କିଏ ସେ ଇନଫ୍ଲୁଏନ୍ସର ଶର୍ମିଷ୍ଠା ପନୋଲି? ଯିଏ ଇସଲାମ -ବଲିଉଡ ଅଭିନେତାଙ୍କ ଉପରେ ଦେଇଥିଲେ ବିବାଦୀୟ ବୟାନ

ନୂଆଦିଲ୍ଲୀ ୦୨।୦୬; ଇନଷ୍ଟାଗ୍ରାମ ଇନଫ୍ଲୁଏନ୍ସର ଶର୍ମିଷ୍ଠା ପନୋଲି। ତାଙ୍କୁ ହରିୟାଣାର ଗୁରୁଗ୍ରାମରୁ କୋଲକାତା ପୋଲିସ ଗିରଫ କରିଛି। ଏହା ପରେ, ତାଙ୍କୁ ଶନିବାର କୋଲକାତାର ଆଲିପୁର କୋର୍ଟରେ ହାଜର କରାଯାଇଥିଲା। କୋର୍ଟ ତାଙ୍କୁ ୧୪ ଦିନ ପାଇଁ ନ୍ୟାୟିକ ହାଜତରେ ଜେଲ ପଠାଇ ଦେଇଛନ୍ତି। ଅଭିଯୋଗ ହୋଇଛି ଯେ ଶର୍ମିଷ୍ଠା ଏକ ବିବାଦୀୟ ଭିଡିଓ କରି ସୋସିଆଲ ମିଡିଆରେ ଅପଲୋଡ୍ କରିଥିଲେ। ଯାହା ଧାର୍ମିକ ଭାବନାକୁ ଆଘାତ ଦେଇଥିଲା। ସେବେଠାରୁ ସେ ନିରନ୍ତର ସମାଲୋଚକଙ୍କ ଟାର୍ଗେଟକୁ ଆସିଥିଲେ।ହେଲେ ପରେ ସେ ଭିଡିଓଟି ଡିଲିଟ୍ କରିଦେଇଥିଲେ ଏବଂ କ୍ଷମା ମଧ୍ୟ ମାଗିଥିଲେ। ଆସନ୍ତୁ ଜାଣିବା ଶର୍ମିଷ୍ଠା ପାନୋଲି କିଏ ?

ଶର୍ମିଷ୍ଠା ପନୋଲି କିଏ?

୨୨ ବର୍ଷୀୟା ଇନ୍‌ଫ୍ଲୁଏନ୍ସର ଶର୍ମିଷ୍ଠା ପନୋଲି ପୁଣେର ବାସିନ୍ଦା। ସେ ପୁଣେ ବିଶ୍ୱବିଦ୍ୟାଳୟର ଆଇନ ଛାତ୍ରୀ। ତାଙ୍କର ପ୍ରାରମ୍ଭିକ ଶିକ୍ଷା ମଧ୍ୟ ପୁଣେର ଏକ ସ୍କୁଲରୁ ହୋଇଥିଲା। ଏହି ଦିନ ସେ ଜଣେ ପାରିବାରିକ ବନ୍ଧୁଙ୍କୁ ଭେଟିବାକୁ ଗୁରୁଗ୍ରାମ ଆସିଥିଲେ। 14 ମଇରେ, ସେ ତାଙ୍କ ଆକାଉଣ୍ଟରେ ଏକ ବିବାଦୀୟ ଭିଡିଓ ଅପଲୋଡ୍ କରିଥିଲେ। ଯାହା ବହୁତ ଶୀଘ୍ର ଭାଇରାଲ ହୋଇଥିଲା। ସୋସିଆଲ ମିଡିଆରେ କଡ଼ା ପ୍ରତିକ୍ରିୟା ପାଇବା ପରେ, ପନୋଲି ଏହି ଭିଡିଓକୁ ସୋସିଆଲ ମିଡିଆରୁ ହଟାଇ ଦେଇଥିଲେ। ବିବାଦ ବଢ଼ିବା ପରେ, ସେ ମଧ୍ୟ କ୍ଷମା ମାଗିଥିଲେ।

