କିଏ ଜିତିବ ହରିୟାଣା, କାହାର ହେବ ଜମ୍ମୁ-କାଶ୍ମୀର ? ଭୋଟ୍ ଗଣତି ଜାରି, ଅପରାହ୍ଣ ସୁଦ୍ଧା ଜନାଦେଶ
ନୂଆଦିଲ୍ଲୀ ୦୮/୧୦: ହରିୟାଣାରେ ବିଜେପିର ହ୍ୟାଟ୍ରିକ୍ ନା କମ୍ବ୍ୟାକ୍ କରିବ କଂଗ୍ରେସ । ସେପଟେ କାହାର ହେବ ଘାଟି ରାଜ୍ୟ ଜମ୍ମୁ-କାଶ୍ମୀର । ଦୁଇ ରାଜ୍ୟରେ ବିଧାନସଭା ନିର୍ବାଚନ ଭୋଟ୍ ଗଣତି ଆରମ୍ଭ ହୋଇଛି । ପ୍ରଥମେ ପୋଷ୍ଟାଲ୍ ବାଲଟ୍ କାଉଣ୍ଟିଂ ହେଉଛି ପରେ ଇଭିଏମ୍ ଭୋଟ୍ ଗଣତି ହେବ । ସକାଳ ୮ରୁ ଭୋଟ୍ ଗଣନା ଆରମ୍ଭ ହୋଇଥିବା ମଧ୍ୟାହ୍ଣ ସୁଦ୍ଧା ଫଳାଫଳ ଚିତ୍ର ସ୍ପଷ୍ଟ ହୋଇଯିବ । ଭୋଟ୍ ଗଣତି ପାଇଁ ଦୁଇ ରାଜ୍ୟରେ ବ୍ୟାପକ ସୁରକ୍ଷା ବ୍ୟବସ୍ଥା ହୋଇଛି । ଲୋକସଭା ନିର୍ବାଚନ ପରେ ଏହା ପ୍ରଥମ ବଡ ରାଜନୈତିକ ଲଢ଼େଇ ହୋଇଥିବାରୁ ଫଳାଫଳକୁ ନେଇ ଜାତୀୟ ଦଳ ଠାରୁ ଆରମ୍ଭ କରି ଆଞ୍ଚଳିକ ଦଳମାନଙ୍କ ଭିତରେ ବେଶ୍ ଉତ୍କଣ୍ଠା ଲାଗି ରହିଛି । ବିଭିନ୍ନ ସଂସ୍ଥ ପକ୍ଷରୁ କରାଯାଇଥିବା ଏକ୍ଜିଟ ପୋଲ୍ ଅନୁସାରେ ହରିଆଣାରେ କଂଗ୍ରେସ ଓ ଜମ୍ମୁ-କାଶ୍ମୀରରେ ଝୁଲା ସରକାର ହେବାର ସମ୍ଭାବନା ରହିଛି । ଜମ୍ମୁ-କାଶ୍ମୀରରେ ତିନୋଟି ପର୍ଯ୍ୟାୟରେ ମତଦାନ ହୋଇଛି । ହେଲେ ହରିୟାଣାରେ ଗୋଟିଏ ପର୍ଯ୍ୟାୟରେ ଭୋଟିଂ ହୋଇଛି । ଜମ୍ମୁ-କାଶ୍ମୀର ପ୍ରଥମ ପର୍ଯ୍ୟାୟରେ ୬୧.୩୮ ପ୍ରତିଶତ, ଦ୍ବିତୀୟ ପର୍ଯ୍ୟାୟରେ ୫୭.୩୧ ପ୍ରତିଶତ ଏବଂ ତୃତୀୟ ପର୍ଯ୍ୟାୟରେ ୬୫.୪୮ ପ୍ରତିଶତ ମତଦାନ ରେକର୍ଡ କରାଯାଇଛି । ୧୦୧ ମହିଳା ଓ ୪୬୪ ସ୍ୱାଧୀନ ପ୍ରାର୍ଥୀଙ୍କ ସମେତ ୧୦୩୧ ପ୍ରାର୍ଥୀ ଚଳିତଥର ନିର୍ବାଚନରେ ସେମାନଙ୍କ ଭାଗ୍ୟ ପରୀକ୍ଷା କରିଛନ୍ତି । ସେହିପରି ହରିୟ
ନୂଆଦିଲ୍ଲୀ ୦୮/୧୦: ହରିୟାଣାରେ ବିଜେପିର ହ୍ୟାଟ୍ରିକ୍ ନା କମ୍ବ୍ୟାକ୍ କରିବ କଂଗ୍ରେସ । ସେପଟେ କାହାର ହେବ ଘାଟି ରାଜ୍ୟ ଜମ୍ମୁ-କାଶ୍ମୀର । ଦୁଇ ରାଜ୍ୟରେ ବିଧାନସଭା ନିର୍ବାଚନ ଭୋଟ୍ ଗଣତି ଆରମ୍ଭ ହୋଇଛି । ପ୍ରଥମେ ପୋଷ୍ଟାଲ୍ ବାଲଟ୍ କାଉଣ୍ଟିଂ ହେଉଛି ପରେ ଇଭିଏମ୍ ଭୋଟ୍ ଗଣତି ହେବ । ସକାଳ ୮ରୁ ଭୋଟ୍ ଗଣନା ଆରମ୍ଭ ହୋଇଥିବା ମଧ୍ୟାହ୍ଣ ସୁଦ୍ଧା ଫଳାଫଳ ଚିତ୍ର ସ୍ପଷ୍ଟ ହୋଇଯିବ । ଭୋଟ୍ ଗଣତି ପାଇଁ ଦୁଇ ରାଜ୍ୟରେ ବ୍ୟାପକ ସୁରକ୍ଷା ବ୍ୟବସ୍ଥା ହୋଇଛି । ଲୋକସଭା