କାଲି ଶଙ୍ଖ ଭବନରେ ଗଣ୍ଡଗୋଳ, ଆଜି ପୂର୍ବତନ ମନ୍ତ୍ରୀଙ୍କୁ ଟାର୍ଗେଟ୍
ଗତକାଲି ଶଙ୍ଖ ଭବନରେ ଗଣ୍ଡଗୋଳ। ଆଉ ଆଜି ପାଲଟା ଅଭିଯୋଗ। ଭୁବନେଶ୍ବର ବିଜେଡିର ଗୋଷ୍ଠୀ କନ୍ଦଳ ସତେ ଯେମିତି ଥମିବାର ନାଁ ଧରୁନି। ଶଙ୍ଖ ଭବନରେ କର୍ପୋରେଟର ଅମରେଶ ଜେନା ଓ ବିରଞ୍ଚି ମହାସୂପକାରଙ୍କୁ ବିରୋଧ ପରେ ଆଜି ଉଭୟ ମୁହଁ ଖୋଲିଛନ୍ତି।
ତେଜିଲା ଭୁବନେଶ୍ବର ବିଜେଡି ବିବାଦ । ଗତକାଲି ଶଙ୍ଖ ଭବନ ହଙ୍ଗାମା ପରେ ଘନେଇଲା ବ୍ଲେମ୍ ଗେମ୍ । ପୂର୍ବତନ ମନ୍ତ୍ରୀ ଅଶୋକ ପଣ୍ଡାଙ୍କ ଇଙ୍ଗିତରେ ବିଶୃଙ୍ଖଳା ଭିଆଯାଇଛି ବୋଲି ଅଭିଯୋଗ ଆଣିଲେ ଦଳର ଦୁଇ ବିଦ୍ରୋହୀ କର୍ପୋରେଟର । ଆଜି ଗଣମାଧ୍ୟମକୁ ପ୍ରତିକ୍ରିୟା ଦେଇ ଅମରେଶ ଜେନା ଓ ବିରଞ୍ଚି ମହାସୂପକାର କହିଛନ୍ତି ଅଶୋକ ପଣ୍ଡାଙ୍କ ପାଇଁ ଭୁବନେଶ୍ବର ବିଜେଡିରେ ବିଶୃଙ୍ଖଳା ଦେଖା ଦେଉଛି । ଗତକାଲି ଶଙ୍ଖ ଭବନକୁ ଜଣେ ବିଜେପି ସଦସ୍ୟ ରାଜେଶ ପାତ୍ରଙ୍କୁ ଆଣି ଅଶୋକ ଗଣ୍ଡଗୋଳ କରାଇଛନ୍ତି । ଏନେଇ ଆମେ ସୁପ୍ରିମୋଙ୍କୁ ଅଭିଯୋଗ କରିବୁ।
