କାଶ୍ମୀରୀ ଝିଅଙ୍କ ରାହୁଲଙ୍କୁ ପ୍ରଶ୍ନ; ଆପଣ କେବେ ବିବାହ କରିବେ...ଏମିତି ଉତ୍ତର ରଖିଲେ ସାଂସଦ...

ନୂଆଦିଲ୍ଲୀ 27/08 : କଂଗ୍ରେସ ସାଂସଦ ରାହୁଲ ଗାନ୍ଧୀ ସବୁବେଳେ  ରୁହନ୍ତି ଚର୍ଚ୍ଚାରେ। ରାଜନୈତିକ ବୟାନ ବାଜି ହେଉ କି ବିବାହ। ଏବେ ବି ସେ ଗୋଟିଏ ପ୍ରଶ୍ନର ଉତ୍ତର ଦେଇ ଚର୍ଚ୍ଚାରେ। ଅଗଷ୍ଟ 21ରେ ରାହୁଲ ଗାନ୍ଧୀ ଜାମ୍ମୁ କାଶ୍ମୀର ଗସ୍ତ କରିଥିଲେ। ସେଠାରେ ପହଞ୍ଚି ସେ କଶ୍ମୀରର କିଛି ଛାତ୍ରୀଙ୍କ ସହ କଥା ହୋଇଥିଲେ। ଏହି ବାର୍ତ୍ତାଳାପ ସମୟରେ ଛାତ୍ରୀମାନେ ରାହୁଲ ଗାନ୍ଧୀଙ୍କୁ ବିବାହ ସମ୍ବନ୍ଧୀୟ ପ୍ରଶ୍ନ ପଚାରିଥିଲେ, ଯାହାକୁ ସେ ଖୁବ୍ ନିଆରା ଢଙ୍ଗରେ ସାମ୍ନା କରିଥିଲେ। ଏହି ମଜାଦାର ମୁହୂର୍ତ୍ତର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବାପରେ ଖୁବ୍ ଚର୍ଚ୍ଚା। 

କିଛି ସମୟ ସାକ୍ଷାତକାରରେ  ରାହୁଲ ଗାନ୍ଧୀ କାଶ୍ମୀର ଛାତ୍ରଛାତ୍ରୀଙ୍କ ସହ ପ୍ରତ୍ୟେକ ବିଷୟରେ ଆଲୋଚନା କରିଥିଲେ। କାଶ୍ମୀର ଭବିଷ୍ୟତ ଠାରୁ ନେଇ ଝିଅମାନଙ୍କର ପାଠପଢ଼ା,   ରାଜନୀତି, ନିଯୁକ୍ତି  ସୁଯୋଗ ପର୍ଯ୍ୟନ୍ତ।  ଏହି ସମୟ ମଧ୍ୟରେ ଜଣେ ଛାତ୍ରୀ ତାଙ୍କୁ ବିବାହ ସମ୍ବନ୍ଧୀୟ ଏକ ପ୍ରଶ୍ନ ପଚାରିଥିଲେ । ସେ ପଚାରିଲା, 'ରାହୁଲ ଜୀ, ଆପଣ  କେବେ ବିବାହ କରିବେ?' ଏହି ପ୍ରଶ୍ନର ଉତ୍ତରରେ ରାହୁଲ ଗାନ୍ଧୀ ହସିଦେଲେ। ଆଉ କହିଲେ ବର୍ତ୍ତମାନ ପର୍ଯ୍ୟନ୍ତ ଏହା ପାଇଁ କୌଣସି ଯୋଜନା ନାହିଁ। ଯଦି ଏହା ହୁଏ ତେବେ ଠିକ୍ ଅଛି।  ମୁଁ ଗତ 20-30 ବର୍ଷ ଧରି ବିବାହ କରିବାର ଏହି ଚାପରୁ ବାହାରି ଆସିଛି । ପୁଣି ଏକ ସୁନ୍ଦର ସ୍ମାଇଲ୍ ସହ କହିଲେ ଏହା ଏକ ଭଲ ଜିନିଷ।  ଏହି ବାର୍ତ୍ତାଳାପରେ ଜଣେ ଛାତ୍ରୀ ରାହୁଲ ଗାନ୍ଧୀଙ୍କୁ କହିଥିଲେ ଯେ ଯେତେବେଳେ ଆପଣ ଏହା କରିବେ, ଆପଣ ନିଶ୍ଚିତ ଭାବରେ ଆମକୁ ବିବାହକୁ ନିମନ୍ତ୍ରଣ କରିବେ। ସେ ନିଶ୍ଚିତ ବୋଲି କହିଥିଲେ। 

The women of Kashmir have strength, resilience, wisdom and a whole lot to say.

