ଋଷଭଙ୍କ ଫିଟ୍‌ନେସ୍‌କୁ ନେଇ NCA ଡାକ୍ତରଙ୍କ ବଡ ବୟାନ, କହିଲେ- ସମୟ ପୂର୍ବରୁ ସମ୍ପୂର୍ଣ୍ଣ ଫିଟ୍

ମୁମ୍ଵାଇ ୧୭।୦୩: ଇଣ୍ଡିଆନ୍ ପ୍ରିମିୟର ଲିଗ୍ ୨୨ ମାର୍ଚ୍ଚ ଶୁକ୍ରବାର ଠାରୁ ଆରମ୍ଭ ହେଉଛି । ଏହାର ପ୍ରଥମ ମ୍ୟାଚ୍ ଚେନ୍ନାଇରେ CSK ଏବଂ RCB  ମଧ୍ୟରେ ଖେଳାଯିବ । ଏଥର IPL ୨୦୨୪ରେ ଋଷଭ ପନ୍ଥ ଖେଳୁଥିବାର ନଜର ଆସିବେ।  କାହିଁକି ନା ବିସିସିଆଇ ତାଙ୍କୁ ଏକ କ୍ଲିନ୍ ଚିଟ୍ ମଧ୍ୟ ଦେଇଛି। ଭାରତରେ କ୍ରିକେଟ୍ ବୋର୍ଡ ଅଫ୍ କଣ୍ଟ୍ରୋଲ୍ ଋଷଭଙ୍କୁ ସମ୍ପୂର୍ଣ୍ଣ ଫିଟ୍ ଘୋଷଣା କରିଛି। ପ୍ରାୟ ଏକ ବର୍ଷ ପରେ ପନ୍ଥ ମଧ୍ୟ ମୈଦାନକୁ ଫେରିବାକୁ ବହୁତ ଆଗ୍ରହୀ । ଦିଲ୍ଲୀ କ୍ୟାପିଟାଲ ପାଇଁ ପନ୍ଥ ଅଧିନାୟକ ଏବଂ ୱିକେଟ୍ କିପିଂ କରୁଥିବାର ଦେଖିବାକୁ ମିଳିବ। ଏହାକୁ ନେଇ, ପନ୍ଥଙ୍କ ଫିଟନେସ ଉପରେ ଏନସିଏ ଡାକ୍ତର ଏକ ବଡ ବିବୃତ୍ତି ଦେଇଛନ୍ତି।

ଡିସେମ୍ବର ୨୦୨୨ରେ ଷ୍ଟାର ୱିକେଟ୍ କିପର ବ୍ୟାଟ୍ସମ୍ୟାନ୍ ଋଷଭ ପନ୍ଥ ଏକ ମର୍ମନ୍ତୁଦ ସଡ଼କ ଦୁର୍ଘଟଣାର ଶିକାର ହୋଇଥିଲେ। ଯେଉଁଥିରେ ସେ ଗୁରୁତର ଆହତ ହୋଇବା ସହ ଦୀର୍ଘ ସମୟ ପର୍ଯ୍ୟନ୍ତ ପ୍ରତ୍ୟାବର୍ତ୍ତନ କରିପାରିବେ ନାହିଁ  ବୋଲି କୁହାଯାଇଥିଲା । କିନ୍ତୁ ସେ ତାଙ୍କ ଫିଟନେସରେ ବହୁତ ପରିଶ୍ରମ କରିଥିଲେ।  ୧୪ ମାସ ପରେ ପନ୍ଥ ମୈଦାନକୁ ଫେରିବାକୁ ପ୍ରସ୍ତୁତ । ତାଙ୍କ ଆଘାତକୁ ଦେଖିଲେ ଲାଗୁଥିଲା ଯେ ତାଙ୍କୁ କମ୍‌ବ୍ୟାକ୍‌ କରିବାକୁ ୨ ବର୍ଷରୁ ଅଧିକ ସମୟ ଲାଗିପାରେ ।

ଫିଟନେସ୍ ସମ୍ବନ୍ଧରେ ଏନସିଏ ଡାକ୍ତରଙ୍କ ବୟାନ 

ଏନସିଏର ଫିଜିଓଥେରାପିଷ୍ଟ ବିସିସିଆଇକୁ କହିଛନ୍ତି, "ତାଙ୍କ ମାନସିକ ଶକ୍ତି ଏବଂ ଆତ୍ମବିଶ୍ୱାସ ସହିତ ଋଷଭ ପନ୍ଥ ଆମକୁ ବହୁତ ପ୍ରେରଣା ଦେଇଥିଲେ। ଡାକ୍ତରମାନେ ଅନୁଭବ କରିଥିଲେ ଯେ ଫିଟ୍ ହେବା ପାଇଁ ତାଙ୍କୁ ଦୁଇ ବର୍ଷ ଲାଗିବ। ହେଲେ ଯେତେବେଳେ ସେ ଏନସିଏକୁ ଥରେ ଆସିଲେ, ଏହା ପରେ ସେ ଶୀଘ୍ର ସୁସ୍ଥ ହେବା ନେଇ କାମ ଜାରି ରଖିଥିଲେ ।ପନ୍ଥ ଠିକ୍ ସମୟରେ ନିଜର ଫିଟନେସ୍ ଫେରି ପାଇଛନ୍ତି। କେବଳ ଏତିକି ନୁହେଁ, ପନ୍ଥ ଏକ କମ୍‌ବ୍ୟାକ୍‌ ପାଇଁ ନିଜର ସମସ୍ତ ଶକ୍ତି ଜାରି ରଖିଥିଲେ ଏବଂ ନିଜ ଫିଟନେସରେ ଦିନରାତି କାମ କରିଛନ୍ତି। ଏନସିଏର ଷ୍ଟ୍ରେନଥ୍‌ ଏବଂ କଣ୍ଡିସନର ପ୍ରଶିକ୍ଷକ କହିଛନ୍ତି, "ପନ୍ଥ ଜିମ୍ ଯିବାକୁ ବହୁତ ପସନ୍ଦ କରନ୍ତି, ଯାହା ତାଙ୍କୁ ବହୁତ ସାହାଯ୍ୟ କରିଛି। ଯେତେବେଳେ ବି ସେ ଅନୁଭବ କରିବେ ଯେ ସେ ଆଗକୁ ବଢି ପାରି ନାହାଁନ୍ତି।  ସେ ପୁଣି ଥରେ ଚେଷ୍ଟା ଜାରି ରଖନ୍ତି । ତାଙ୍କ ମନବୋଳ ପରିଶ୍ରମ ଯୋଗୁଁ ସେ ବହୁତ ଶୀଘ୍ର ଫିଟ୍‌ ହୋଇଛନ୍ତି। ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।