କେଜରିଓ୍ବାଲ ପ୍ରଚାର ନ କଲେ ଆକାଶ ଛିଣ୍ଡି ପଡିବନି

ନୂଆଦିଲ୍ଲୀ,୭।୫: ଦିଲ୍ଲୀର ଏକ୍ସାଇଜ ପଲିସି ଜାଲିଆତି ଅଭିଯୋଗରେ ଜେଲରେ ଥିବା ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଆବେଦନର ମଙ୍ଗଳବାର ସୁପ୍ରିମକୋର୍ଟରେ ଶୁଣାଣି ହୋଇଛି। ଏହି ସମୟରେ, ତାଙ୍କ ବିରୋଧରେ ପ୍ରମାଣ ଥିବା ଦାବି କରି କେଜରିୱାଲଙ୍କ ଆବେଦନକୁ ଇଡି ବିରୋଧ କରିଥିଲା। କେଜରିୱାଲ ତାଙ୍କ ଆବେଦନରେ ଇଡି ଗିରଫକୁ ଚ୍ୟାଲେଞ୍ଜ କରିଛନ୍ତି।

ଏହାକୁ ନେଇ ଇଡି କହିଛି ସମାଜକୁ ଯେମିତି ଭୁଲ ବାର୍ତ୍ତା ନ ଯାଏ।
ସଲିସିଟର ଜେନେରାଲ କହିଛନ୍ତି ଯେ ଏହି ବାର୍ତ୍ତା ପଠାଯିବା ଉଚିତ ନୁହେଁ ଯେ ଆଇନ ଦୃଷ୍ଟିରେ ନେତା ସାଧାରଣ ନାଗରିକଙ୍କଠାରୁ ଭିନ୍ନ। ଏହା ଉପରେ ସୁପ୍ରିମକୋର୍ଟ କହିଛନ୍ତି, ଆମେ ମଧ୍ୟ ଏହି ଦିଗ ପ୍ରତି ଧ୍ୟାନ ଦେବୁ।
ସଲିସିଟର ଜେନେରାଲ ତୁଷାର ମେହେଟ୍ଟା କହିଛନ୍ତି, ନିର୍ବାଚନ ପ୍ରଚାର ଏକ ବିଳାସପୂର୍ଣ୍ଣ, ଫସଲ ପାଇଁ କାମ କରିବା ହେଉଛି ଚାଷୀଙ୍କ ଜୀବିକା। ଭୁଲ ବାର୍ତ୍ତା ସମାଜକୁ ପଠାଯିବ।
– ସୁପ୍ରିମକୋର୍ଟ କହିଛନ୍ତି, ଆମେ ସବୁକିଛି ଶୁଣିବା। ଆମେ ଏହା ମଧ୍ୟ ଲକ୍ଷ୍ୟ କରିଛୁ ଯେ ସେ୬ ମାସ ପାଇଁ ସମନ ପୂର୍ବରୁ ହାଜର ହେବା ଠାରୁ ଦୂରେଇ ରହିଥିଲେ।
– ତୁଷାର ମେହେଟ୍ଟା କହିଛନ୍ତି, କୋର୍ଟ ଏହାର ସତ୍ୟତା ଦେଖିବା ଉଚିତ। ସେମାନଙ୍କର ପ୍ରଚାର କରିବା ନ କରିବା ଚିନ୍ତାର ବିଷୟ ହୋଇପାରିବ ନାହିଁ । ଯଦି ପ୍ରଚାର କରା ନ ଯାଏ ତେବେ ଆକାଶ ଛିଣ୍ଡି ପଡ଼ିବ ନାହିଁ।

The post କେଜରିଓ୍ବାଲ ପ୍ରଚାର ନ କଲେ ଆକାଶ ଛିଣ୍ଡି ପଡିବନି appeared first on Dharitri Odia News.