କ୍ରିକେଟର ହେବେ ଅବରାମ! ଦେଖାଇଲେ ପ୍ରଥମ ଝଲକ

ନୂଆଦିଲ୍ଲୀ,୨୯।୪: କୋଲକାତା ନାଇଟ ରାଇଡର୍ସ ଆଇପିଏଲ ୨୦୨୪ ର ୪୭ ତମ ମ୍ୟାଚ ରେ ଦିଲ୍ଲୀ କ୍ୟାପିଟାଲ୍ସକୁ ଭେଟିବ । ଏହି ମ୍ୟାଚ କୋଲକାତାର ଇଡେନ ଗାର୍ଡେନ୍ସରେ ଖେଳାଯିବ। ଏହି ମ୍ୟାଚ ପୂର୍ବରୁ କେକେଆରର ଏକ ପ୍ରଶିକ୍ଷଣ ଅଧିବେଶନର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯେଉଁଥିରେ ବଲିଉଡ ଇଣ୍ଡଷ୍ଟ୍ରିର କିଙ୍ଗ ଖାନଙ୍କ ସାନପୁଅ ଅବରାମ ଖାନ ତାଙ୍କ ବୋଲିଂ ଦକ୍ଷତା ପ୍ରଦର୍ଶନ କରୁଥିବା ଦେଖିବାକୁ ମିଳିଛି।

ଭାଇରାଲ ଭିଡିଓରେ ଅବରାମ ଖାନ ରିଙ୍କୁ ସିଂଙ୍କ ସହ କ୍ରିକେଟ ଖେଳୁଛନ୍ତି, ଯେଉଁଥିରେ ରିଙ୍କୁ ମଧ୍ୟ ଅବରାମଙ୍କ ବଲକୁ ସାମ୍ନା କରିବାରେ ବିଫଳ ହୋଇଥିଲେ।
ପ୍ରକୃତରେ ଭାଇରାଲ ଭିଡିଓରେ ଶାହରୁଖ ଖାନଙ୍କ ପୁଅ ଅବରାମ ଖାନ ରିଙ୍କୁ ସିଂଙ୍କୁ ଏକ ୟର୍କର ବଲ ବୋଲିଂ କରୁଥିବା ଦେଖିବାକୁ ମିଳିଛି। ଏହି ବଲ ଦେଖି କେକେଆରର ବ୍ୟାଟ୍ସମ୍ୟାନ ରିଙ୍କୁ ସିଂ ମଧ୍ୟ ହୋସ ଉଡାଇଥିଲେ ଏବଂ ସେ କୌଣସି ସଟ କରିପାରିନଥିଲେ ଏବଂ ଭୂମିରେ ବସି ବଲକୁ ଦେଖୁଥିବାର ଦେଖାଯାଇଥିଲା। ଏହି ଭିଡିଓରେ ଶାହାରୁଖ ଖାନ କେକେଆର ଦଳର ଜର୍ସି ପିନ୍ଧିଥିବାର ନଜର ଆସିଛନ୍ତି। ପ୍ରଶଂସକମାନେ ଏହି ଭିଡିଓକୁ ବହୁତ ପସନ୍ଦ କରିଛନ୍ତି। ପ୍ରଶଂସକମାନେ କହିଛନ୍ତି ଯେ ଅବରାମ ଖାନ ଭବିଷ୍ୟତର କ୍ରିକେଟର ହେବେ।

Rinku Singh faces little boy Abram during fun session between the practice.pic.twitter.com/i31f34F0Ns

— KKR Vibe (@KnightsVibe) April 28, 2024

The post କ୍ରିକେଟର ହେବେ ଅବରାମ! ଦେଖାଇଲେ ପ୍ରଥମ ଝଲକ appeared first on Dharitri Odia News.