ଆସ୍ଥା ଦେଖାନ୍ତୁ, ରାଗ ନୁହେଁ; ରାମ ମନ୍ଦିର ଉପରେ ନିଜ କ୍ୟାବିନେଟ୍ ସହଯୋଗୀଙ୍କୁ ପିଏମ୍ ମୋଦୀଙ୍କ ପରାମର୍ଶ

ନୂଆଦିଲ୍ଲୀ: ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ପୂର୍ବରୁ ଦେଶରେ ଭକ୍ତିମୟ ପରିବେଶ ସୃଷ୍ଟି ହୋଇଛି । ଏହାରି ଭିତରେ ବିରୋଧୀ ନେତାଙ୍କ ବୟାନବାଜି ଜାରି ରହିଛି ଏବଂ ଏହା ଉପରେ ବିଜେପିର ଅନେକ ନେତା ମଧ୍ୟ ଜବାବ ଦେଉଛନ୍ତି । ଅନ୍ୟପଟେ ପିଏମ୍ ନରେନ୍ଦ୍ର ମୋଦୀ ଜବାବ ଦେବା ଏବଂ ସେଥିରେ କଡ଼ା ଶବ୍ଦ ପ୍ରୟୋଗକୁ ବିରୋଧ କରିଛନ୍ତି । ପ୍ରଧାନମନ୍ତ୍ରୀ ମୋଦୀ କ୍ୟାବିନେଟ୍ ମନ୍ତ୍ରୀଙ୍କ ପରାମର୍ଶ ଦେଇଛନ୍ତି ଯେ ବିରୋଧୀ ଉସକାଇଲେ ଏହାର ଜବାବରେ କୌଣସି କଡ଼ା ବୟାନ ଦିଅ ନାହିଁ । ସେ ପରାମର୍ଶ ଦେଇଛନ୍ତି ଯେ ଅଯୋଧ୍ୟାକୁ ନେଇ ଆସ୍ଥା ଦେଖାନ୍ତୁ ଏବଂ ରାଗଠାରୁ ଦୂରେଇ ରୁହନ୍ତୁ । ଏହାସହ ଲୋକସଭା ନିର୍ବାଚନକୁ ଦୃଷ୍ଟିରେ ରଖି କ୍ୟାବିନେଟ ସହଯୋଗୀଙ୍କୁ ନିଜ ଅଞ୍ଚଳରୁ ଅଧିକରୁ ଅଧିକ ଲୋକଙ୍କୁ ଅଯୋଧ୍ୟା ପଠାଇବା ବ୍ୟବସ୍ଥା କରିବା ପାଇଁ କହିଛନ୍ତି ।

ସୂତ୍ର ଅନୁସାରେ ପିଏମ୍ ନରେନ୍ଦ୍ର ମୋଦୀ ଗତ ସପ୍ତାହରେ କ୍ୟାବିନେଟ୍ ବୈଠକରେ ଏହି କଥା କହିଥିଲେ । ବିଜେପି ମଧ୍ୟ ପୂର୍ବରୁ କହିସାରିଛି ଯେ ଏହି ଅବସରରେ ପାର୍ଟି ପତାକା ଏବଂ ବ୍ୟାନର ବ୍ୟବହାର କରିବେ ନାହିଁ । ଅଯୋଧ୍ୟାରେ ଜାନୁଆରୀ ୨୨ରେ ରାମ ମନ୍ଦିର ପ୍ରାଣ ପ୍ରତିଷ୍ଠା ପାଇଁ ଚାଲିଥିବା ପୂର୍ବରୁ ମଧ୍ୟରେ ବିଜେପି ନିଜ ବିରୋଧୀଙ୍କ ସହ କୌଣସି ବିବାଦରେ ପଡିବାକୁ ଚାହୁଁ ନାହିଁ । ବିଜେପି ଅନୁସାରେ ଦେଶ ରାମ ମୟ ହେଉଛି ଏବଂ ଯଦି ବିରୋଧୀ ନିଜ ବୟାନରେ ମାହୋଲ ଖରାପ କରିବାକୁ ଚାହାନ୍ତି ତେବେ ତାଙ୍କୁ ଅଣଦେଖା କରି ତୀକ୍ଷ୍ନ ପ୍ରତିକ୍ରିୟା ଦିଅ ନାହିଁ ।

Also Read: ବଦଳୁଥିବା ବୈଶ୍ୱିକ ବ୍ୟବସ୍ଥାରେ ‘ବିଶ୍ୱ ମିତ୍ର’ ଭୂମିକାରେ ଭାରତ: ପିଏମ୍ ମୋଦୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୈଠକରେ ସ୍ପଷ୍ଟ କରି କହିଛନ୍ତି ଯେ ମନ୍ତ୍ରୀ ନିଜ ଆସ୍ଥା ଦେଖାନ୍ତୁ କିନ୍ତୁ ମର୍ଯଦାର ମଧ୍ୟ ଧ୍ୟାନ ରଖିବେ । ଆକ୍ରାମକ ଆଭିମୁଖ୍ୟ ଗ୍ରହଣ କରିବେ ନାହିଁ ।

The post ଆସ୍ଥା ଦେଖାନ୍ତୁ, ରାଗ ନୁହେଁ; ରାମ ମନ୍ଦିର ଉପରେ ନିଜ କ୍ୟାବିନେଟ୍ ସହଯୋଗୀଙ୍କୁ ପିଏମ୍ ମୋଦୀଙ୍କ ପରାମର୍ଶ appeared first on Prameya News7.