ଅପରେସନ୍ ସିନ୍ଦୂର ଆଳରେ ବିବାଦୀୟ ମନ୍ତବ୍ୟ

ଶର୍ମିଷ୍ଠା ପାନୋଲି ସୋସିଆଲ ମିଡିଆରେ ଏକ ବିବାଦୀୟ ଭିଡିଓ ଅପଲୋଡ୍ କରିଛନ୍ତି। ଏହି ଭିଡିଓରେ ଶର୍ମିଷ୍ଠା ଅନେକ ବଲିଉଡ୍ ଅଭିନେତାଙ୍କ ଉପରେ ଅଶାଳୀନ ମନ୍ତବ୍ୟ ଦେଇଛନ୍ତି ଯେଉଁମାନେ ଅପରେସନ୍ ସିନ୍ଦୂର ଉପରେ କିଛି କହିନଥିଲେ। କେବଳ ଏତିକି ନୁହେଁ, ଶର୍ମିଷ୍ଠା ଇସଲାମ ଧର୍ମ ଉପରେ ମଧ୍ୟ ବିବାଦୀୟ ମନ୍ତବ୍ୟ ଦେଇଛନ୍ତି। ଭିଡିଓଟି ସୋସିଆଲ ମିଡିଆରେ ଖୁବ୍‌ ଭାଇରାଲ ହୋଇଥିଲା। ଏହା ପରେ, ସୋସିଆଲ ମିଡିଆରେ ୟୁଜର୍ସମାନେ ଏହି ଭିଡିଓ ଉପରେ କଡ଼ା ପ୍ରତିକ୍ରିୟା ଦେଇଥିଲେ ଏବଂ ଶର୍ମିଷ୍ଠାଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଦାବି କରିବା ଆରମ୍ଭ କରିଛନ୍ତି।

ଟ୍ରୋଲିଂ ସହିତ ମିଳିଛୁ ଧମକ

କଥା କୁହାଯାଉଛି ଯେ ଶର୍ମିଷ୍ଠାଙ୍କ ଏହି ବିବାଦୀୟ ଭିଡିଓ ଭାଇରାଲ୍ ହେବା ପରେ, ତାଙ୍କୁ ଟ୍ରୋଲ୍ କରାଯିବା ଆରମ୍ଭ ହୋଇଛି। ସୋସିଆଲ୍ ମିଡିଆର ବିଭିନ୍ନ ପ୍ଲାଟଫର୍ମରେ ଶର୍ମିଷ୍ଠାଙ୍କ ଉପରେ ଅଶାଳୀନ ମନ୍ତବ୍ୟ ଦିଆଯାଇଥିଲା। ଏହା ବ୍ୟତୀତ ତାଙ୍କୁ ଧମକପୂର୍ଣ୍ଣ ବାର୍ତ୍ତା ମଧ୍ୟ ପଠାଯାଇଥିଲା। ସେହି ସମୟରେ, ଅନେକ ଜଣାଶୁଣା ବ୍ୟକ୍ତିତ୍ୱ ମଧ୍ୟ ଶର୍ମିଷ୍ଠାଙ୍କୁ  ସମାଲୋଚନା କରିବା ସହ ଏବଂ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରିଥିଲେ।

#WATCH | Kolkata: Sharmistha Panoli, arrested from Gurugram by Kolkata Police for allegedly hurting religious sentiments through her comments on social media, produced in Alipore Court in Kolkata. pic.twitter.com/T1NQCruPAm— ANI (@ANI) May 31, 2025

କ୍ଷମା ମାଗିବା ପରେ ଗିରଫ

ସୋସିଆଲ୍ ମିଡିଆରେ ସମାଲୋଚନାର ସମ୍ମୁଖୀନ ହେବା ପରେ, ଶର୍ମିଷ୍ଠା ତାଙ୍କ ଆକାଉଣ୍ଟରୁ ଭିଡିଓଟିକୁ ହଟାଇ କ୍ଷମା ମାଗିଥିଲେ। ହେଲେ ଏହା ପୂର୍ବରୁ କୋଲକାତା ପୋଲିସ ତାଙ୍କ ବିରୁଦ୍ଧରେ ମାମଲା ରୁଜୁ କରିସାରିଥିଲା । ଏହା ପରେ, ଆଇନଗତ ନୋଟିସ୍ ଜାରି କରାଯାଇଥିଲା। କୌଣସି ଉତ୍ତର ନ ପାଇବାରୁ, କୋର୍ଟ ଦ୍ୱାରା ତାଙ୍କ ବିରୋଧରେ ଗିରଫ ପରୱାନା ଜାରି କରାଯାଇଥିଲା ଏବଂ ଶୁକ୍ରବାର ରାତିରେ କୋଲକାତା ପୋଲିସ ପନୋଲିଙ୍କୁ ଗୁରୁଗ୍ରାମରୁ ଗିରଫ କରିଥିଲା।