କମାଲ୍ କରିବେ ମସ୍କ ! ୩୦ ମିନିଟ୍ରେ ଆମେରିକାକୁ ଯାତ୍ରା, ଷ୍ଟାରସିପ୍ରେ ବସି ବୁଲିବେ ଯାତ୍ରୀ
ନୂଆଦିଲ୍ଲୀ: ଦୁନିଆର କୌଣସି ବି ପ୍ରମୁଖ ସହରକୁ ଘଣ୍ଟାଏରେ ପହଞ୍ଚିବା କଣ ସମ୍ଭବ? ଏହି ଅସମ୍ଭବକୁ ସମ୍ଭବ କରି ଦେଖାଇବେ ଆମେରିକୀୟ ବିଲିୟନେୟାର ଏଲନ ମସ୍କ। ପୁଣି ଚମତ୍କାର କରିବାକୁ ପ୍ରସ୍ତୁତ ହେଉଛନ୍ତି ବିଶ୍ୱର ନମ୍ବର ଓ୍ୱାନ ଧନୀ। ଏପରି ଏକ ଶକ୍ତିଶାଳୀ ଯାନ ତିଆରି କରିବେ, ଯାହା ମାଧ୍ୟମରେ ଲୋକେ ଅଧ ଘଣ୍ଟା ମଧ୍ୟରେ ଦିଲ୍ଲୀରୁ ଆମେରିକାରେ ପହଞ୍ଚି ପାରିବେ। କେବଳ ଏତିକି ନୁହେଁ, ଏହି ଯାନ ମାଧ୍ୟମରେ ବିଶ୍ୱର କୌଣସି ପ୍ରମୁଖ ସହରକୁ ଏକ ଘଣ୍ଟାରୁ କମ୍ ସମୟ ମଧ୍ୟରେ ପହଞ୍ଚିପାରିବ। ଏଭଳି ପରିସ୍ଥିତିରେ, ଆସନ୍ତୁ ଜାଣିବା ଏଲନ୍ ମସ୍କଙ୍କ ଯୋଜନା କ’ଣ ଏବଂ ଏହା କେତେ ଶକ୍ତିଶାଳୀ?ଆମେରିକାର ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କ ବିଜୟ ପରେ ବେଶ ଖୁସି ଓ ଉତ୍ସାହିତ ଅଛନ୍ତି ଏଲନ୍ ମସ୍କ। ଟ୍ରମ୍ପଙ୍କୁ ଖୋଲାଖୋଲି ସମର୍ଥନ କରିଥିଲେ ମସ୍କ। ବର୍ତ୍ତମାନ ମସ୍କଙ୍କୁ ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସରକାରରେ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦିଆଯାଇଛି। ଡିପାର୍ଟମେଣ୍ଟ ଅଫ୍ ଗଭର୍ଣ୍ଣମେଣ୍ଟ ଏଫିସିଏନ୍ସି (DOGE)ର ମୁଖ୍ୟ ହୋଇଛନ୍ତି ଏଲନ୍ ମସ୍କ। କୁହାଯାଉଛି ଯେ ଆମେରିକାର ନୂଆ ସରକାରରେ ସେ ବୈଷୟିକ ବିପ୍ଳବ ଆଣିବେ। ଏଲନ୍ ମସ୍କ ତାଙ୍କ କମ୍ପାନୀ ସ୍ପେସ୍ଏକ୍ସ ମାଧ୍ୟମରେ ଯାତ୍ରା କରିବାର ପଦ୍ଧତିକୁ ସମ୍ପୂର୍ଣ୍ଣ ରୂପେ ବଦଳାଇବାକୁ କରିଛନ୍ତି ଯୋଜନା।ମସ୍କ କହିଛନ୍ତି ଯେ, ତାଙ୍କର ଷ୍ଟାରଶିପ୍ ରକେଟ୍
