କଙ୍ଗନାଙ୍କର ଯୋଗ୍ୟତା ନାହିଁ ସଂସଦ ଯିବାର: କାହିଁକି ଏମିତି କହିଲେ ରବର୍ଟ ଭଦ୍ରା

ନୂଆଦିଲ୍ଲୀ,୩୧।୮: କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସ୍ବାମୀ ରବର୍ଟ ଭଦ୍ରା ଶନିବାର ଭାଜପା ଏମପି କଙ୍ଗନା ରାନାୱତଙ୍କୁ କଡ଼ା ଟାର୍ଗେଟ କରିଛନ୍ତି। ଏହି ସମୟରେ ରବର୍ଟ ଭଦ୍ରା କୃଷକଙ୍କ ବିରୋଧରେ କଙ୍ଗନାଙ୍କ ମନ୍ତବ୍ୟକୁ ସମାଲୋଚନା କରିଛନ୍ତି।
ରବର୍ଟ ଭଦ୍ରା କହିଛନ୍ତି ଯେ କଙ୍ଗନା ରାନାୱତ ଜଣେ ମହିଳା ଏବଂ ମୁଁ ତାଙ୍କୁ ସମ୍ମାନ କରେ, କିନ୍ତୁ ମୁଁ ଭାବୁଛି ସେ ସଂସଦରେ ରହିବାକୁ ଯୋଗ୍ୟ ନୁହଁନ୍ତି। ସେ ଶିକ୍ଷିତ ନୁହଁନ୍ତି । ମୁଁ ଭାବୁଛି ସେ ଲୋକମାନଙ୍କ ବିଷୟରେ ଭାବନ୍ତି ନାହିଁ । ସେ କେବଳ ନିଜ ବିଷୟରେ ଭାବନ୍ତି ।

ରବର୍ଟ ଭଦ୍ରା ଆହୁରି କହିଛନ୍ତି ଯେ କଙ୍ଗନା ମହିଳାମାନଙ୍କ ବିଷୟରେ ଚିନ୍ତା କରିବା ଉଚିତ୍‌। ସେ କହିଛନ୍ତି ମୋର ଆବେଦନ ହେଉଛି ସମଗ୍ର ଦେଶ ଏକାଠି ହୋଇ ମହିଳାଙ୍କ ସୁରକ୍ଷା ପ୍ରସଙ୍ଗରେ ଆଗକୁ ବଢିବା ଉଚିତ୍‌। ମହିଳାଙ୍କ ସୁରକ୍ଷାକୁ ସବୁଠାରୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଭାବରେ ବର୍ଣ୍ଣନା କରି ସେ କହିଛନ୍ତି ଯେ ଏହାର ସମାଧାନ ପାଇଁ ସମସ୍ତ ରାଜନୈତିକ ଦଳ ଏକାଠି ହେବା ଦରକାର।
ସୂଚନାଯୋଗ୍ୟ, ହିମାଚଳ ପ୍ରଦେଶ ମଣ୍ଡିର ଏମପି ରାନାୱତ ସୋମବାର ଏକ ସାକ୍ଷାତକାର କ୍ଲିପ ପୋଷ୍ଟ କରି କହିଛନ୍ତି ଯେ ବାତିଲ ହୋଇଥିବା କୃଷି ଆଇନ ବିରୋଧରେ କୃଷକଙ୍କ ବିରୋଧ ସମୟରେ ଭାରତରେ ବାଂଲାଦେଶ ଭଳି ପରିସ୍ଥିତି ସୃଷ୍ଟି ହୋଇପାରେ, କିନ୍ତୁ ଦେଶର ଦୃଢ ନେତୃତ୍ୱ ପାଇଁ ଏଭଳି ପରିସ୍ଥିତି ସୃଷ୍ଟି ହେବ ନାହିଁ।

The post କଙ୍ଗନାଙ୍କର ଯୋଗ୍ୟତା ନାହିଁ ସଂସଦ ଯିବାର: କାହିଁକି ଏମିତି କହିଲେ ରବର୍ଟ ଭଦ୍ରା appeared first on Dharitri Odia News.