But are we giving them a chance for their voices to be heard? pic.twitter.com/11Te8MM5fH— Rahul Gandhi (@RahulGandhi) August 26, 2024

ଏହା ପ୍ରଥମ ଘଟଣା ନୁହେଁ ଯେ ରାହୁଲ ଗାନ୍ଧୀ ତାଙ୍କ ବିବାହ ସହ ଜଡିତ ପ୍ରଶ୍ନର ସମ୍ମୁଖୀନ ହୋଇଛନ୍ତି। ପ୍ରତ୍ୟେକ ଥର ତାଙ୍କର ଉତ୍ତର ଥାଏ ଭିନ୍ନ ଭିନ୍ନ । କେତେବେଳେ କୁହନ୍ତି ଯେତେବେଳେ ସଠିକ୍ ଝିଅ  ମିଳିବ। ଆଉ କେତେବେଳେ କୁହନ୍ତି  ବର୍ତ୍ତମାନ ମୁଁ ପାର୍ଟି କାର୍ଯ୍ୟରେ ସଂପୂର୍ଣ୍ଣ ଭାବେ ବ୍ୟସ୍ତ ଅଛି । 

ଗତ ବର୍ଷ ଜୁନ୍ ମାସରେ ମଧ୍ୟ ରାହୁଲ ଗାନ୍ଧୀଙ୍କ ବିବାହକୁ ନେଇ ଏକ ଭିଡିଓ ସୋସିଆଲ ମିଡିଆରେ ଟ୍ରେଣ୍ଡ ହୋଇଥିଲା। ସେହି ସମୟରେ ରାହୁଲ ଗାନ୍ଧୀ ଲାଲୁ ଯାଦବଙ୍କ ଏହି ପ୍ରଶ୍ନର ସମ୍ମୁଖୀନ ହୋଇଥିଲେ। ପାଟନାରେ ଏକ ମେଗା ବିରୋଧୀ ସଭା ସମୟରେ ଲାଲୁ ଯାଦବ ମଧ୍ୟ ରାହୁଲ ଗାନ୍ଧୀଙ୍କୁ ବିବାହ କରିବାକୁ କହିଥିଲେ। ଆଉ ଏକଥା ବି କହିଥିଲେ, ବିବାହ କର, ଆମେ ବିବାହ ଶୋଭାଯାତ୍ରାରେ ଯିବା ।  କଂଗ୍ରେସ ନେତା ହସି ହସି ଉତ୍ତର ଦେଲେ – ଏବେ ଆପଣ ଯେତେବେଳେ ଏହି କଥା କହିଦେଲେ , ତାହେଲେ ଏହା ହିଁ ଘଟିବ।  ଗତ ବର୍ଷ ଅକ୍ଟୋବରରେ, ଜୟପୁରର ମହାରାଣୀ ମହାବିଦ୍ୟାଳୟର ଛାତ୍ରୀମାନଙ୍କ ସହ କଥାବାର୍ତ୍ତା ସମୟରେ ରାହୁଲ ଗାନ୍ଧୀଙ୍କୁ ସମାନ ପ୍ରଶ୍ନ ପଚରାଯାଇଥିଲା।

Also Read- କେ. କବିତାଙ୍କୁ ସୁପ୍ରିମକୋର୍ଟରୁ ସର୍ତ୍ତମୂଳକ ଜାମିନ୍; ଦିଲ୍ଲୀ ଅବକାରୀ ନୀତି ମାମଲାରେ ଇଡି-ସିବିଆଇକୁ ଝଟକା