ଓୟୋ ରୁମରେ ବଙ୍ଗୀୟ ଯୁବତୀଙ୍କ ସହ ରାତି ରଙ୍ଗୀନ କରୁଥିଲା ସ୍ୱାମୀ.. ମାଡ଼ି ବସିଲା ସ୍ତ୍ରୀ

କନକ ବ୍ୟୁରୋ : ସ୍ୱାମୀ, ସ୍ତ୍ରୀ ଓ ଷ୍ଟିଙ୍ଗ ଅପରେସନ । ଓୟୋ ରୁମରେ ରଙ୍ଗୀନ ରାତି! ସ୍ୱାମୀଙ୍କ କାରନାମା । ସ୍ତ୍ରୀ କଲେ ଷ୍ଟିଙ୍ଗ ଅପରେସନ । ଘଟଣାଟି ଶୁଣିବାକୁ ଟିକିଏ ଅଡୁଆ ଲାଗୁଥିଲେ ବି ଘଟଣା ଟି ସତ। ନିଜ ରଙ୍ଗିଲା ସ୍ୱାମୀଙ୍କ ପରକିୟା ପ୍ରୀତିକୁ ନେଇ ଷ୍ଟିଙ୍ଗ ଅପରେସନ କରିଛନ୍ତି ତାଙ୍କ ପତ୍ନୀ । ରାତି ଅଧରେ ଓୟୋ ରୁମରେ ନାଚ ଗୀତ ସହ ରଙ୍ଗୀନ ମିଜାଜରେ ଥିଲେ ସ୍ୱାମୀ । ଚିକେନ, ମଦ ଆଉ ବଙ୍ଗୀୟ ୟୁବତୀଙ୍କୁ ନେଇ ଚାଲିଥିଲା ଆସର । ହଠାତ ପୁଲିସ ସହ ଓୟୋ ରୁମରେ ପହଂଚି ସ୍ୱାମୀଙ୍କ ମୁଖା ଖୋଲି ଦେଲେ ସ୍ତ୍ରୀ । ତିନୋଟି ରୁମରେ ଥିବା ବଙ୍ଗୀୟ ଯୁବତୀଙ୍କ ସହ ଧରା ପଡିଗଲେ ସ୍ୱାମୀ ଅଭିନବ ସିଂ । ଅଭିନବ ଓ ତାଙ୍କ ଦୁଇ ବନ୍ଧୁ, ତିନି ଜଣ ବଙ୍ଗୀୟ ଯୁବତୀଙ୍କ ସହ ଅସଂଜତ ଅବସ୍ଥାରେ ଧରା ପଡିଥିବା ପତ୍ନୀ ଜଣକ ଥାନାରେ ଅଭିଯୋଗ କରିଛନ୍ତି ।

ଅନ୍ୟପଟେ ଅଭିନବ ନିଜକୁ ଜଣେ ରାପର ବୋଲି କହୁଥିଲେ । ଓଲିଉଡର ନାଁ କରାଯାଇଥିବା ଅଭିନେତ୍ରୀ ମାନଙ୍କ ସହ ଓଡିଆ ଆଲବମ ଆଉ ମ୍ୟୁଜିକ ଭିଡିଓ କରିବାକୁ ବାଧ୍ୟ କରୁଥିବା ଅଭିଯୋଗ ହୋଇଛି । ଏନେଇ ଅଭିନେତ୍ରୀ ସୁପ୍ରିୟା ନାୟକ ନନ୍ଦନକାନନ ଥାନାରେ ବି ଅଭିଯୋଗ କରିଛନ୍ତି ।

ତେବେ ଓୟୋ ରୁମ ରେଡ ବେଳେ, ପୁଲିସକୁ ମାଡ଼ ମାରିବା ଏବଂ ଅଭିନବଙ୍କ ପତ୍ନୀଙ୍କୁ ମାଡ଼ ମାରିବା ନେଇ ଦୁଇଟି ମାମଲା ରୁଜୁ ହୋଇଛି । ୩ ଜଣ ବଙ୍ଗୀୟ ଯୁବତୀ ଏବଂ ଅଭିନବ ଓ ତାଙ୍କ ୨ ସହଯୋଗୀଙ୍କୁ ଗିରଫ କରାଯାଇଛି ।

The post ଓୟୋ ରୁମରେ ବଙ୍ଗୀୟ ଯୁବତୀଙ୍କ ସହ ରାତି ରଙ୍ଗୀନ କରୁଥିଲା ସ୍ୱାମୀ.. ମାଡ଼ି ବସିଲା ସ୍ତ୍ରୀ first appeared on Kanak News.