କିଟ୍ ରେ CBSE ଇଣ୍ଟରନ୍ୟାସନାଲ ସନ୍ତରଣ ପ୍ରତିଯୋଗୀତା,ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଡ. ଅଚ୍ୟୁତ ସାମନ୍ତ

କିଟ୍ ବିଶ୍ଵବିଦ୍ୟାଳୟରେ ଆରମ୍ଭ ହେଲା CBSE ଇଣ୍ଟରନ୍ୟାସନାଲ ସନ୍ତରଣ ପ୍ରତିଯୋଗିତା ୨୦୨୪  ।  ମୁଖ୍ୟ ଅତିଥି ଭାବେ କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ଯୋଗ ଦେଇ ଏହି ପ୍ରତିଯୋଗିତାକୁ ଉଦଘାଟନ କରିଥିଲେ ।  ଏହି ଅବସରରେ କହିଛନ୍ତି ପିଲାମାନଙ୍କର ସଫଳତାର ମେରୁଦଣ୍ଡ ହେଉଛନ୍ତି ପିତାମାତା ।  ପିଲାଙ୍କ ଉଜ୍ଜ୍ବଳ ଭବିଷ୍ୟତ ପିତାମାତାଙ୍କ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଉପରେ ନିର୍ଭର କରିଥାଏ ।

କେବଳ ପାଠପଢ଼ା ନୁହେଁ ପଢା ସହ ଖେଳକୁଦ ଓ ଅନ୍ୟାନ୍ୟ କାର୍ଯ୍ୟ କରିବା ଦରକାର । ପ୍ରତିଯୋଗୀତାରେ ଅଂଶ ଗ୍ରହଣ କରିଥିବା ସନ୍ତରଣକାରୀଙ୍କୁ ଶୁଭେଚ୍ଛା ଜଣାଇବା ସହ ଆଶୀର୍ବାଦ ପ୍ରଦାନ କରିଥିଲେ ଡ. ଅଚ୍ୟୁତ ସାମନ୍ତ । କିଟ୍ ଇଣ୍ଟରନ୍ୟାସନାଲ ଓ CBSE ର ମିଳିତ ସହଯୋଗରେ କିସ୍ ବିଶ୍ଵବିଦ୍ୟାଳୟରେ ଏହି ସନ୍ତରଣ ପ୍ରତିଯୋଗୀତା ଅନୁଷ୍ଠିତ ହେଉଛି । ଦେଶ ତଥା ଦେଶ ବାହାରୁ CBSEର ୩୦୦ ଅଧିକ ବିଦ୍ୟାଳୟରୁ ୨୦୦୦ରୁ ଅଧିକ ଛାତ୍ରଛାତ୍ରୀ ଓ ୫୦୦ରୁ ଅଧିକ କୋଚ୍ ଯୋଗ ଦେଇଛନ୍ତି।

ଏହି ସନ୍ତରଣ ପ୍ରତିଯୋଗୀତା ଆଜି ଠୁ ଆରମ୍ଭ ହୋଇ ଆସନ୍ତା ୧୪ ତାରିଖ ପର୍ଯ୍ୟନ୍ତ ଚାଲିବ। ଆଜିର ପ୍ରତିଯୋଗୀତାରେ କିଟ୍ ଓ କିସ୍ ପ୍ରତିଷ୍ଠାତା ଡ଼କ୍ଟର ଅଚ୍ୟୁତ ସାମନ୍ତ, କିଟ୍ କିସ୍ ବିଶ୍ଵବିଦ୍ୟାଳୟ କ୍ରୀଡ଼ା ନିର୍ଦ୍ଦେଶକ ଡକ୍ଟର ଗଗନେନ୍ଦୁ ଦାଶ , ନିତି ଆୟୋଗ ନିର୍ଦ୍ଦେଶକ ତଥା IFS ଅମିତ ବର୍ମା ଉପସ୍ଥିତି ରହିଥିଲେ ।

The post କିଟ୍ ରେ CBSE ଇଣ୍ଟରନ୍ୟାସନାଲ ସନ୍ତରଣ ପ୍ରତିଯୋଗୀତା,ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଡ. ଅଚ୍ୟୁତ ସାମନ୍ତ appeared first on KNews Odisha.