ଏଲନ ମସ୍କ ଦେଲେ ଚେତାବନୀ: ବଢିଲା ଟ୍ରମ୍ପଙ୍କ ଟେନସନ, ଏମିତି କ’ଣ କହିଦେଲେ…

ଓ୍‌ବାଶିଂଟନ୍‌,୧୨।୨: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଫେଡେରାଲ ଖର୍ଚ୍ଚ ହ୍ରାସ କରିବା ପାଇଁ ଗଠିତ ଏକ ଏଜେନ୍ସି, ଡିପାର୍ଟମେଣ୍ଟ ଅଫ ଗଭର୍ଣ୍ଣମେଣ୍ଟ ଏଫିସିଏନ୍ସି (DOGE)ର ମୁଖ୍ୟ ଏଲନ ମସ୍କ ଏକ ଚେତାବନୀ ଦେଇଛନ୍ତି, ଯାହା ଡୋନାଲ୍ଡ ଟ୍ରମ୍ପଙ୍କ ଟେନସନକୁ ବୃଦ୍ଧି କରିଛି।

ପ୍ରକୃତରେ, DOGE ମୁଖ୍ୟ ଏଲନ ମସ୍କ ମଙ୍ଗଳବାର ହ୍‌ବାଇଟ ହାଉସରେ ରାଷ୍ଟ୍ରପତି ଟ୍ରମ୍ପଙ୍କ ସହ ଏକ ଖବରଦାତା ସମ୍ମିଳନୀ କରିଥିଲେ। ଏହି ସମୟରେ ସେ କହିଛନ୍ତି, ଯଦି ଆମେରିକା ତା’ର ବଜେଟ ହ୍ରାସ ନ କରେ, ତେବେ ଦେଶ ଦେବାଳିଆ ହୋଇପାରେ। ମସ୍କଙ୍କ ଏହି ବୟାନ ଯୋଗୁ ଟ୍ରମ୍ପଙ୍କ ଟେନସନ ବଢ଼ିବାକୁ ଯାଉଛି।

DOGE ମୁଖ୍ୟ ଏଲନ ମସ୍କ ବିଶେଷ ଭାବରେ ଆମେରିକାର ବର୍ଦ୍ଧିତ ବଜେଟ ନିଅଣ୍ଟ ଉପରେ ଚିନ୍ତା ପ୍ରକାଶ କରିଛନ୍ତି, ଯାହା ଗତ ଆର୍ଥିକ ବର୍ଷରେ $1.8 ଟ୍ରିଲିୟନରେ ପହଞ୍ଚିଥିଲା। ସେ କହିଛନ୍ତି, ସଂଘୀୟ ଖର୍ଚ୍ଚ ହ୍ରାସ କରିବା ଆଉ ଏକ ବିକଳ୍ପ ନୁହେଁ ବରଂ ଏକ ଆବଶ୍ୟକତା।

ଆମେରିକାରେ ଅତିରିକ୍ତ ସଂଘୀୟ ଖର୍ଚ୍ଚକୁ ହ୍ରାସ କରିବା ପାଇଁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆମେରିକାରେ କ୍ଷମତା ଗ୍ରହଣ କରିବାର କିଛି ଦିନ ମଧ୍ୟରେ ଅନେକ କାର୍ଯ୍ୟନିର୍ବାହୀ ନିର୍ଦ୍ଦେଶ ଜାରି କରିଥିଲେ। କିନ୍ତୁ ଟ୍ରମ୍ପଙ୍କ ଏହି ନୀତି ଯୋଗୁ ଅନେକ ଫେଡେରାଲ ଏଜେନ୍ସି ବନ୍ଦ ହୋଇଯାଇଛି କିମ୍ବା ସେଥିରେ ନିଯୁକ୍ତ କର୍ମଚାରୀମାନଙ୍କୁ ଘରକୁ ପଠାଇ ଦିଆଯାଇଛି। ଏହାର ପରିଣାମ ସ୍ବରୂପ ଏହି ନିଷ୍ପତ୍ତିଗୁଡ଼ିକୁ ଆମେରିକାର ଅନେକ ଅଦାଲତରେ ଚ୍ୟାଲେଞ୍ଜ କରାଯାଇଛି।

ଏହା ବ୍ୟତୀତ ବିରୋଧୀ ନେତା ଏବଂ ଅନେକ ସାମାଜିକ ସଂଗଠନ ଏହାକୁ ‘ଅବୈଧ କ୍ଷମତାର ଅପବ୍ୟବହାର’ ବୋଲି କହିଛନ୍ତି ଏବଂ ଟ୍ରମ୍ପ ପ୍ରଶାସନ ବିରୋଧରେ ମାମଲା ଦାୟର କରିଛନ୍ତି।

The post ଏଲନ ମସ୍କ ଦେଲେ ଚେତାବନୀ: ବଢିଲା ଟ୍ରମ୍ପଙ୍କ ଟେନସନ, ଏମିତି କ’ଣ କହିଦେଲେ… appeared first on Dharitri Odia News.