କୋହଲିଙ୍କ ଫର୍ମଙ୍କୁ ନେଇ ଏମିତି କହିଦେଲେ କୋଚ ରାହୁଲ ଦ୍ରାବିଡ

ଗୁଏନା,୨୮।୬: ଟି-୨୦ ବିଶ୍ୱକପ ୨୦୨୪ର ସେମିଫାଇନାଲରେ ଇଂଲଣ୍ଡ ବିପକ୍ଷରେ ୬୮ ରନ ବିଜୟ ସହ ଫାଇନାଲରେ ପ୍ରବେଶ କରିଛି। ବର୍ତ୍ତମାନ ଜୁନ ୨୯ରେ ଟିମ ଇଣ୍ଡିଆ ଦକ୍ଷିଣ ଆଫ୍ରିକାକୁ ଭେଟିବ। ଭାରତ ତୃତୀୟ ଥର ପାଇଁ ଟି-୨୦ ବିଶ୍ୱକପ ଫାଇନାଲରେ ପ୍ରବେଶ କରିଛି। ଏହାପୂର୍ବରୁ ୨୦୦୭ ଏବଂ ୨୦୧୪ ରେ ଭାରତୀୟ ଦଳ ଫାଇନାଲ ମ୍ୟାଚ ଖେଳିଥିଲା। ଏହି ସମୟ ମଧ୍ୟରେ ମହେନ୍ଦ୍ର ସିଂ ଧୋନୀ ଟିମ ଇଣ୍ଡିଆର ଅଧିନାୟକ ଥିଲେ। ଯଦିଓ ଭାରତ ଫାଇନାଲ୍‌ରେ ପ୍ରବେଶ କରିଛି, କିନ୍ତୁ ବିରାଟ କୋହଲିଙ୍କ ଫର୍ମ ଦଳକୁ ଚିନ୍ତାରେ ପକାଇଛି।
ଏହି ବିଜୟ ପରେ ଟିମ ଇଣ୍ଡିଆର ମୁଖ୍ୟ କୋଚ ରାହୁଲ ଦ୍ରାବିଡ ବିରାଟ କୋହଲିଙ୍କ ଫର୍ମକୁ ନେଇ ମୁହଁ ଖୋଲିଛନ୍ତି। ସେ କହିଛନ୍ତି, ସେ ଟି-୨୦ରେ ସର୍ବଶ୍ରେଷ୍ଠ କରିବାକୁ ଚେଷ୍ଟା କରୁଛନ୍ତି। ଯେତେବେଳେ ଜଣେ କ୍ରିକେଟର୍‌ ପ୍ରତିଯୋଗିତାମୂଳ କ୍ରିକେଟ ଖେଳନ୍ତି, ବେଳେବେଳେ ନିଜ ଯୋଜନାରେ ସଫଳ ହୋଇପାରନ୍ତି ନାହିଁ। କୋହଲିଙ୍କ ସହ ତାହା ହିଁ ଘଟିଛି। ସେ ଟି-୨୦ରେ ସର୍ବଶ୍ରେଷ୍ଠ କରିବାକୁ ଚେଷ୍ଟା କରୁଛନ୍ତି। ମୁଁ ଭାବୁଛି ତାଙ୍କ ବ୍ୟାଟରୁ ଖୁବଶୀଘ୍ର ଏକ ବଡ ଇନିଂସ ଆସିବ। ମୁଁ ତାଙ୍କ ମନୋଭାବକୁ ବହୁତ ପସନ୍ଦ କରେ। ମୁଁ ଆଶା କରୁଛି ସେ ଫାଇନାଲ୍‌ ଭଲ ଖେଳିବେ।
ମ୍ୟାଚ ପରେ ବିରାଟଙ୍କ ଫର୍ମ ବିଷୟରେ ପ୍ରଶ୍ନ ପଚାରିଥିଲେ, ଅଧିନାୟକ ରୋହିତ କହିଛନ୍ତି – କୋହଲି ଜଣେ ଗୁଣାତ୍ମକ ଖେଳାଳି। ଯେକୌଣସି ଖେଳାଳି ଏହି ପର୍ଯ୍ୟାୟ ଦେଇ ଯାଇପାରିବେ। ଯେତେବେଳେ ଆପଣ ୧୫ ବର୍ଷ ଧରି କ୍ରିକେଟ ଖେଳିଛନ୍ତି, ଫର୍ମ କଦାପି ସମସ୍ୟା ନୁହେଁ। ସେ ଭଲ ଲୟରେ ଅଛନ୍ତି। ଫାଇନାଲ ପାଇଁ ଆମେ କୋହଲିଙ୍କୁ ସମ୍ପୂର୍ଣ୍ଣ ଭାବେ ସମର୍ଥନ କରିବୁ।

The post କୋହଲିଙ୍କ ଫର୍ମଙ୍କୁ ନେଇ ଏମିତି କହିଦେଲେ କୋଚ ରାହୁଲ ଦ୍ରାବିଡ appeared first on Dharitri Odia News.