ନୂଆଦିଲ୍ଲୀ: ଦୁନିଆର କୌଣସି ବି ପ୍ରମୁଖ ସହରକୁ ଘଣ୍ଟାଏରେ ପହଞ୍ଚିବା କଣ ସମ୍ଭବ? ଏହି ଅସମ୍ଭବକୁ ସମ୍ଭବ କରି ଦେଖାଇବେ ଆମେରିକୀୟ ବିଲିୟନେୟାର ଏଲନ ମସ୍କ। ପୁଣି ଚମତ୍କାର କରିବାକୁ ପ୍ରସ୍ତୁତ ହେଉଛନ୍ତି ବିଶ୍ୱର ନମ୍ବର ଓ୍ୱାନ ଧନୀ। ଏପରି ଏକ ଶକ୍ତିଶାଳୀ ଯାନ ତିଆରି କରିବେ, ଯାହା ମାଧ୍ୟମରେ ଲୋକେ ଅଧ ଘଣ୍ଟା ମଧ୍ୟରେ ଦିଲ୍ଲୀରୁ ଆମେରିକାରେ ପହଞ୍ଚି ପାରିବେ। କେବଳ ଏତିକି ନୁହେଁ, ଏହି ଯାନ ମାଧ୍ୟମରେ ବିଶ୍ୱର କୌଣସି ପ୍ରମୁଖ ସହରକୁ ଏକ ଘଣ୍ଟାରୁ କମ୍ ସମୟ ମଧ୍ୟରେ ପହଞ୍ଚିପାରିବ। ଏଭଳି ପରିସ୍ଥିତିରେ, ଆସନ୍ତୁ ଜାଣିବା ଏଲନ୍ ମସ୍କଙ୍କ ଯୋଜନା କ’ଣ ଏବଂ ଏହା କେତେ ଶକ୍ତିଶାଳୀ?
ଆମେରିକାର ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କ ବିଜୟ ପରେ ବେଶ ଖୁସି ଓ ଉତ୍ସାହିତ ଅଛନ୍ତି ଏଲନ୍ ମସ୍କ। ଟ୍ରମ୍ପଙ୍କୁ ଖୋଲାଖୋଲି ସମର୍ଥନ କରିଥିଲେ ମସ୍କ। ବର୍ତ୍ତମାନ ମସ୍କଙ୍କୁ ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସରକାରରେ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦିଆଯାଇଛି। ଡିପାର୍ଟମେଣ୍ଟ ଅଫ୍ ଗଭର୍ଣ୍ଣମେଣ୍ଟ ଏଫିସିଏନ୍ସି (DOGE)ର ମୁଖ୍ୟ ହୋଇଛନ୍ତି ଏଲନ୍ ମସ୍କ। କୁହାଯାଉଛି ଯେ ଆମେରିକାର ନୂଆ ସରକାରରେ ସେ ବୈଷୟିକ ବିପ୍ଳବ ଆଣିବେ। ଏଲନ୍ ମସ୍କ ତାଙ୍କ କମ୍ପାନୀ ସ୍ପେସ୍ଏକ୍ସ ମାଧ୍ୟମରେ ଯାତ୍ରା କରିବାର ପଦ୍ଧତିକୁ ସମ୍ପୂର୍ଣ୍ଣ ରୂପେ ବଦଳାଇବାକୁ କରିଛନ୍ତି ଯୋଜନା।
ମସ୍କ କହିଛନ୍ତି ଯେ, ତାଙ୍କର ଷ୍ଟାରଶିପ୍ ରକେଟ୍ରେ ପୃଥିବୀରୁ ପୃଥିବୀର ମହାକାଶ ଯାତ୍ରାରେ ତାଙ୍କ ଯୋଜନା ଏବେ ଟ୍ରମ୍ପଙ୍କ ନିର୍ବାଚନରେ ମିଳିଥିବା ବିଜୟ ପରେ ସମ୍ଭବ ହୋଇଛି। ଡେଲି ମେଲ୍ର ରିପୋର୍ଟ ଅନୁସାରେ, ଏହି ଯୋଜନା ବିଷୟରେ ସ୍ପେସ୍ଏକ୍ସ ପାଖାପାଖି ୧୦ ବର୍ଷ ପୂର୍ବେ ହିଁ କଳ୍ପନା କରି ନେଇଥିଲେ। ଏଥିରେ ହଜାର ହଜାର ଯାତ୍ରୀ ବସିବା ପାଇଁ ସିଟ୍ ରହିବ ଏବଂ ଏହା ପୃଥିବୀରେ ଥିବା ସବୁଠୁ ଶକ୍ତିଶାଳୀ ରକେଟ୍ ପରି ହେବ। ଏହା ପୃଥିବୀରୁ ମହାକାଶ ମାଧ୍ୟମରେ ପୃଥିବୀରେ ଏକ ସ୍ଥାନରୁ ଆଉ ଏକ ସ୍ଥାନକୁ ଯିବ।
ଷ୍ଟାରଶିପ୍ ଲସ୍ ଏଞ୍ଜେଲେସ୍ରୁ ଟରଣ୍ଟୋ ପାଖାପାଖି ୨୪ ମିନିଟ୍ରେ ହିଁ ପହଞ୍ଚି ପାରିବ। ଲଣ୍ଡନରୁ ନ୍ୟୁୟର୍କ ଯାଏ ପହଞ୍ଚିବାରେ ପାଖାପାଖି ୨୯ ମିନିଟ୍ ଲାଗିବ। ଦିଲ୍ଲୀରୁ ଆମେରିକାର ସାନ୍ ଫ୍ରାନ୍ସିସକୋ ଯାଏ ପହଞ୍ଚିବାରେ ପାଖାପାଖି ଅଧ ଘଣ୍ଟାର ହିଁ ସମୟ ଲାଗିବ। ନ୍ୟୁୟର୍କରୁ ଚୀନର ସାଂଘାଇ ଯାଏ ଲୋକେ ପାଖାପାଖି ୩୯ ମିନିଟ୍ର ସମୟରେ ହିଁ ପହଞ୍ଚି ପାରିବେ। ଏହି ସ୍ପେସ୍କ୍ରାଫ୍ଟ ପାଖାପାଖି ୩୯୫ ଫୁଟ୍ ଲମ୍ୱା ହେବ ଏବଂ ତୀବ୍ର ବେଗରେ ଚାଲିବ।
ଏଥିରେ ଏକାସାଙ୍ଗରେ ଏକ ହଜାରେ ଯାତ୍ରୀଙ୍କ ପାଇଁ ବସିବାର କ୍ଷମତା ରହିବ। ହେଲେ ଯାତ୍ରୀଙ୍କୁ ଉଡ଼ାଣ ଭରିବା ସମୟରେ ଗ୍ରାଭିଟେସନାଲ ଫୋର୍ସର ସାମ୍ନା କରିବାକୁ ପଡ଼ିପାରେ ଏବଂ ଏହି ସମୟରେ ନିଜର ସିଟ୍ ବେଲ୍ଟକୁ ଟାଇଟ୍ରେ ବାନ୍ଧି ରଖିବାକୁ ହେବ।
ଏହି ପ୍ରୋଜେକ୍ଟକୁ ନେଇ ଜଣେ ୟୁଜର ଏଲେକ୍ସ ଏକ୍ସରେ ଭିଡ଼ିଓ ମଧ୍ୟ ପୋଷ୍ଟ କରିଛନ୍ତି। ଏଥିରେ କୁହାଯାଇଛି ଯେ କେମିତି ଏହି ପ୍ରୋଜେକ୍ଟ କାମ କରିବ। ପ୍ରଥମେ ରକେଟ୍ ଉଡାଣ ଭରିବ ଏବଂ ପୁଣି ମହାକାଶ ମଧ୍ୟ ଦେଇ ପୁଣି ପୃଥିବୀକୁ ଫେରିବ।। ପୃଥିବୀରେ କୌଣସି ବି ସ୍ଥାନରେ ଘଣ୍ଟାଏ ଭିତରେ ପହଞ୍ଚି ପାରିବ।
