇଥିବା ବେଳେ ପରବର୍ତ୍ତୀ ସମୟରେ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବିଭାଗ ପକ୍ଷରୁ ଚେତାବନୀ ଦିଆଯାଇଛି । ସେହିପରି ଆଳୁର ବର୍ଦ୍ଧିତ ଦର ଉପରେ ଆଳୁ ହୋଲସେଲରଙ୍କ ବିସ୍ଫୋରକ ବୟାନ ସାମ୍ନାକୁ ଆସିଛି । ଦେବଗଡ ସହରର ଅନ୍ୟତମ ଆଳୁ ଗୋଦାମ ଶିବଶଙ୍କର ଆଳୁ ଗୋଦାମର ମାଲିକ ଶିବ ଶଙ୍କର ସାହୁ ଆଳୁର ବର୍ଦ୍ଧିତ ଦର ପାଇଁ ପଶ୍ଚିମବଙ୍ଗ ପୋଲିସକୁ ସିଧାସ
ଦେବଗଡ ୨୮।୭: ରାଜ୍ୟରେ ଆଳୁ ଦର ବୃଦ୍ଧି ପାଇଁ ସରକାର ଆକ୍ସନ ମୋଡକୁ ଆସିଥିବା ବେଳେ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢାଉ ଜାରି ରହିଛି । ରବିବାର ଜିଲ୍ଲା ଯୋଗାଣ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଆଳୁ ଗୋଦାମ ଓ ଖୁଚୁରା ବ୍ୟବସାୟୀଙ୍କ ଉପରେ ଚଢାଉ କରାଯାଇଛି । ଜିଲ୍ଲା ଅତିରିକ୍ତ ଯୋଗାଣ ଅଧିକାରୀ କେଦାରନାଥ ନାୟକଙ୍କ ନେତୃତ୍ଵରେ ଏକ ସ୍ବତନ୍ତ୍ର ଟିମ୍ ବିଭିନ୍ନ ସ୍ଥାନରେ ଆଳୁର ଗଚ୍ଛିତ ପରିମାଣ ଯାଞ୍ଚ କରିଛନ୍ତି । ସେହିପରି ପଶ୍ଚିମବଙ୍ଗରୁ ଖରିଦ କରାଯାଇଥିବା ଦର, ଟ୍ରାନ୍ସପୋର୍ଟେସନ ଚାର୍ଜ ଓ ଅନ୍ୟାନ୍ୟ ଆନୁସଙ୍ଗୀକ ଖର୍ଚ୍ଚ ପରେ ହୋଲସେଲର କେଉଁ ଦରରେ ଆଳୁ ବିକ୍ରୟ କରୁଛନ୍ତି, ସେ ସମ୍ପର୍କରେ ଯାଞ୍ଚ କରିଛନ୍ତି । ଯୋଗାଣ ବିଭାଗ ପକ୍ଷରୁ ବିଭିନ୍ନ ଆଳୁ ହୋଲସେଲର ଓ ରିଟେଲର ମାନଙ୍କୁ ବିକ୍ରି ଦର ଧାର୍ଯ୍ୟ କରି ଦୋକାନ ସମ୍ମୁଖରେ ବୋର୍ଡରେ ଉଲ୍ଲେଖ କରିବାକୁ ନିର୍ଦ୍ଦେଶ ଦିଆଯାଇଛି । କିଛି ଅମାନିଆ ଦୋକାନୀଙ୍କୁ ତାଗିଦ କରାଯାଇଥିବା ବେଳେ ପରବର୍ତ୍ତୀ ସମୟରେ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବିଭାଗ ପକ୍ଷରୁ ଚେତାବନୀ ଦିଆଯାଇଛି । ସେହିପରି ଆଳୁର ବର୍ଦ୍ଧିତ ଦର ଉପରେ ଆଳୁ ହୋଲସେଲରଙ୍କ ବିସ୍ଫୋରକ ବୟାନ ସାମ୍ନାକୁ ଆସିଛି । ଦେବଗଡ ସହରର ଅନ୍ୟତମ ଆଳୁ ଗୋଦାମ ଶିବଶଙ୍କର ଆଳୁ ଗୋଦାମର ମାଲିକ ଶିବ ଶଙ୍କର ସାହୁ ଆଳୁର ବର୍ଦ୍ଧିତ ଦର ପାଇଁ ପଶ୍ଚିମବଙ୍ଗ ପୋଲିସକୁ ସିଧାସଳଖ ଦାୟୀ କରିଛନ୍ତି । ପଶ୍ଚିମବଙ୍ଗ ପୋଲିସ ଓଡିଶା ବର୍ଡରରେ ପାର ହେଉଥିବା ପ୍ରତ୍ୟେକ ଆଳୁ ଟ୍ରକରୁ ପଚିଶ ହଜାର ଟଙ୍କା ଲେଖାଏଁ ଜୋରଜବରଦସ୍ତି ଆଦାୟ କରୁଥିବା ଯୋଗୁଁ ଆଳୁ ଦର ଉପରେ ଏହାର ପ୍ରଭାବ ପଡୁଥିବା ସେ ଅଭିଯୋଗ କରିଛନ୍ତି । ଏ ସମ୍ପର୍କରେ ସେ ଯୋଗାଣ ବିଭାଗ ଅଧିକାରୀଙ୍କୁ ମଧ୍ୟ ଜଣାଇଛନ୍ତି ।
You Can Read:
