କେନ୍ଦୁଝର ସହରରେ ଯୁବତୀଙ୍କ ତଣ୍ଟିକାଟି ହତ୍ୟା ଘଟଣା, ମୁଖ୍ୟ ଅଭିଯୁକ୍ତର ମୃତଦେହ ରେଳ ଧାରଣାରୁ ଉଦ୍ଧାର

କେନ୍ଦୁଝର : କେନ୍ଦୁଝର ସହରରେ ଯୁବତୀଙ୍କ ତଣ୍ଟିକାଟି ହତ୍ୟା ଘଟଣା  । ମୁଖ୍ୟ ଅଭିଯୁକ୍ତ ଅଜୟ ସାହୁର ମୃତଦେହ ଝାରସୁଗୁଡ଼ା ରେଳ ଧାରଣାରୁ ଉଦ୍ଧାର  । ଗତ ଶୁକ୍ରବାର ଦିନ କେନ୍ଦୁଝର ଟାଉନ ଥାନା ପବିତ୍ର ଡିହା ବରାଳ ଲଜ ଗଳିରେ ଭଡାରେ ରହୁଥିବା ରବୀନ୍ଦ୍ର ବେହେରାଙ୍କ ବଡ଼ ଝିଅ ମନୋରମା ବେହେରାଙ୍କ ତଣ୍ଟି କାଟି କେହି ଦୁବୃର୍ତ୍ତ ଫେରାର ହୋଇଯାଇଥିଲା  ।

ଘଟଣାରେ ଏସପି ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ  ।  ସିସିଟିଭି ଫୁଟେଜ ଓ ସାଇନ୍ଟିଫିକ ଟିମର ଯାଞ୍ଚ ପରେ ଘଟଣାର ମୁଖ୍ୟ ଅଭିଯୁକ୍ତ ଭଦ୍ରକ ଜିଲ୍ଲାର ଅଜୟ ସାହୁ ବୋଲି ଜାଣିବାକୁ ମିଳିଥିଲା ।  ହତ୍ୟାକାଣ୍ଡ ଘଟାଇବା ପରେ ଅଜୟ ସାହୁ ଫେରାର ରହିଥିଲା । ପୋଲିସ ୬ଟି ସ୍ପେଶାଲ ଟିମ୍ ଗଠନ କରି ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଥିଲା  ।  ଗତ ୪ ତାରିଖରେ ଝାରସୁଗଡା ରେଳ ଧାରଣାରୁ ଉଦ୍ଧାର ହୋଇଥିବା ମୃତଦେହ ଅଜୟ ସାହୁର ବୋଲି ପ୍ରେସମିଟରେ ସ୍ପଷ୍ଟ କରିଛନ୍ତି କେନ୍ଦୁଝର ଏସପି  ।

The post କେନ୍ଦୁଝର ସହରରେ ଯୁବତୀଙ୍କ ତଣ୍ଟିକାଟି ହତ୍ୟା ଘଟଣା, ମୁଖ୍ୟ ଅଭିଯୁକ୍ତର ମୃତଦେହ ରେଳ ଧାରଣାରୁ ଉଦ୍ଧାର appeared first on KNews Odisha.