କୃଷକ ଓ ମଧ୍ୟବିତ୍ତଙ୍କ ବଢ଼ିବ ଆୟ, ବଡ଼ ନିଷ୍ପତ୍ତି ନେଲେ ମୋଦୀ ସରକାର

ନୂଆଦିଲ୍ଲୀ: କୃଷକ ଏବଂ ମଧ୍ୟବିତ୍ତଙ୍କ ଆୟ ବୃଦ୍ଧି ପାଇଁ କେନ୍ଦ୍ର ସରକାରଙ୍କ ବଡ ନିଷ୍ପତ୍ତି। କୃଷକଙ୍କ ଆୟ ଏବଂ ମଧ୍ୟବିତ୍ତଙ୍କ ଖାଦ୍ୟ ସୁରକ୍ଷା ବୃଦ୍ଧି ପାଇଁ ଏକ ବଡ ନିଷ୍ପତ୍ତି ନେଇଛନ୍ତି ମୋଦୀ ସରକାର। କେନ୍ଦ୍ର କ୍ୟାବିନେଟ ବୈଠକ ପରେ ଏନେଇ ସୂଚନା ଦେଇଛନ୍ତି କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ।

ସେ କହିଛନ୍ତି ଯେ ପ୍ରଧାନମନ୍ତ୍ରୀ ରାଷ୍ଟ୍ରୀୟ କୃଷି ବିକାଶ ଯୋଜନା ଓ କୃଷ୍ଣୌତି ଯୋଜନାକୁ କେନ୍ଦ୍ର କ୍ୟାବିନେଟର ଅନୁମୋଦନ ମିଳିଛି। ଏଥିପାଇଁ ୧,୦୧,୩୨୧ କୋଟିର ବଜେଟ୍‌ ରହିଛି। ଉଭୟ ସ୍କିମ୍ ଅଧୀନରେ ୯ଟି ଭିନ୍ନ ଯୋଜନା ରହିଛି।

ଏଥିସହ କେନ୍ଦ୍ର କ୍ୟାବିନେଟ୍ ୧୦,୧୦୩ କୋଟି ଟଙ୍କା ମୂଲ୍ୟର ଖାଇବା ତେଲ ଉପରେ ଜାତୀୟ ମିଶନକୁ ଅନୁମୋଦନ ଦେଇଛି। ଏହି ଯୋଜନା ଅଧୀନରେ ଥିବା ୯ଟି ଯୋଜନା ମଧ୍ୟରୁ ଏହା ଅନ୍ୟତମ ଏବଂ ଏହି ଯୋଜନା ଆଜି କ୍ୟାବିନେଟର ଅନୁମୋଦନ ଲାଭ କରିଛି। ଏହା ଅଧୀନରେ, ଏହି ଯୋଜନାର ଲକ୍ଷ୍ୟ ହେଉଛି ୨୦୩୧ ସୁଦ୍ଧା ଖାଇବା ତେଲର ଉତ୍ପାଦନ ୧.୨୭ କୋଟି ଟନରୁ ୨ କୋଟି ଟନ୍ କୁ ବୃଦ୍ଧି କରିବା।