ନିର୍ବାଚନ ପରେ ଏହା ପ୍ରଥମ ବଡ ରାଜନୈତିକ ଲଢ଼େଇ ହୋଇଥିବାରୁ ଫଳାଫଳକୁ ନେଇ ଜାତୀୟ ଦଳ ଠାରୁ ଆରମ୍ଭ କରି ଆଞ୍ଚଳିକ ଦଳମାନଙ୍କ ଭିତରେ ବେଶ୍ ଉତ୍କଣ୍ଠା ଲାଗି ରହିଛି । ବିଭିନ୍ନ ସଂସ୍ଥ ପକ୍ଷରୁ କରାଯାଇଥିବା ଏକ୍ଜିଟ ପୋଲ୍ ଅନୁସାରେ ହରିଆଣାରେ କଂଗ୍ରେସ ଓ ଜମ୍ମୁ-କାଶ୍ମୀରରେ ଝୁଲା ସରକାର ହେବାର ସମ୍ଭାବନା ରହିଛି ।
ଜମ୍ମୁ-କାଶ୍ମୀରରେ ତିନୋଟି ପର୍ଯ୍ୟାୟରେ ମତଦାନ ହୋଇଛି । ହେଲେ ହରିୟାଣାରେ ଗୋଟିଏ ପର୍ଯ୍ୟାୟରେ ଭୋଟିଂ ହୋଇଛି । ଜମ୍ମୁ-କାଶ୍ମୀର ପ୍ରଥମ ପର୍ଯ୍ୟାୟରେ ୬୧.୩୮ ପ୍ରତିଶତ, ଦ୍ବିତୀୟ ପର୍ଯ୍ୟାୟରେ ୫୭.୩୧ ପ୍ରତିଶତ ଏବଂ ତୃତୀୟ ପର୍ଯ୍ୟାୟରେ ୬୫.୪୮ ପ୍ରତିଶତ ମତଦାନ ରେକର୍ଡ କରାଯାଇଛି । ୧୦୧ ମହିଳା ଓ ୪୬୪ ସ୍ୱାଧୀନ ପ୍ରାର୍ଥୀଙ୍କ ସମେତ ୧୦୩୧ ପ୍ରାର୍ଥୀ ଚଳିତଥର ନିର୍ବାଚନରେ ସେମାନଙ୍କ ଭାଗ୍ୟ ପରୀକ୍ଷା କରିଛନ୍ତି । ସେହିପରି ହରିୟାଣାରେ ୬୭.୯ ପ୍ରତିଶତ ଭୋଟିଂ ହୋଇଥିବା ନିର୍ବାଚନ କମିଶନଙ୍କ ପକ୍ଷରୁ ସ୍ପଷ୍ଟ ହୋଇଛି ।
ଜମ୍ମୁ-କାଶ୍ମୀରରୁ ୨୦୧୯ରେ ଧାରା ୩୭୦ ଉଚ୍ଛେଦ ପରେ ଏହା ପ୍ରଥମ ନିର୍ବାଚନ । ଯଦିଓ ଏହା କେନ୍ଦ୍ର ଶାସିତ ଅଞ୍ଚଳ ହୋଇରହିଛି ତଥାପି ବିଧାନସଭା ନିର୍ବାଚନରେ ବିଜୟୀ ହୋଇ ‘ନୂଆ କାଶ୍ମୀର’ରେ ପ୍ରଥମଥର ପାଇଁ ସରକାର ଗଢ଼ିବାକୁ ପ୍ରମୁଖ ଦଳମାନେ ଆଶାବାଦୀ ଅଛନ୍ତି । ବିକାଶ ଓ ଆତଙ୍କବାଦ ଦମନକୁ ମୁଖ୍ୟ ପ୍ରସଙ୍ଗ କରି ବିଜେପି ଜନମତ ପାଇବାକୁ ଆଶା ରଖିଛି । ଅନ୍ୟପକ୍ଷରେ ଧାରା ୩୭୦ ଉଚ୍ଛେଦ ହିଁ କଂଗ୍ରେସ-ଏନ୍ସି ମଧ୍ୟରେ ମେଣ୍ଟ ଗଠନକୁ ସୁଦୃଢ଼ କରିଛି । ଇଣ୍ଡିଆ ମେଣ୍ଟର ଅଂଶୀଦାର ଥିବା ଏହି ଦୁଇଦଳ କ୍ଷମତା ଦଖଲ କରିବେ ବୋଲି ଆଶାବାଦୀ ଅଛନ୍ତି ।
ହରିଆଣାରେ ବିଜେପି ତୃତୀୟଥର ପାଇଁ କ୍ଷମତାକୁ ଫେରିବ ବୋଲି ଆଶାବାଦୀ ଅଛି । କିଛିମାସ ତଳେ ମୁଖ୍ୟମନ୍ତ୍ରୀ ପରିବର୍ତ୍ତନ କରିବା ଓ ରାଜ୍ୟରେ ବହୁଥିବା ସରକାର ବିରୋଧୀ ହାୱାକୁ ମାତ୍ ଦେଇ ବିଜେପି କ୍ଷମତାସୀନ ହେବ ବୋଲି ଆଶା ରଖିଛି । ଅନ୍ୟପକ୍ଷରେ ଦୀର୍ଘ ୧୦ ବର୍ଷ ହେଲା ବିରୋଧୀ ଦଳରେ ବସିଥିବା କଂଗ୍ରେସ ଏଥର କିନ୍ତୁ ବିଜେପିକୁ ତଡି କ୍ଷମତା ଦଖଲ କରିବ ବୋଲି ଦୃଢ଼ୋକ୍ତି ପ୍ରକାଶ କରିଛି ।
